Iste articlo ye sobre una cinta de cine belico anglo-francesa de l'anyo 1999; ta atros usos, se veiga The Trench.
The Trench (títol orichinal en anglés, en aragonés A trinchera, estrenada en Aragón con iste zaguer títol) ye una cinta de cine de drama belico de l'anyo 1999 coproducida por o cine britanico y lo cine francés, dirichida por William Boyd seguntes un guión orichinal d'él mesmo, con una banda sonora orichinal d'Evelyn Glennie y Greg Malcangi, una dirección de fotografía de Tony Pierce-Roberts y una producción cinematografica de Steve Clark-Hall ta las productoras Portman Entertainment Group, Skyline Films, British Screen Productions, Arts Council of England, Blue PM, Bonaparte Films, Canal+ y Galatée Films. Conta con un elenco d'actors d'o cual en fan parte, en os suyos papels principals, Paul Nicholls, Daniel Craig, Julian Rhind-Tutt, Danny Dyer, James D'Arcy, Tam Williams, Anthony Strachan, Michael Moreland, Adrian Lukis, Ciarán McMenamin, Cillian Murphy, John Higgins y Ben Whishaw.
En chulio de l'anyo 1916, en os días inmediatament anteriors a la batalla d'o Somme en eo Frent Occidental mientres a Primera Guerra Mundial, la cinta amuestra la ituación d'un grupo de militars de l'exercito britanico que vienen de plegar en una trinchera en primera linia d'o frent. O cabo Dell s'adedica a logar a suya colección de fotografías pornograficas, y lo soldau Billy MacFarlane li conta a su chirmano Eddie que una d'as mesachas que i amanixen creye que ye una mesacha de Liverpool que heban conoixiu d'antes mas. O sarchento Winter interrumpe la visualización d'as imáchens, y dimpués charra con o suyo superior, o tenient Harte, qui li informa que la suya unidat ha estau designada ta fer parte d'un ataque, marchando contra las tropas de l'Imperio alemán en a tercera oliada d'ataque y que en consecuencia la unidat tiendrá bien picas baixas en l'ataque. Ixa nueit Eddie fa funcions de guaita, pero li renega lo sarcento, porque lo troba mirando las linias alemanas por un forau d'o parapeto d'a trinchera y li diz que los francotiradors podeban disparar-li. A lo día siguient, os soldaus li fan la mosca a Eddie ta que torne a mirar y, en fer-lo, recibe un recibe un disparo que li provoca ferida en a maixiella y en o cuello. Bien luego plega un coronel, qui arenga a los soldaus ta l'ataque. Bien Billy troba a dos soldaus a qui heban ninviau a fer una chestoón literalment espiazaus y desintegraus por un impacto directo d'artillería. De nueit, ninvían a lo sarchento Winter y a Beckwith de patrulla, y tornan constatando que atamas d'os bombardeyos sufrius, os alemans tienen alta la moral y no han teniu baixas. En ixas condicions, finalment plega lo momento de l'ataque.
A cinta s'ambienta en l'anyo 1916 en o departamento d'o Somme, y las suyas escenas se filmoron en os Bray Film Studios en Windsor (Berkshire). Localizacions de The Trench en Internet Movie Database.
Se tracta d'una cinta que ha recibiu bels premios y nominacions, encara que garra d'istos premios no fe parte d'os principals premios cinematograficos.
Elenco The Trench en Internet Movie Database. Actor Papel Notas ''''
Se veiga tamién Cine en 1999. Cintas de 1999.
Referencias
Categoría:Cintas ambientadas en Somme Categoría:Cintas ambientadas en 1916 Categoría:Cintas con banda sonora orichinal d'Evelyn Glennie Categoría:Cintas con banda sonora orichinal de Greg Malcangi Categoría:Cintas con dirección de fotografía de Tony Pierce-Roberts Categoría:Cintas con guión de William Boyd Categoría:Cintas con montache de Jim Clark Categoría:Cintas con montache de Laurence Méry-Clark Categoría:Cintas de cine belico Categoría:Cintas de cine de drama Categoría:Cintas de Francia Categoría:Cintas d'o Reino Uniu Categoría:Cintas dirichidas por William Boyd Categoría:Cintas en alemán Categoría:Cintas en anglés Categoría:Cintas interpretadas por Adrian Lukis Categoría:Cintas interpretadas por Anthony Strachan Categoría:Cintas interpretadas por Ben Whishaw Categoría:Cintas interpretadas por Ciarán McMenamin Categoría:Cintas interpretadas por Cillian Murphy Categoría:Cintas interpretadas por Daniel Craig Categoría:Cintas interpretadas por Danny Dyer Categoría:Cintas interpretadas por James D'Arcy Categoría:Cintas interpretadas por John Higgins Categoría:Cintas interpretadas por Julian Rhind-Tutt Categoría:Cintas interpretadas por Michael Moreland Categoría:Cintas interpretadas por Paul Nicholls Categoría:Cintas interpretadas por Tam Williams Categoría:Cintas producidas por Steve Clark-Hall Categoría:Cintas rodadas en Windsor (Berkshire) Categoría:Cintas de cine sobre a Primera Guerra Mundial