One, Two, Three (títol orichinal en anglés, en aragonés Un, dos, tres, estrenada en Aragón con o suyo títol traduciu enta lo castellano como Uno, dos, tres) ye una cinta de cine estausunidense de cine de comedia politica sobre la Guerra Fría estrenada l'anyo 1961, dirichida por Billy Wilder seguntes un guión adaptau por él mesmo y por I. A. L. Diamond (basau en Egy, kettő, három, una obra teatral de Ferenc Molnár de 1929 y tamién en o guión d'a cinta Ninotchka, con un guión coescrito por Billy Wilder), con una banda sonora orichinal d'André Previn, una dirección de fotografía de Daniel L. Fapp, una producción cinematografica d'o mesmo Billy Wilder ta las productoras The Mirisch Company y Pyramid Productions, A. G. y que conta con un elenco d'actors d'o cual en fan parte, entre d'atros, James Cagney, Horst Buchholz, Pamela Tiffin, Arlene Francis, Liselotte Pulver, Hanns Lothar, Howard St. John, Leon Askin, Ralf Wolter, Peter Capell, Karl Lieffen, Hubert von Meyerinck, Loïs Bolton, Til Kiwe, Henning Schlüter, Karl Ludwig Lindt y Friedrich Hollaender.
En o Berlín Occidental en 1961 mientres a Guerra Fría, CR "Mac" MacNamara ye un alto executivo de Coca-Cola que deseya ascender ta estar nombrau chefe d'operacions d'a companyía en Europa Occidental. Ye prebando de conseguir un alcuerdo con representants d'a Unión Sovietica ta introducir ixa marca de refresco en dito país cuan recibe una trucada telefonica de WP Hazeltine, lo suyo chefe en Atlanta (Cheorchia, en Estaus Unius), decindo-le que la suya conflictiva filla, Scarlett Hazeltine, de 17 anyadas, ye fendo un viache por Europa y plegará bien luego en Berlín y demanando-le que queda a lo suyo cudiau mientres a suya estada en a ciudat. Cuan plega la mesacha, la suya estada s'enampla dende las dos semanas previstas inicialment dica dos meses, y finalment Mac descubre lo motivo: Scarlett s'ha enamorau d'Otto Piffl, un choven militant comunista d'a Republica Democratica Alemana y s'ha casau en ixe país con él y como Otto marchará a estudiar a Moscú, ella marchará con él. Mac fa servir todas as suyas influencias ta conseguir fer desaparixer a preba d'o matrimonio d'os rechistros y amás consigue que arresten a Otto, acusau d'estar un espía alemán. Pero cuan creye qua ha rematau con o problema, descubre que Scarlett ye embarazada y amás li comunican que los pais d'a mesacha plegarán bien luego en Berlín. Asinas que nomás ha de consguir tornar a introducir o documento d'o matrimonio en os rechistros, obtener a libertat d'Otto y convertir-lo en un yerno acceptable ta Hazeltine, que ye un personache fundament conservador y anticomunista, porque de no conseguir tot ixo lo suyo futuro en Coca-Cola no existirá.
One, Two, Three s'ambienta en Berlín en a suya epoca actual (1961) mientres a Guerra Fría, y las suyas escenas se filmoron en ixa mesma ciudat de Berlín y en Múnich (Bavera), amás d'en os Bavaria Studios en Grünwald, tamién en Bavera. Localizacions d'One, Two, Three en Internet Movie Database.
Ye una cinta que ha recibiu cuantos premios y nominacions, en destacando una nominación a los Premios Oscar (Millor Fotografía en Blanco y Negro) en a suya 34ena edición; y dos nominacions a los Premios Globos d'Oro (Millor Cinta de Comedia y Millor Actriz Segundaria) en a suya 19ena edición).
Elenco One, Two, Three en Internet Movie Database. Actor Papel Notas ''''
Se veiga tamién Cine en 1961. Cintas de 1961.
Referencias
Vinclos externos
One, Two, Three en Internet Movie Database. One, Two, Three en TCM Movie.
Categoría:Cintas ambientadas en Berlín Categoría:Cintas ambientadas en 1961 Categoría:Cintas con banda sonora orichinal d'André Previn Categoría:Cintas con dirección de fotografía de Daniel L. Fapp Categoría:Cintas con guión de Billy Wilder Categoría:Cintas con guión d'I. A. L. Diamond Categoría:Cintas con montache de Daniel Mandell Categoría:Cintas de cine de comedia Categoría:Cintas de cine politico Categoría:Cintas d'Estaus Unius Categoría:Cintas dirichidas por Billy Wilder Categoría:Cintas en alemán Categoría:Cintas en anglés Categoría:Cintas en ruso Categoría:Cintas en blanco y negro Categoría:Cintas interpretadas por Arlene Francis Categoría:Cintas interpretadas por Friedrich Hollaender Categoría:Cintas interpretadas por Hanns Lothar Categoría:Cintas interpretadas por Henning Schlüter Categoría:Cintas interpretadas por Horst Buchholz Categoría:Cintas interpretadas por Howard St. John Categoría:Cintas interpretadas por Hubert von Meyerinck Categoría:Cintas interpretadas por James Cagney Categoría:Cintas interpretadas por Karl Lieffen Categoría:Cintas interpretadas por Karl Ludwig Lindt Categoría:Cintas interpretadas por Leon Askin Categoría:Cintas interpretadas por Liselotte Pulver Categoría:Cintas interpretadas por Loïs Bolton Categoría:Cintas interpretadas por Pamela Tiffin Categoría:Cintas interpretadas por Peter Capell Categoría:Cintas interpretadas por Ralf Wolter Categoría:Cintas interpretadas por Til Kiwe Categoría:Cintas producidas por Billy Wilder Categoría:Cintas rodadas en Berlín Categoría:Cintas rodadas en Grünwald (Bavera) Categoría:Cintas rodadas en Múnich Categoría:Cintas sobre a Guerra Fría