Five Guns West (títol orichinal en anglés, en aragonés Cinco pistolas en l'ueste, estrenada en Aragón con o títol en castellano de Cinco pistolas) ye una cinta de cine estausunidense de cine de western de l'anyo 1955 dirichida por Roger Corman seguntes un guión orichinal de R. Wright Campbell, con una dirección de fotografía de Floyd Crosby, una banda sonora orichinal de Buddy Bregman y una producción cinematografica de Roger Corman ta la productora cinematografica Palo Alto Productions. L'elenco d'a cinta se composa, entre d'atros actors, por John Lund, Dorothy Malone, Mike Connors, Robert Wright Campbell, Jonathan Haze, Paul Birch, James Stone, Jack Ingram, Larry Thor y James B. Sikking.
En os zaguers momentos d'a Guerra Civil d'os Estaus Unius, os Estaus Confederaus d'America se troban con una necesidat imperiosa de soldaus, asinas que recurren a presos por delictos graus ta poder cumplir una misión periglosa en a retraguarda d'as tropas federals. Se tracta de cinco condenaus a muerte y la suya misión ye d'interceptar a un antigo espía confederau que ha traicionau la causa quedando-se con os 30.000 dólars en monedas d'oro que se li heban confiau ta pagar a confidents. Se sabe que viachará en una dilichencia de camín enta California, asinas que los cinco sudistas, vestius de civil, marchan enta un lugar a on saben que pasará ixa dilichencia. Tanimientres, ya de camín prencipia a haber-ie movimientos de cadagún d'éls ta apropiar-se d'os diners. Cuan plegan en o suyo destín, troban que se tracta d'un lugarón cuasi que albandonau, a on nomás i viven que una mesacha y lo suyo tío, alcolizau. Bien luego los sudistas prencipian estar conscients de que fa muito tiempo que denguno d'éls ha estau con una muller, y a la vegada la mesacha finalment conoix l'obchectivo d'ixos hombres y concibe lo plan de fuyir-ne ta avisar a la dilichencia. Pero un d'ixos cinco hombres tampoco no ye lo que diz estar.
A cinta s'ambienta en l'anyo 1865 en Kansas mientres a Guerra Civil d'os Estaus Unius y las suyas escenas se filmoron en o rancho Iverson y lo rancho Jack Ingram en Los Angeles y en o Parque Nacional d'a Val d'a Muerte en California. Localizacions de Five Guns West en Internet Movie Database.
Elenco Five Guns West en Internet Movie Database. Actor Papel Notas ''''
Se veiga tamién Cine en 1955. Cintas de 1955.
Referencias
Categoría:Cintas ambientadas en Kansas Categoría:Cintas ambientadas en 1865 Categoría:Cintas con banda sonora orichinal de Buddy Bregman Categoría:Cintas con dirección de fotografía de Floyd Crosby Categoría:Cintas con guión de R. Wright Campbell Categoría:Cintas con montache de Ronald Sinclair Categoría:Cintas de western Categoría:Cintas d'Estaus Unius Categoría:Cintas dirichidas por Roger Corman Categoría:Cintas en anglés Categoría:Cintas interpretadas por Dorothy Malone Categoría:Cintas interpretadas por Jack Ingram Categoría:Cintas interpretadas por James Stone Categoría:Cintas interpretadas por James B. Sikking Categoría:Cintas interpretadas por John Lund Categoría:Cintas interpretadas por Jonathan Haze Categoría:Cintas interpretadas por Larry Thor Categoría:Cintas interpretadas por Mike Connors Categoría:Cintas interpretadas por Paul Birch Categoría:Cintas interpretadas por Robert Wright Campbell Categoría:Cintas producidas por Roger Corman Categoría:Cintas rodadas en California Categoría:Cintas rodadas en Los Angeles Categoría:Cintas sobre a Guerra Civil d'os Estaus Unius