O Conchunto Historico de Melilla (en castellano Conjunto Histórico de Melilla) ye a denominación conchunta que reciben cualques zonas d'a ciudat de Melilla, como Melilla La Vieja, l'ixample modernista, lo Barrio Industrial y o Barrio del Real entre atras, que son protechidas culturalment como un bien d'intrés cultural d'Espanya. Se troba inscrito en o teixiu urbán d'a ciudat de Melilla.
Historia L'11 d'agosto de 1953, a zona antiga d'a ciudat de Melilla, un enclau espanyol en a costa nortafricana, fue declarada conchunto historico artistico per meyo d'un decreto publicau o 9 de setiembre d'ixe mesmo anyo, en o Boletín Oficial del Estado, con a rubrica d'o dictador Francisco Franco y de Joaquín Ruiz-Giménez, ta part d'alavez ministro d'Educación Nacional. BOE d'o 7 de setiembre de 1953.
A Dirección Provincial d'o Ministerio de Cultura d'Espanya, en aviento de 1978 adchudicó a elaboración d'un inventario arquitectonico entregau en chinero de 1980 y a Comisión de Patrimonio de Melilla, creyada o 9 de chulio de 1979, con chestions l'11 de febrero de 1980, fació que lo 26 d'o mesmo mes lo Ministerio de Cultura solicitase a la Delegación de Gubierno edificios a estar nombraus BIC, relación facilitada l'11 de marzo en a que s'incluyioron 25 edificios. Posteriorment, o 6 d'octubre se tramitoron os expedients de 10 d'éls. La destrucción del monumental cinema y la defensa del patrimonio art déco. Antonio Bravo Nieto. Revista Aldaba, 33. Reinbook Imprès. ISSN 0213-7925.
En 1986 s'aprebó l'ampliación d'o conchunto historico d'a ciudat, contando ta part d'alavez con o estatus de Bien d'Intrés Cultural. En l'aria protechida s'incluyen Melilla La Vieja, l'Ixample Modernista y cualques zonas d'o Barrio Industrial y d'o Barrio del Real entre d'atras. BOE d'o 17 de chinero de 1987.
Referencias
Categoría:Molimentos de Melilla Categoría:Biens d'Intrés Cultural de Melilla