O Escuadrón de Refirme a o Desplegue Aerio (en castellano Escuadrón de Apoyo al Despliegue Aéreo, EADA) ye una unidat de l'Exercito de l'Aire y d'o Espacio espanyol que se troba localizada en a Base Aeria de Zaragoza en Zaragoza, Aragón. Chunto con o Escuadrón de Zapadores Paracayidistas (EZAPAC) forman a fuerza aeroterrestre de l'Exercito de l'Aire de Espanya.
O Escuadrón de Refirme a o Desplegue Aerio ye una d'as unidaz mas operativas de l'Exercito de l'Aire, y posiblement a mas versátil. A suya misión ye refirmar en a esfensa, desplegue y mantenimiento d'as condicions d'operación d'as unidaz aerias. As suyas capacidaz prencipals son a protección d'a fuerza y o refirme a o desplegue d'as unidaz aerias. En as dos arias ye a unidat de referencia en l'Exercito de l'Aire.
Se tracta d'una unidat singular, no nomás por a suya misión, sino tamién por o carácter paracayidista d'o suyo personal (118 cuadros de mando y 367 militares profesionals de tropa) y por a peculiaridat d'o material con que conta.
Categoría:Fuerzas armadas en Aragón Categoría:Unidaz de l'Exercito de l'Aire y d'o Espacio d'Espanya