Asunción Casal (nombre artistico d'Assumpció Casals Rovira), naixida de Barcelona (Barcelonés, Catalunya) o 17 de chinero de 1896 y muerta en ixa mesma ciudat o 23 de chinero de 1975, estió una actriz catalana, activa en o teatro y en o cine espanyol dende primerías d'os anyos 1910 dica los anyos 1970, partecipando tamién en o cine mexicano mientres o suyo exilo en Mexico en os anyos 1940.
Actriz precoz, dende muit choven ya partecipaba en obras teatrals, concretament con nomás que 14 anyadas ya actuaba en o Teatro Romea de Barcelona en la obra dramatica Lo ferrer de tall, de Serafí Pitarra, en ixe mesmo teatro en 1910 actuó en a obra teatral The Magistrate (obra teatral), d'Arthur Wing Pinero. O 2 de chinero de 1913 casó en Manacor (Balears) con l'actor Joaquim Torrents i Ferrers (de qui s'esvurció en aviento de 1935). Debutó con o suyo primer papel como protagonista en 1921 en La vida bohèmia, d'Amichatis y Joaquim Montero i Delgado, convertindo-se en primera actriz en a companyía d'Enric Borràs i Oriol y tenendo dende alavez una destacada presencia en a escena teatral catalana (estió l'actriz favorita d'o dramaturgo Ángel Guimerá), partecipando tamién en bella cinta d'o cine espanyol.
En primerías d'os anyos 1930 pasó a actuar en bels teatros de Madrit y en 1935 prencipió una chira por America d'o Sud. En 1938, mientres a Guerra Civil espanyola s'exilió en primeras en Francia y Cuba ta rematar en instalar-se en Mexico, a on i continó con a suya carrera coo actriz vinculada a l'Orfeón Catalán de Mexico que dirichiba en ixas envueltas Avel·lí Artís i Balaguer, partecipando tamién en bellas cintas d'ixos anyos d'o cine mexicano.
A finals d'os anyos 1940 tornó en Barcelona, reprenendo a suya carrera profesional actuando en obras en catalán dica los anyos 1970.
Filmografía Asunción Casal en IMDb. Anyo Títol d'a cinta Papel Director Reparto Atros '''' [ ''''] en IMDb.
Vinclos externos
Asunción Casal en Internet Movie Database.
Categoría:Actrices de Catalunya Categoría:Exiliaus d'o franquismo Categoría:Muertos en Barcelona Categoría:Naixius de Barcelona Categoría:1896 (naixencias) Categoría:1975 (muertes)