A seu de Sant Pero de Ratisbona (en alemán Dom St. Peter u Regensburger Dom) ye una seu d'estilo gotico que se troba en a ciudat de Ratisbona (Bavera, Alemanya). Ye a seu d'a diocesi de Ratisbona; estando a ilesia mas important d'a ciudad y un d'os suyos simbolos. Ye, amás, l'eixemplo mas important de l'arquitectura gotica en l'Alemania Meridional.

Historia Arredol de 739, sant Bonifacio eslichió a zona d'a Porta Praetoria (Puerta Norte de l'antiga fortaleza romana) como seu catedralicia, y l'emplazamiento ha remaniu dende alavez. A seu fue reconstruyida en epoca carolinchia y enamplada en primerías d'o sieglo XI, con un crucero d'alto u baixo 15 metros d'amplaria, dos torres y l'atrio.

Entre 1156 y 1172 l'edificio se cremó dos vegadas, prencipiando a reconstrucción, en estilo gotico, en 1273. Os tres coros d'a nueva seu yeran prestos pa o suyo uso en 1320, mientres que l'antiga ilesia fue espaldada alavez. En 1342 se devantó a torre sud y enta 1350 se pasó a la torre norte. En o periodo entre 1385 y 1415, se remató a dentrada, rematando as obras en 1525, cuan a frontera plegaba ta o suyo tercer livel.

A cupula d'o crucero y atros sectors s'esvielloron en estilo barroco en o sieglo XVII. Entre 1828 y 1841, se fació una restauración neogotica en a seu encargada por o rei Loís I de Bavera, en a que se realoichoron os frescos barrocos y s'espaldó a cupula, estando substituyida por una vuelta de crucería cuatripartita. As torres y os suyos chapistels se rematoron entre 1859 y 1869. Tres anyos dimpués, a seu quedó rematada en fer-se o crucero.

Edificio A planta presenta un abside poligonal sin de capiella radial ni deambulatorio. Muit destacada ye a frontera prencipal, con as suyas dos torres simetricas flanquiando o portal, decorau tot ello con profusas labors goticas y neogoticas.

L'edificio tien as siguients dimensions: "Regensburg: St Peter's Cathedral". Achim Hubel. Schnell & Steiner. Schnell, Art Guide. Ed. 4th. Ratisbona, 2010. Pach. 12.

largaria (interior): 86,00 m amplaria (interior): 34,80 m altaria d'a nau prencipal: 32 m altaria d'o campanal: 105 m

Referencias

Vinclos externos

Vesita Virtual

Ratisbona Categoría:Molimentos de Ratisbona Categoría:Ilesias de Bavera * Categoría:Ilesias goticas d'Alemanya Categoría:Ilesias d'Alemanya adedicadas a sant Pero