Frontinyán (oficialment, en castellano, Frontiñán ACÍN FANLO, José Luis. Paisajes con memoria; Viaje a los pueblos deshabitados del Alto Aragón (7ª Ed.). Ed. PRAMES; Zaragoza, 2006. «Frontiñán» en o blog Despoblados de Huesca; consultau o 20 d'octubre de 2012.) ye una aldeya aragonesa d'o municipio de l'Aínsa-Sobrarbe, en a comarca de Sobrarbe y a provincia de Uesca. A suya población ye de 0 habitants.
En l'actualidat y dende meyanías d'o sieglo XX se troba despoblau, y no se guarda de piet garra vivienda. Feba parte de l'antigo municipio d'o Elsón, en chunto con Mondot, o Elsón y Chabierre. En a decada de 1960 fue absorviu en o municipio d'Alto Sobrarbe, «Alto Sobrarbe» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada o 20 d'octubre de 2012. que dende 1981 ye parte integradera en o termino de l'Aínsa-Sobrarbe.
Cheografía Frontinyán se troba en a valleta d'o barranco de Sant Chils, afluent d'o Susía y por tanto en a cuenca hidrolochica de o dito río, afluent d'o río Cinca. Fa parte de o cuadrant sud-occidental d'a comarca de Sobrarbe, en ueste d'a Cinca y en sud de l'Ara; a sub-comarca tradicional que se diz «o Viello Sobrarbe».
Se concara con a casa de a Coloma, en alto d'un cerret en a cuentra d'o barranco, y ye accesible por un camino que ranca d'Hespitalet d'Espluguiello, alto en l'augua-partient contra la valle d'o río Vero.
En l'actualidat, en Frontinyán se i puede destinguir as enrunas d'una casa, anque en i pudon estar dos d'alcuerdo con bels autors. I heba una capiella que se reconvirtió en una ferrería, y cualques edificios auxiliars como corrals y bordas. Conoixió a suya población maxima documentada en os anyos 1920, con 10 habitants.
Toponimia O toponimo Frontinyán dimana d'un antigo poblador d'epoca latina, de nombre <FRONTINIU u Frontinio, d'alcuerdo con Manuel Benito Moliner. ''Índice de pueblos del Alto Aragón, el orígen de sus nombres. Por Manuel Benito Moliner. Consultau o 20 d'octubre de 2012. O toponimo incorporaría, por tanto, a terminación -án/-ano que expresa (entre belatras cosas) pertinencia a un personache historico u sisquiera un antigo propietario rural, como tamién pasa en o toponimo «o Mediano» (en a Fueva) d'alcuerdo con o mesmo autor.
Se veiga tamién O Elsón (municipio) Alto Sobrarbe Viello Sobrarbe Río Susía Val d'o Susía Prochecto d'entibo en o río Susía
Referencias
Vinclos externos En http://www.despobladosenhuesca.com/
Categoría:Lugars de l'Aínsa-Sobrarbe Categoría:Despoblaus d'a provincia de Uesca Categoría:Localidaz d'a diocesi de Uesca en Sobrarbe