César Alierta Izuel, naixiu de Zaragoza (Comarca Central, Aragón) o 5 de mayo de 1945 y muerto en ixa mesma ciudat o 10 de chinero de 2024, Ramón Muñoz: Muere a los 78 años el expresidente de Telefónica y Tabacalera, César Alierta, en El País, 10 de chinero de 2024. estió un avogau y empresario aragonés, que destacó entre d'atras actividaz por estar president de Tabacalera (1996-1999) y mas que mas president de Telefónica (2000-2001). Tamién estió un d'os principals accionistas d'o Real Zaragoza. Yera fillo d'o politico y empresario aragonés Cesáreo Alierta y d'a suya muller Juana Izuel Labad.
Formación Fillo d'o politico y empresario aragonés Cesáreo Alierta, alcalde de Zaragoza mientres a dictadura franquista, y d'a suya muller Juana Izuel Labad, fació la suya formación en Zaragoza, la suya ciudat natal, licenciando-se en Dreito por la Universidat de Zaragoza, completando dimpués la suya formación en a Columbia Business School de Nueva York, dependient d'a Universidat de Columbia.
Vida profesional En tornar en Espanya, lo suyo primer treballo estió como asesor financiero en o Banco Urquijo, puyando poquet a poquet en l'organigrama de dito banco.
A meyaus de 1985 fundó la suya propia empresa y en aviento de 1991 fue nombrau president de l'Asociación Española del Mercado de Valores, cargo a on i remanió dica 1996, cuan o Primer Gubierno Aznar lo nombró president de Tabacalera, que yera alavez una empresa de capital publico, continando en ixe cargo dica 1999 cuan Tabacalera se fusionó con a francesa Seita ta formar una nueva empresa clamada Altadis.
L'anyo 2000 fue nombrau President de Telefónica, nuevament por o Primer Gubierno Aznar, prenendo parte activa en a reactivación d'a empresa, dica la suya dimisión lo 29 de marzo de 2016 (encara que continó fendo parte d'o suyo Consello d'Administración dica mayo de 2017).
Morió por una pneumonía.
Referencias
Vinclos externos
Categoría:Alumnos d'a Universidat de Columbia Categoría:Alumnos d'a Universidat de Zaragoza Categoría:Avogaus d'Aragón Categoría:Empresarios d'Aragón Categoría:Muertos en Zaragoza Categoría:Muertos por pneumonía Categoría:Naixius de Zaragoza Categoría:Presidents de Tabacalera Categoría:Presidents de Telefónica Categoría:1945 (naixencias) Categoría:2024 (muertes)