Howard Robard Hughes Jr., naixiu de Houston (Texas, Estaus Unius) o 24 d'aviento de 1905 y muerto en un avión en rota enta Houston (Texas, Estaus Unius) 5 d'abril de 1976, estió un controvertiu empresario, director cinematografico, productor cinematografico, guionista, piloto, y filantropo estausunidense, muit vinculau con o cine estausunidense y con o mundo de l'aviación, arias de l'actividat humana a on i destacó especialment. Considerau como una persona d'alta excentricidat y partidario d'un estilo de vida muit retirau, se creye que padeixeba un trestuque obsesivo-compulsivo, dolors cronicas y xordera.
En o mundo d'o cine estausunidense lo suyo nombre prencipió a tener prestichio dende finals d'os anyos 1920, con as cintas The Racket (1928, Lewis Milestone), Hell's Angels (1930, dirichida por él) y Scarface (1932, tamién dirichida por él). En 1948 mercó la productora RKO Pictures, una d'as cinco productoras d'a Edat d'oro de Hollywood, encara que la companyía deixó d'existir en 1957.
En o mundo de l'aviación, Howard Hugues fundó en 1932 Hughes Aircraft Company, adedicada a la producción de material ta la defensa y con bels contractos con o Gubierno estausunidense. Batió bellas vegadas lo Récord de Velocidat Aeria con avions experimentals d'a suya companyía, como lo Hughes H-1 Racer u Hughes H-4 Hercules, en recibindo amás bellos reconoiximientos y distincions por a suya labor en iste campo.
Se veiga tamién Cintas producidas por Howard Hughes.
Vinclos externos
Howard Robard Hughe en IMDb. Howard Robard Hughes en o National Aviation Hall of Fame.
Categoría:Aviadors d'Estaus Unius Categoría:Directors cinematograficos d'Estaus Unius Categoría:Empresarios d'Estaus Unius Categoría:Guionistas d'Estaus Unius Categoría:Muertos en Houston Categoría:Naixius de Houston Categoría:Productors cinematograficos d'Estaus Unius Categoría:1905 (naixencias) Categoría:1976 (muertes)