Iste articlo ye sobre una cinta de cine epico historico estausunidense de 1960; ta atros usos, se veiga Exodus.
Exodus (títol orichinal en anglés, en aragonés Exodo, estrenada en Aragón con o suyo títol traduciu enta lo castellano como Éxodo) ye una cinta de cine estausunidense de cine de drama epico historico estrenada l'anyo 1960, dirichida por Otto Preminger seguntes un guión adaptau por Dalton Trumbo (basau en a novela Exodus, que heba publicau Leon Uris l'anyo 1958), con una banda sonora orichinal d'Ernest Gold, una dirección de fotografía de Sam Leavitt y una producción cinematografica d'Otto Preminger ta la productora cinematografica Carlyle-Alpina, S.A.. Fan parte de l'elenco d'a cinta, entre d'atros actors, Paul Newman, Eva Marie Saint, Ralph Richardson, Peter Lawford, Lee J. Cobb, Sal Mineo, John Derek, Hugh Griffith, Martin Miller, Gregory Ratoff, Felix Aylmer, David Opatoshu, Jill Haworth, Marius Goring, Alexandra Stewart, Michael Wager, Martin Benson, Paul Stevens, Victor Maddern, George Maharis y Esther Ofarim.
A cinta conta la formación d'Israel en forma novelada y con una visión amplament pro-israelina (anque encara lo yera mas a primer versión d'o guión que fació Leon Uris antis de que se refusase y se contractase a Dalton Trumbo, en o que estió chunto con Spartacus las suyas primeras cintas oficials dimpués d'estar en a lista negra de Hollywood). Kitty Fremont ye una vidua estausunidense que poco dimpués d'a Segunda Guerra Mundial se troba en Chipre convidada por o cheneral Sutherland, qui estió amigo de su mariu, que yera periodista y morió cubrindo noticias d'a guerra. En Chipre conoix a Karen Hansen, una chudieva procedent de Dinamarca que ha plegau en Chipre en un barco de refuchiaus chudieus a qui los britanicos han impediu dentrar en Palestina y mantienen en un campo d'internamiento en Chipre. Kitty decide adoptar a Karen y ista ye en principio conforme, pero alavez aparixe Ari Ben Canaan, veterano d'a Brigada Chudieva mientres a guerra y militant d'o Haganah, qui organiza la fuga de 611 chudieus d'o campo levando-los enta un barco que ha de marchar enta Palestina. Entre ixos 611 chudieus se troba Karen. Cuan dimpués d'una bada de fambre las autoridaz britanicas lis permiten plegar en Palestina, marchan enta un kibbutz clamau Gan Dafna, Kitty marcha con éls, y prencipia una atracción entre ella y Ari, a la vegada que iste fa d'intermediario on a organización terrorista Irgun ta colaborar con a Haganah para guaranciar a independencia d'Israel en luita contra los arabes que asetian o kibbutz y los atros asentamientos chudieus, amostrando los primers días d'a Guerra arabo-israelina de 1948 dimpués d'a declaración d'independencia d'Israel.
A cinta s'ambienta en 1948 en Famagusta en Chipre y en Acre y atros puestos d'Israel y las suyas escenas se filmoron en Famagusta en Chipre y en Acre y Cherusalem en Israel. Localizacions d'Exodus en Internet Movie Database.
Se tracta d'una cinta que ha recibiu cuantos premios y nominacions, entre los cuals destacan un Premio Oscar (Millor Banda Sonora Orichinal) y dos nominacions (Millor Actor Segundario y Millor Fotografía en Color) en a suya 33ena edición; y un Premio Globo d'Oro a lo Millor Actor Segundario y dos ominacions (Millor Banda Sonora Orichinal y Millor Estrela Emerchent Femenina) en a suya 18ena edición.
Elenco Exodus en Internet Movie Database. Actor Papel Notas ''''
Se veiga tamién Cine en 1960. Cintas de 1960.
Referencias
Vinclos externos Exodus en Internet Movie Database. Exodus en Rotten Tomatoes. Exodus en TCM Movie.
Categoría:Cintas ambientadas en Acre (Israel) Categoría:Cintas ambientadas en Famagusta Categoría:Cintas ambientadas en Israel Categoría:Cintas ambientadas en 1948 Categoría:Cintas con banda sonora orichinal d'Ernest Gold Categoría:Cintas con dirección de fotografía de Sam Leavitt Categoría:Cintas con guión de Dalton Trumbo Categoría:Cintas con montache de Louis R. Loeffler Categoría:Cintas de cine de drama Categoría:Cintas de cine epico Categoría:Cintas de cine historico Categoría:Cintas d'Estaus Unius Categoría:Cintas dirichidas por Otto Preminger Categoría:Cintas en anglés Categoría:Cintas en Panavision Categoría:Cintas en Technicolor Categoría:Cintas interpretadas por Alexandra Stewart Categoría:Cintas interpretadas por David Opatoshu Categoría:Cintas interpretadas por Eva Marie Saint Categoría:Cintas interpretadas por Felix Aylmer Categoría:Cintas interpretadas por George Maharis Categoría:Cintas interpretadas por Gregory Ratoff Categoría:Cintas interpretadas por Hugh Griffith Categoría:Cintas interpretadas por Jill Haworth Categoría:Cintas interpretadas por John Derek Categoría:Cintas interpretadas por Lee J. Cobb Categoría:Cintas interpretadas por Marius Goring Categoría:Cintas interpretadas por Martin Benson Categoría:Cintas interpretadas por Martin Miller Categoría:Cintas interpretadas por Michael Wager Categoría:Cintas interpretadas por Paul Newman Categoría:Cintas interpretadas por Paul Stevens Categoría:Cintas interpretadas por Peter Lawford Categoría:Cintas interpretadas por Ralph Richardson Categoría:Cintas interpretadas por Sal Mineo Categoría:Cintas interpretadas por Victor Maddern Categoría:Cintas producidas por Otto Preminger Categoría:Cintas rodadas en Acre (Israel) Categoría:Cintas rodadas en Cherusalem Categoría:Cintas rodadas en Famagusta Categoría:Cintas sobre a Guerra arabo-israelina de 1948