Alastrué ye un lugar d'o municipio de Boltanya, en a provincia de Uesca. Actualment no tien habitants. Ye cuaternato como Alastuey en o Fogache de 1495.
Toponimia Seguntes Ramón Menéndez Pidal ye una deformación d'o basco Last-toi, "puesto con rigachuelo", sindembargo Rohlfs 1952 considera que ye analogo con l'occitán Allasac en Corrèze, que deriva d'o chentilicio Alacius, documentato en Galia Cisalpina, con una terminación -ué que deriva d'un sufixo baixo imperial u altomeyeval que indica pertenencia, como ye o caso d'a terminación -ac en occitán y a terminación -asco en o norte d'Italia. Rohlfs, Gerhard: Le suffixe préroman -ué, -uy dans la toponymie aragonnaise et catalane, en Archivo de Filología Aragonesa IV, 1952.
A -r- ye epentetica, como en o caso de l'aragonés Flandres u tamién de rastra que bien de restis, u o francés rustre en cuenta de ruste.
Seguntes Manuel Benito Moliner, miembro de l'Instituto d'Estudios Altoaragoneses, tien o suyo orichen en un antrotoponimo latino, Alastarius, con un sufixo celta -uey, etimolochía comun con o toponimo Alastuey. Pueblos del Alto Aragón: el origen de sus nombres (A).
En o Libro del Reparo del General de 1489-1491 s'escribe Alastuey.
Molimentos A Ilesia d'o Salvador d'Alastrué, una ilesia d'o sieglo XVII adedicada a lo Salvador, que ye la ilesia parroquial d'o lugar.
Referencias
Categoría:Lugars de Boltanya Categoría:Despoblaus d'a provincia de Uesca Categoría:Localidaz d'a diocesi de Chaca en Sobrarbe