The Karate Kid Part II (títol orichinal en anglés, en aragonés O zagal de karate parti II, estrenada en Aragón co o títol mixto en anglés y castellano de Karate Kid II: La historia continúa, en aragonés O zagal de karate parti II: la historia contina) ya una cinta de cine estausunidense de cine de drama d'artes marcials estrenada l'anyo 1986, dirichida por John G. Avildsen seguntes un guión orichinal de Robert Mark Kamen, con una banda sonora orichinal de Bill Conti, una dirección de fotografía de James Crabe y una producción cinematografica de Jerry Weintraub ta la productora cinematografica Delphi V Productions. L'elenco d'actors d'a cinta ye formau por Ralph Macchio, Pat Morita, Nobu McCarthy, Tamlyn Tomita, Danny Kamekona, Yuji Okumoto, Charlie Tanimoto, Joey Miyashima y Marc Hayashi, entre d'atros.
The Karate Kid Part II ye la segunda cinta d'a franquicia cinematografica The Karate Kid, dimpués de The Karate Kid (1984, John G. Avildsen) y antis de The Karate Kid Part III (1989, John G. Avildsen), y en ista entrega d'a serie Daniel LaRusso contina la suya amistat con o sinyor Miyagi, qui recibe una carta que li diz que su pai ye morindo en Okinawa, la suya tierra natal, y decide ir-ie. Daniel decide acompanyar-lo en estar su mai fuera por treballo. Miyagi explica a Daniel que marchó d'o suyo país en estar enamorau d'una muller (Yukie) a qui los suyos pais heban acordau casar con o millor amigo de Miyagi, qui lo retó a un duelo. Alavez Miyagi decidió marchar enta los Estaus Unius. Cuan plegan en Okinawa los recibe Chozen Toguchi, qui los conduz a una trampa y los deixa en mans d'o suyo tío Sato, que ye l'amigo enemistau de Miyagi y lo torna a retar a un combat, negando-se de raso Miyagi. En os días siguients Miyagi y Yukie tornan a revivir o suyo amor (ella finalment no s'heba casau) a la vegada que Daniel intima con Kumiko, la sobrina de Daniel. D'atra man, Chozen Toguchi acosa a la parella y tamién quiere luitar contra Daniel. Ista situación explosiva entre tot o grupo de personaches se resolverá cuan plega en a isla un tifón.
A cinta s'ambienta en a suya epoca actual (1986) en Los Angeles (California) en os Estaus Unius y en a prefectura d'Okinawa en Chapón y las suyas escenas se filmoron en localizacions en Hawaii y en Los Angeles en California, amás d'e os Warner Brothers Burbank Studios en Burbank, tamién en California. Localizacions de The Karate Kid Part II en Internet Movie Database.
Se tracta d'una cinta que ha recibiu bels premios y nominacions, en destacando una nominación a los Premios Oscar (Millor Canción Orichinal) en a suya 59ena edición.
Elenco The Karate Kid Part II en Internet Movie Database. {|class="wikitable sortable" style="font-size: 90%;"
! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas
| ''
Se veiga tamién Cine en 1986. Cintas de 1986.
Referencias
Vinclos externos The Karate Kid Part II en Internet Movie Database. The Karate Kid Part II en TCM Movie. The Karate Kid Part II en l'American Film Institute Catalog de l'American Film Institute''. The Karate Kid Part II en Box Office Mojo.
Categoría:Cintas ambientadas en a prefectura d'Okinawa Categoría:Cintas ambientadas en Los Angeles Categoría:Cintas ambientadas en 1986 Categoría:Cintas con banda sonora orichinal de Bill Conti Categoría:Cintas con dirección de fotografía de James Crabe Categoría:Cintas con guión de Robert Mark Kamen Categoría:Cintas con montache de David Garfield Categoría:Cintas con montache de Jane Kurson Categoría:Cintas con montache de John G. Avildsen Categoría:Cintas de cine d'artes marcials Categoría:Cintas de cine de drama Categoría:Cintas d'Estaus Unius Categoría:Cintas dirichidas por John G. Avildsen Categoría:Cintas en anglés Categoría:Cintas en Panavision Categoría:Cintas interpretadas por Charlie Tanimoto Categoría:Cintas interpretadas por Danny Kamekona Categoría:Cintas interpretadas por Joey Miyashima Categoría:Cintas interpretadas por Marc Hayashi Categoría:Cintas interpretadas por Nobu McCarthy Categoría:Cintas interpretadas por Pat Morita Categoría:Cintas interpretadas por Ralph Macchio Categoría:Cintas interpretadas por Tamlyn Tomita Categoría:Cintas interpretadas por Yuji Okumoto Categoría:Cintas producidas por Jerry Weintraub Categoría:Cintas rodadas en Burbank Categoría:Cintas rodadas en Hawaii Categoría:Cintas rodadas en Los Angeles