Ángel Cristóbal Montes (Zaragoza, 15 d'agosto de 1935 - Zaragoza, 15 de chulio de 2022 Muere el profesor y político aragonés Ángel Cristóbal Montes. El Confidencial, 15 de chulio de 2022) estió un politico aragonés miembro d'o Partido Popular de Aragón.
Biografía Naixiu de Zaragoza o 15 d'agosto de 1935, yera casau y teneba una filla. Doctor en Dreito, estió catedratico de Dreito Civil d'a Universidat de Zaragoza y anteriorment d'as universidaz Central de Venezuela y Catolica Andrés Bello, tamién en Venezuela. Treballó tamién como asesor churidico y como avogau, publicando mas de cuaranta libros y a-saber-los treballos y articlos periodisticos.
Prencipió a suya carrera politica en o Partido Socialista Obrero Español, formación con a que estió deputau en o Congreso d'os Deputaus dende 1977 dica 1982, asinas como consellero d'a Deputación Cheneral d'Aragón preautonómica mientres tres anyos. Con a mayoría absoluta de Felipe González en 1982 decide albandonar o partiu y solicitar a suya dentrada en Alianza Popular.
Con iste nuevo partiu y o suyo succesor, o Partido Popular, estió concellero d'o Concello de Zaragoza y deputau en as Corz d'Aragón entre 1987 y 2007, habendo estau portavoz d'o suyo Grupo Parlamentario y amás president d'a camara en a suya III lechislatura. Mientres o suyo mandato en 1993, o PSOE e IU presentan una moción de censura que rematará con o gubierno d'Emilio Eiroa, d'o PAR, y que sale adebant gracias a o refirme d'un transfuga d'o PP, Emilio Gomáriz, dando paso asinas a o gubierno de José Marco que tamién habrá de dimitir dimpués.
Tamién estió miembro d'a Orden a o Merito Constitucional, Medalla d'Oro d'a Ciudat de Zaragoza y Miembro d'o Consello Academico d'a Institución Fernando el Católico.
Referencias
Vinclos externos Ficha en a web d'as Corz d'Aragon.
Categoría:Avogaus d'Aragón Categoría:Catedraticos d'Aragón Categoría:Catedraticos d'a Universidat Catolica Andrés Bello Categoría:Catedraticos d'a Universidat Central de Venezuela Categoría:Catedraticos d'a Universidat de Zaragoza Categoría:Consellers de Chusticia d'a Deputación Cheneral d'Aragón Categoría:Consellers d'Afers Socials d'a Deputación Cheneral d'Aragón Categoría:Deputaus en o Congreso d'os Deputaus por a provincia de Zaragoza Categoría:Deputaus d'a Lechislatura Constituyent d'o Congreso d'os Deputaus Categoría:Deputaus d'a I Lechislatura d'o Congreso d'os Deputaus Categoría:Deputaus en as Corz d'Aragón por a circumscripción electoral de Zaragoza Categoría:Deputaus d'a II Lechislatura d'as Corz d'Aragón Categoría:Deputaus d'a III Lechislatura d'as Corz d'Aragón Categoría:Deputaus d'a IV Lechislatura d'as Corz d'Aragón Categoría:Deputaus d'a V Lechislatura d'as Corz d'Aragón Categoría:Deputaus d'a VI Lechislatura d'as Corz d'Aragón Categoría:Institución Fernando el Católico Categoría:Naixius de Zaragoza Categoría:Politicos d'Aragón Categoría:Politicos d'o Partido de los Socialistas de Aragón Categoría:Politicos d'o Partido Popular de Aragón Categoría:Presidents d'as Corz d'Aragón Categoría:Primer Gubierno Bolea Categoría:Segundo Gubierno Bolea Categoría:1935 (naixencias)