Juan Antonio de Andrés Rodríguez, naixiu de Teruel Teruel (Comunidat de Teruel, Aragón) en 1942 y muerto en Zaragoza (Comarca Central, Aragón) lo 13 de chinero de 2026, Esquela de Juan Antonio De Andrés Rodríguez en Cadena Ser, 14 de chinero de 2026. estió un avogau y politico aragonés que estió president d'a Deputación Cheneral d'Aragón.
Biografía Naixiu en 1942 de Teruel, ye licenciau en Dreito. Estió consellero de Treballo y Servicios Socials y Sanidat, Treballo y Acción Social en os dos respectivos gubiernos de Gaspar Castellano. En dimitir o president dimpués d'a redota d'UCD en as eleccions chenerals de 1982, Juan Antonio de Andrés, d'o mesmo partiu, prene o control d'o gubierno, succedindo a José María Hernández de la Torre que heba estau president en funcions. BOA 30 d'aviento de 1982. En a suya etapa reorganiza l'anterior executivo metendo a consellers mas politicos: José Ángel Biel como consellero de Presidencia; Luis Alfonso de Miguel, d'Agricultura; Vicente Comet, de Sanidat, y Francisco Seral, de Treballo y Acción Social.
Como president, entre febrero y abril de 1983 fació una campanya institucional con l'obchectivo de dar a conoixer o nuevo Estatuto d'Autonomía d'Aragón d'a que feban parti politicos, intelectuals, artistas y representants d'atras institucions. Tamién se celebró o 23 d'abril d'ixe anyo en Fraga una chornada d'afirmación aragonesista.
Entre as suyas reivindicacions a o Gubierno d'o Estau estioron as milloras en as comunicacions, presentando-se os prochectos de l'Autovía Zaragoza-Madrit y l'exe norte-sud en forma d'una autovía que uniría Pau, Uesca, Zaragoza, Teruel y Valencia. Como a mayoría d'executivos aragoneses reivindicó tamién a reubertura d'o Canfranc. En ista lechislatura se celebró en Bordeus a Conferencia d'os Pireneus.
Dimpués d'albandonar a presidencia estió Director Cheneral d'Afers Churidicos y Administración Autonomica en o gubierno d'Emilio Eiroa. D'atra man también lideró en Aragón a frustrada «Operación Reformista» de Roca, fendo parti d'a suya chestora chunto a Vicente Bielza de Ory, Luis María Garriga Ortiz y José Antonio Armillas.
Ha estau tamién Chefe d'Inspección d'a Seguridat Social en Uesca.
Morió a los 83 anyos d'edat o día 13 de chinero de 2026. A Deputación Cheneral d'Aragón decretó tres días de luto oficial por o suyo falleiximiento Carla Muñoz Fandoz: Aragón declara tres días de luto oficial por la muerte de Juan Antonio de Andrés, en Aragón Digital..
Referencias
Se veiga tamién Gubierno De Andrés.
Vinclos externos
En Ecured.cu
Categoría:Avogaus d'Aragón Categoría:Consellers d'Afers Socials d'a Deputación Cheneral d'Aragón Categoría:Consellers de Sanidat d'a Deputación Cheneral d'Aragón
Categoría:Politicos d'Aragón Categoría:Presidents d'a Deputación Cheneral d'Aragón Categoría:Primer Gubierno Castellano Categoría:Segundo Gubierno Castellano Categoría:Muertos en Zaragoza Categoría:Naixius de Teruel Categoría:1942 (naixencias) Categoría:2026 (muertes)