Oliván ye un lugar aragonés situau en a Tierra de Biescas y que fa parte tamién d'o municipio de Biescas en a comarca de l'Alto Galligo y provincia de Uesca.
D'antis mas tenió lo suyo propio municipio, dende 1834 y dica 1960-1970, que encluyiba os vecins lugars de Larrede, Xabierre-Cuarnas, Susín, Orós Baixo, Orós Alto y Casbas. Apareixe por primera vegata documentau en a "Documentación diplomatica de Fanlo" en 1035, a on amaneix "Ato Sanciones de Olivane". En 1044 o toponimo ye Ulibano y en 1061 Ulibane.
D'iste lugar ye orichinaria a familia infanzona Oliván que dimpués s'estendilló por Xabierre-Cuarnas, Os Corrals, Aso de Sobremón, Lamata, Abiego y Castellón de Val de Chasa. Os nombres d'as casas d'Oliván son Azón, Carlos, Chuan, Félix, Hilario, Chuanico, Marina, Herrero, Piquero, Capitán, Colorau, Borderas y Canela.
O chentilicio d'Oliván ye olivano, pero les dicen tamién "pataters" y "laminers" como se veye en o dito popular "Buena fambre la d'os mocetes d'Oliván, que se comieron os abozos del caldero y los llamaban lamineros".
Clima A suya temperatura anyal ye 12.52 °C, con una temperatura meya en chinero de 6.54 °C y en chulio de 18.84 °C. "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).
Molimentos Ilesia de Sant Martín Bispe d'Oliván; una ilesia en estilo romanica adedicada a Sant Martín Bispe, construyida arredol de l'anyada 1060 y que fa parte d'a rota d'ilesias de Sarrablo. Fue enamplada en o sieglo XVI ta acullir a mas fidels en adhibindo-le una nueva nau Jaime Cobreros Aguirre: Las rutas del románico en España. Volumen II: Aragón, Cataluña, Navarra, País Vasco y La Rioja, Grupo Anaya, S.A., Madrit, 2004, 1era edición, , p.168. y la suya torre campanal fue esviellada. Ye la ilesia parroquial d'o lugar. Parroquias del Arciprestazgo de Biescas en o sitio web d'a Diocesi de Chaca.
Bi ha bellas casas d'o sieglo XVII, destacando casa Aínsa, de 1651.
Referencias
Bibliografía Alfonso Zapater: Aragón pueblo a pueblo, 4. Mainer Til Editores, S.L. .
Vinclos externos
*