Iste articlo ye sobre una cinta italo-britanica de cine d'aventuras dramaticas de l'anyo 1975; ta atro usos, se veiga The Count of Monte Cristo y The Count of Monte Cristo (cinta).

The Count of Monte Cristo (títol orichinal en anglés, en aragonés O conte de Monte Cristo, estrenada en Aragón con o suyo títol traduciu enta lo castellano como El conde de Monrecristo) ye una cinta (un telefilm) de cine d'aventuras dramaticas de l'anyo 1975 coproducida por o cine britanico y lo cine italiano dirichida por David Greene seguntes un guión adaptau por Sidney Carroll (basau en Le comte de Monte-Cristo, una novela escrita por Alexandre Dumas en 1844), con una banda sonora orichinal d'Allyn Ferguson, una dirección de fotografía d'Aldo Tonti y una producción cinematografica de Norman Rosemont ta las productoras Incorporated Television Company y Norman Rosemont Productions. De l'elenco d'a cinta en fan parte, entre d'atros, os actors Richard Chamberlain, Donald Pleasence, Louis Jourdan, Tony Curtis, Kate Nelligan, Trevor Howard, Dominic Guard, Taryn Power, Dominic Barto, Alessio Orano, Angelo Infanti, Isabelle De Valvert, Anthony Dawson, Harold Bromley, George Willing, Carlo Puri, Ralph Michael y Harry Baird.

Edmond Dantès ye un marinero que en morir o capitán d'o barco mercante s'ha convertiu "de facto" en o nuevo capitán d'o barco, que navega en 1815 por a mar Mediterrania. Pero antes de morir o capitán, o barco heba feito una escala en a isla d'Elba, a on nomás heba baixau d'o barco lo capitán, qui heba recibiu una carta de Napoléón Bonaparte sin adreza, con o suyo destinatario nomás que conoixiu de memoria por o capitán. Cuan ye amán d'a muerte, o capitán ha confiau a carta a Edmond Dantès, chunto con l'adreza de destín. Cuan plegan en Marsiella, lo desín d'o barco, Edmond Dantès troba a su pai y a su novia, Mercedes, con qui ha de casar bien luego. Sindembargo, de prduz una alianza circumstancial entre bellas personas d'o suyo entrono que estará fatal ta él. En primeras, un tripulant d'o barco a qui ha expulsau por ladrón conta lo tema d'a carta a lo propietario d'o barco, qui charra con o capitán Albert Mondego, qui ye enamorau de Mercedes. Enre toz dos preparan una denuncia anonima contra Dantès en acusando-lo de bonapartismo. Tanimientres, mientres l'interrogatorio de Dantès por o fiscal tot marcha bien y parixe que quedará libre, dica que revela lo nombre d'o destinatario d'a carta, que no ye atro que lo mesmo pai d'o fiscal. En consecuencia, zarran a Dantès en una fortaleza inaccesible, a on conoix a l'abat Faria, qu li revela a on s'amaga un fabuloso tresoro y li explica cómo poder fuyir, en aproveitando la suya propia muerte que ya s'amana. Cuan Dantès ronsigue fuyir y acceder a lo tresoro, escomencipia la suya venganza contra toz os que li han feito mal.

A cinta s'ambienta en Marsiella en 1815 y en 1833 en París, y las suyas escenas se filmoron en Porto Venere (Liguria) y en os estudios de Cinecittà en Roma en Italia, en o castiello d'It en Marsiella (Francia) y en o palacio Parisio en Naxxar en Malta. Localizacions de The Count of Monte Cristo en Internet Movie Database.

Elenco The Count of Monte Cristo en Internet Movie Database. Actor Papel Notas ''''

Se veiga tamién Cine en 1975. Cintas de 1975.

Referencias

Categoría:Cintas ambientadas en Marsiella Categoría:Cintas ambientadas en París Categoría:Cintas ambientadas en 1815 Categoría:Cintas ambientadas en 1833 Categoría:Cintas con banda sonora orichinal d'Allyn Ferguson Categoría:Cintas con dirección de fotografía d'Aldo Tonti Categoría:Cintas con guión de Sidney Carroll Categoría:Cintas con montache de Gene Milford Categoría:Cintas de cine d'aventuras Categoría:Cintas de cine de drama Categoría:Cintas d'Italia Categoría:Cintas d'o Reino Uniu Categoría:Cintas dirichidas por David Greene Categoría:Cintas en anglés Categoría:Cintas interpretadas por Alessio Orano Categoría:Cintas interpretadas por Angelo Infanti Categoría:Cintas interpretadas por Anthony Dawson Categoría:Cintas interpretadas por Carlo Puri Categoría:Cintas interpretadas por Dominic Barto Categoría:Cintas interpretadas por Dominic Guard Categoría:Cintas interpretadas por Donald Pleasence Categoría:Cintas interpretadas por George Willing Categoría:Cintas interpretadas por Harold Bromley Categoría:Cintas interpretadas por Harry Baird Categoría:Cintas interpretadas por Isabelle De Valvert Categoría:Cintas interpretadas por Kate Nelligan Categoría:Cintas interpretadas por Louis Jourdan Categoría:Cintas interpretadas por Ralph Michael Categoría:Cintas interpretadas por Richard Chamberlain Categoría:Cintas interpretadas por Taryn Power Categoría:Cintas interpretadas por Tony Curtis Categoría:Cintas interpretadas por Trevor Howard Categoría:Cintas producidas por Norman Rosemont Categoría:Cintas rodadas en Marsiella Categoría:Cintas rodadas en Naxxar Categoría:Cintas rodadas en Porto Venere Categoría:Cintas rodadas en Roma