250px|thumb|Olivera royal en os chardins d'o monesterio de Santa María de Veruela. A royal ye una variedat d'olivera propia d'a Sierra de Cazorla, provincia de Chaén (Espanya), orichinaria d'ista rechión. Ista variedat se destina a la producción d'aceite d'oliva virchen extra. [https://www.oleicolajaen.es/en/aove-royal-nuevo-monovarietal-de-oleicola-jaen/ AOVE ROYAL, nuevo monovarietal de OLEÍCOLA JAÉN], en Oleícola Jaén, 27 d'octubre de 2016. Variedad de olivo royal, en Agraria Olearum. [https://web.archive.org/web/20241203021115/https://www.aceitedejaen.es/blog/43-variedades-del-aceite-de-oliva-virgen-extra-royal Variedades del Aceite de Oliva Virgen Extra: Royal]. Rafael Flores, 2019. Aceite Royal, en Aceite del Campo.
Extensión A olivera d'a variedat royal s'estendilla mas que mas por as localidaz d'a comarca d'a Sierra de Cazorla, en especial por os termins municipals de La Iruela, Cazorla y Quesada. Tamién se troba, en menor mida, en a comarca de Las Villas y en a de Sierra de Segura. Ye una variedat rustica muit bien adaptada a terrenos de montanya con altarias meyas de 800 metros, con hibiernos fríos y resistencia a la sequera.
Producción 220px|thumb|Oliva royal en a olivera en Veruela. A producción d'aceite de oliva virchen extra d'a variedat royal representa o 5 % d'a producción total mundial d'AOVE, lo que la fa una variedat muit exclusiva. A practica totalidat d'a producción d'AOVE royal dentra en a Denominación d'Orichen Sierra de Cazorla.
En Aragón ye una variedat segundaria en l'aceite d'o Baixo Aragón, representando una proporción de no mas d'un 20%, y en l'aceite Sierra de Moncayo, a on se troba como maximo en un 5%.
Caracteristicas de l'aceite A variedat royal ha pasau d'estar una oliva que se replegaba tardanament, en os meses de febrero y marzo debiu a la suya resistencia a o desprendimiento, a estar estimada como una variedat que produz grans aceites tempranas. Presenta una color verda intensa, muit afruitada, fresca, a on dominan as aromas a almendreta, platano, hierba y manzana. L'amargo, en contraposición a la variedat picual con a que comparte os campos en a Sierra de Cazorla, ye muit baixo, variando a intensidat d'o picant d'unas cullitas a un atras. As aceites mas tardanas d'a royal se caracterizan por un afruitau mas sinyalero, con toques de vainilla, fruitas maduras, figos ixutos... Presenta grans cantidaz de vitamina E, polifenols y ácidos grasos monoinsaturados, lo que contribuye a la protezión celular y a la salut cardiovascular.
Uso culinario L'aceite royal ye ideal ta consumir-lo en crudo, en tostadetas, ensaladas, salmorejos u gazpachos. Tamién marida bien con pescaus azuls, mesmo a lo furno que en escabeche, por la suya sabor suau y afruitada con luchera amargor y picant casi inapreciable.
Futuro d'a variedat As oliveras d'a variedat royal sofrioron en as pasadas decadas un gran retacule en numero en favor d'a variedat picual, mas productiva y con mayor rendimiento graso, y por tanto mas rentable, dica deixar-la en una posición minoritaria. Ixa regresión d'a variedat royal ya s'ha aturau en l'actualidat, en estimar-se muito mas a gran calidat d'as suyas aceites tempranas, afruitadas y lucherament amargas, y en haber apuyau en os productors y consumidors os conoiximientos y cultura de l'aceite d'oliva virchen extra. Actualment se presentan en o mercau gran cantidat d'AOVEs tempranas d'a variedat royal de gama prémium, ye decir, con mayor valura anyadida.
Se veiga tamién Royal d'Alloza. Royal de Calatayú.
Referencias
Categoría:Variedaz d'oliva