Iste articlo ye sobre una cinta estausunidense de l'anyo 1950; ta atros usos, se veiga Rio Grande.

right|thumb|250px|Imachen publicitaria d'a cinta, con John Wayne, Maureen O'Hara y Claude Jarman, Jr.. right|thumb|250px|Una escena d'a cinta, con John Wayne, Maureen O'Hara y Victor McLaglen. right|thumb|250px|Una escena d'a cinta, con John Wayne y Maureen O'Hara. Rio Grande ye una cinta de l'anyo 1950 de cine estausunidense, un western romantico en blanco y negro dirichiu y produciu por John Ford ta rematar a suya trilochía d'a caballería chunto con Fort Apache (1948) y She Wore a Yellow Ribbon (1949). Producida por John Ford y Merian C. Cooper (no acreditaus) ta las productoras Republic Pictures y Argosy Pictures seguntes un guión adaptau por James Kevin McGuinness d'una historia de 1947 publicada en Saturday Evening Post por James Warner Bellah, Mission With No Record, con una Banda Sonora Orichinal de Victor Young y una dirección de fotografía de Bert Glennon, en l'elenco d'a cinta se puet mencionar a bels actors como John Wayne y Maureen O'Hara (protagonistas d'a cinta), Ben Johnson, Claude Jarman Jr., Harry Carey Jr., Chill Wills, J. Carrol Naish, Victor McLaglen, Grant Withers y Stan Jones. Tamién cal destacar al grupo musical Sons of the Pioneers.

Argumento Mientres o verano de 1879 (quince anyadas dimpués d'as "campanyas d'a val d'o Shenandoah") ninvían a lo tenient coronel Kirby Yorke en a muga de Texas con o 2º Rechimiento de Caballería ta esfender a los colons que i viven d'os ataques d'os apaches. York se troba con muita presión en no disponer de suficients tropas ta cumplir la suya misión y en trobar-se con que los apaches bien luego d'os suyos ataques marchan a refuchiar-se en Mexico, luent d'as posibilidaz de Yorke de perseguir-los. Tanimientres, York consigue fer presonero a lo chefe d'os apaches.

Simultaniament, en plegar os nuevos reclutas que li ninvían, York troba entre éls como soldau a Jefferson Yorke, lo suyo fillo a qui no heba visto mientres as zagueras quince anyadas. Jefferson, encara que matriculau en l'Academia militar de West Point, heba suspendiu y bien luego s'alistó como soldau. Jefferson li diz a su pai que no aspera garra tracto especial motivau en estar su fillo y li diz que él no ha solicitau ixe destín. Kirby accede a los deseyos de su fillo, qui se fa amigo de Travis Tyree (qui s'heba alistau en fuyindo d'a persecución d'a Lei) y de Daniel "Sandy" Boone. En plegar dos marshal que son buscando a Tyree diz que por "homicidio involuntario", iste fa lo tutón dezaga d'un caballo y no lo descubren.

Tamién plega en o fuerte Kathleen, la esposa de Kirby, que porta tamién quince anyadas deseparada d'o suyo esposo y que busca a lo fillo ta que torne enta casa. No quiere saber cosa d'o suyo mariu porquemientres a Guerra Civil estausunidense York, cumplindo órdens, fogarció Bridesdale, la casa familiar de Kathleen. Antiparte, chunto con York tamién se troba lo sarchento mayor Quincannon, qui estió mal apler en dar-li a York lo brandón ta cremar Bridesdale y Kathleen tampoco no lo perdona. D'atra man, Jefferson tamién s'encara con su mai y li diz que él quiere continar en l'exercito. Encara que discutindo por o futuro d'o suyo fillo, entre Kathleen y Kirby reviscola poquet a poquet l'antigo amor.

En ixe inte los apaches atacan una nueit o fuerte y liberan a su chefe, y Kirby Yorke marcha dezaga d'éls con un destacamento. Tamién plega un marshal qui obtiene que engarcholen a Travis Tyree dica que torne lo tenient coronel, qui ye o solo que puet autorizar la entrega d'o soldau. Kirbye Yorke persigue a los indios fuchitivos dica la muga con Mexico, a on se troba con una patrulla de l'exercito mexicano, qui lis diz que no pueden trescruzar la muga, y torna en lo suyo fuerte, decepcionau. Sindembargo, Travis consigue fuyir con l'aduya d'o sarchento mayor Quincannon y d'o medico d'o rechimiento y busca enforiquiau dica que lo marshal albandone y marche; ta fuyir ha robau lo caballo de Kirbye. Philip Sheridan plega en o fuerte. Sheridan heba estau lo chefe de Kirbye mientres la guerra civil y agora ye qui manda sobre las tropas d'a muga. Ordena a lo tenient coronel que trescruce lo río Grande ta dentrar en Mexico y perseguir a los apaches, encara que ye conscient de que ixo puet provocar un greu incident diplomatico, pero ye una orden oral, no escrita. Si Yorke triunfa, garra problema; pero si no, será chuzgau en un consello de guerra, encara que Sheridan li promete que los chueces d'ixe consello serán toz antigos companyers d'as campanyas d'a val d'o río Shenandoah.

Antes de marchar contra los apaches, Kirby Yorke decide portar a los ninos y las mullers, ta guarenciar la suya seguridat, enta Fort Bienaventuranza, pero los apaches los atacar y fan presoners a los ninos. Jefferson Yorke, que ye un d'os soldaus de protección d'a colla, marcha enta lo fuerte ta pedir aduya y los indios cuasi lo capturan, en salvando-lo Travis Tyree, qui yera seguindo-los. Finalment, lo grupo d'escolta se replega con o grupo principal mandau por lo tenient coronel Kirby Yorke y marchan toz dezaga d'os indios dica dentrar en Mexico, ta liberar a los ninos y ta rematar con o periglo d'os apaches.

Elenco* Rio Grande en Internet Movie Database. Actor Papel Notas John Wayne Tenient coronel Kirby Yorke Maureen O'Hara Mrs. Kathleen Yorke Ben Johnson Soldau Travis Tyree Claude Jarman Jr. Soldau Jefferson "Jeff" Yorke Harry Carey Jr. Soldau Daniel "Sandy" Boone Chill Wills Dr. Wilkins, medico d'o rechimiento J. Carrol Naish Tenient cheneral Philip Sheridan Victor McLaglen Sarchento mayor Timothy Quincannon Grant Withers Marshal Sons of the Pioneers Musicos d'o rechimiento Peter Ortiz Capitán St. Jacques Steve Pendleton Capitán Prescott Karolyn Grimes Margaret Mary Alberto Morin Tenient Stan Jones Sarchento Fred Kennedy Soldau Heinze Ken Curtis Donnelly, cantaire d'o rechimiento No acreditau Tommy Doss Cantaire d'o rechimiento No acreditau Hugh Farr Cantaire d'o rechimiento No acreditau Karl Farr Cantaire d'o rechimiento No acreditau Shug Fisher Cantaire d'o rechimiento / Corneta No acreditau Cliff Lyons Soldau No acreditau Lee Morgan No acreditau Jack Pennick Sarchento No acreditau Lloyd Perryman Cantaire d'o rechimiento No acreditau Chuck Roberson Oficial / Indio que lanza flecha a lo cofre d'o coronel Yorke No acreditau Barlow Simpson Chefe indio No acreditau Patrick Wayne Nino No acreditauFillo de John Wayne y con nomás que 11 anyadas, ye la suya primer cinta.

Rodache Lo rodache d'a cinta se fació en Monument Valley en l'estau d'Arizona y en bels atros puestos d'o sud-ueste de l'estau d'Utah amanaus a lo río Colorado, encara que l'acción d'a cinta se sitúa en l'estau de Texas.

Se veiga tamién Cine en 1950. Cintas de 1950.

Referencias

Vinclos externos

Rio Grande en Internet Movie Database. Rio Grande en AllMovie. Rio Grande en TCM Movie Database. Rio Grande en l' American Film Institute Catalog de l'American Film Institute. / Rio Grande en FilmAffinity. Rio Grande en Allociné. Rio Grande en Rotten Tomatoes.

Categoría:Cintas ambientadas en Texas Categoría:Cintas ambientadas en os anyos 1870 Categoría:Cintas con banda sonora orichinal de Victor Young Categoría:Cintas con dirección de fotografía de Bert Glennon Categoría:Cintas con guión de James Kevin McGuinness Categoría:Cintas con montache de Jack Murray Categoría:Cintas d'Estaus Unius Categoría:Cintas de cine de romance Categoría:Cintas de western Categoría:Cintas dirichidas por John Ford Categoría:Cintas en blanco y negro Categoría:Cintas en anglés Categoría:Cintas interpretadas por Ben Johnson Categoría:Cintas interpretadas por Chill Wills Categoría:Cintas interpretadas por Claude Jarman Jr. Categoría:Cintas interpretadas por Grant Withers Categoría:Cintas interpretadas por Harry Carey Jr. Categoría:Cintas interpretadas por J. Carrol Naish Categoría:Cintas interpretadas por John Wayne Categoría:Cintas interpretadas por Maureen O'Hara Categoría:Cintas interpretadas por Stan Jones Categoría:Cintas interpretadas por Victor McLaglen Categoría:Cintas producidas por John Ford Categoría:Cintas producidas por Merian C. Cooper Categoría:Cintas rodadas en Arizona Categoría:Cintas rodadas en Utah