Star of Midnight (títol orichinal en anglés, en aragonés Estrela de meyanueit, estrenada en Aragón con o suyo títol traduciu enta lo castellano como Estrella de medianoche) ye una cinta de cine estausunidense de cine de comedia d'intriga estrenada l'anyo 1935, dirichida por Stephen Roberts seguntes un guión adaptau por Howard J. Green y Edward Kaufman (basau en Star of Midnight, una novela que encara no heba publicau Arthur Somers Roche y que no publicó que dica 1936). A suya banda sonora orichinal ye de Max Steiner, con una dirección de fotografía de J. Roy Hunt y una producción cinematografica a lo cudiau de Pandro S. Berman ta la productora cinematografica RKO Pictures. L'elenco d'a cinta ye formau por William Powell, Ginger Rogers, Paul Kelly, Gene Lockhart, Ralph Morgan, Leslie Fenton, J. Farrell MacDonald, Russell Hopton, Vivien Oakland, Robert Emmett O'Connor, Bess Flowers y George Chandler, entre d'atros actors.
Ya fa un anyo que ha desapareixiu la novia de Tim Winthrop en Chicago, y creye que se troba en Nueva York, asinas que marcha enta ixa ciudat y contacta con o suyo amigo Clay "Dal" Dalzell, un avogau y playboy, y li demana aduya ta trobar-la. Toz dos, chunto con Donna Mantin, que ye enamorada de Dal, marchan ta veyer una obra teatral protagonizada por Mary Smith, una actriz mascarada, que desapaixe nomás que Winthrop creye reconoixer en ella a su novia y la clama por su nombre, Alice. Tommy Tennant, un periodista d'alcavotio, diz que tiene bella información iportant sobre lo caso, pero l'asasinan en a cambra de Dal antis de poder revelar a dita información. Ta la Policía, lo principal sospeitoso ye Dal, y iste decide investigar ta resolver toz dos misterios, a desaparición d'a mesacha y l'asasinato d'o periodista, con a benevolencia de Doremus , l'inspector de Policía al cudiau d'o caso, que no lo creye culpable. Amás, o caso se complica cuan aparixe un matrimonio que tamién busca a Alice, en estar ista un posible testigo que puede amostrar la inocencia d'o mariu en un asasinato en Chicago.
A cinta s'ambienta en a suya epoca actual (1935) en a ciudat de Nueva York y las suyas escenas se filmoron en os RKO Studios en Los Angeles (California). Localizacions de Star of Midnight en Internet Movie Database.
Elenco Star of Midnight en Internet Movie Database. Actor Papel Notas ''''
Se veiga tamién Cine en 1935. Cintas de 1935.
Referencias
Categoría:Cintas ambientadas en Nueva York (ciudat) Categoría:Cintas ambientadas en 1935 Categoría:Cintas con banda sonora orichinal de Max Steiner Categoría:Cintas con dirección de fotografía de J. Roy Hunt Categoría:Cintas con guión d'Edward Kaufman Categoría:Cintas con guión de Howard J. Green Categoría:Cintas con montache d'Arthur Roberts Categoría:Cintas de cine de comedia Categoría:Cintas de cine d'intriga Categoría:Cintas d'Estaus Unius Categoría:Cintas dirichidas por Stephen Roberts Categoría:Cintas en anglés Categoría:Cintas interpretadas por Bess Flowers Categoría:Cintas interpretadas por Gene Lockhart Categoría:Cintas interpretadas por George Chandler Categoría:Cintas interpretadas por Ginger Rogers Categoría:Cintas interpretadas por J. Farrell MacDonald Categoría:Cintas interpretadas por Leslie Fenton Categoría:Cintas interpretadas por Paul Kelly Categoría:Cintas interpretadas por Ralph Morgan Categoría:Cintas interpretadas por Robert Emmett O'Connor Categoría:Cintas interpretadas por Russell Hopton Categoría:Cintas interpretadas por Vivien Oakland Categoría:Cintas interpretadas por William Powell Categoría:Cintas producidas por Pandro S. Berman Categoría:Cintas rodadas en Los Angeles