A casa d'a villa d'Ateca ye l'edificio que fa as funcions de casa d'a villa y por tanto seu d'o Concello d'Ateca, Aragón. Ye una construcción d'o sieglo XVII d'estilo renaixentista.
Descripción Ye un edificio de tres cuerpos, l'inferior de piedra picada con diez arcos de meyo punto formando portegaus, ueito en a frontera prencipal y dos mas en os laterals. Os dos cuerpos superiors de ladriello, con pilastras toscanas y galería aragonesa. En a planta prencipal y sobre os arcos se troban o mesmo número de balcons que dan a o salón de sesions y a os despachos prencipals. Y en a zaguera planta ye a tipica galería aragonesa con tres arquillos por cada balcón. Sobre éls un gran rafe de ladriello formau por bocel, esquinillas y gola. Fue construyiu entre os anyos 1628 y 1633 por l'obrero de villa Domingo de Múxica, estando veyedor d'o mesmo Francisco de Aguirre, obrero de villa y vecín de Calatayú. A frontera trasera ye construyida en ladriello y tapial.
En 1944, o Concello d'Ateca encargó a Mariano Urdániz siet bancos d'estilo «Renaiximiento espanyol» pa o salón de sesions, asinas como un escudo representativo pa a paret exterior d'a casa d'a villa, tres florons d'escayola, dos chigants y tres cabezudos. Cuadernos de Ateca
Referencias
Vinclos externos Concello d'Ateca
Ateca Categoría:Concello d'Ateca Categoría:Molimentos d'Ateca