Los Japón (títol orichinal en castellano, en aragonés Os Japón, estrenada en Aragón con o suyo títol orichinal) ye una cinta de cine de comedia coproducida por o cine espanyol y lo cine chaponés estrenada l'anyo 2019, dirichida por Álvaro Díaz Lorenzo seguntes un guión adaptau por él mesmo (basau en una ideya de Cristóbal Garrido y Adolfo Valor), con una banda sonora orichinal de Julio de la Rosa, una dirección de fotografía de Valentín Álvarez, una producción cinematografica de Mercedes Gamero, Mikel Lejarza y José Manuel Lorenzo ta las productoras Atresmedia Cine, Movistar Plus+ y Trece y un elenco d'actors formau por Dani Rovira, María León, Antonio Dechent, Cinta Ramírez, Iker Castiñeira, Ryo Matsumoto, José Ramón Bocanegra, Maya Murofushi, Álvaro Carrero, Boré Buika, Wen Jun, Koshu Hirano, Erika Suzuki y Hiko Achiwa, entre d'atros.
A cinta parte d'un feito real, l'orichen de l'apelliu Japón, un apelliu naixiu de Coria del Río cuan se i instaloron un grupo de chaponeses cristianos que feban parte d'una embaixada ninviada por os daimíos chaponeses cristianos enta lo papa y lo rei d'Espanya pero cuan en a batalla de Sekigahara Ieyasu Tokugawa prenió lo poder en Chapón y prencipióuna campanya tamién contra los conversos a lo cristianismo se veyoron imposibilitaus de tornar en Chapón y s'instaloron en Coria del Río, en prenendo colectivament como apelliu lo nombre d'o suyo país d'orichen, Japón en castellano. A partir d'xe feito real, a cinta conta cómo Paco vive con su muller, su fillo y su filla en Coria del Río, treballando en una empresa propiedat de chaponeses. Pero cuan en Chapón muere l'emperador sin deixar garra hereu, os funcionarios d'a casa real chaponesa investigan y descubren que Paco Japón, porque ixe ye lo suyo apelliu, ye descendient d'un fillo d'un emperador chaponés que remanió en Coria del Río por amor y transmitió l'apelliu Japón a los suyos descendients. En consecuencia, una delegación chaponesa marcha enta Coria del Río a ufrir a corona imperial a Paco, que ye lo sindicalista d'a empresa chaponesa y amás republicano. Sindembargo, presionau por su muller, Encarni, finalment accepta y la familia marcha enta Chapón ta convertir-se en os nuevos emperadors. deixan entazaga a lo suegro de Paco y a lo novio d'a filla, que finalment días dimpués deciden marchar enta Chapón, l'uno ta continar con os gastos pagaus por o suyo yerno y l'atro ta recuperrar l'amor d'a suya novia. De mientras, os Chapón son aprendendo las costumbres chaponesas y d'a cort chaponesa, que lis pareixen complicadas y (mas que mas a Encarni), masclistas. Paco prencipia a pensar que él no ye feito ta estar emperador, Encarni ha feito muita amistat con una d'as treballadoras d'a casa real, Mariko, y los fillos, cadaguno por un motivo diferent, prencipian a pensar en tornar en Coria del Río. Y ixas sensacions s'incrementan cuan prencipian a recibir bels atentaus.
A cinta s'ambienta en Coria del Río (provincia de Sevilla) en Andalucía y en Tokio en Chapón, y las suyas escenas se filmoron en Coria del Río (provincia de Sevilla) en Andalucía, Santa Cruz de Tenerife (provincia de Santa Cruz de Tenerife) en Canarias y en Tokio en Chapón. Estreno de Los Japón en Internet Movie Database.
Se tracta d'una cinta que ha recibiu bellas nominacions a bels premios cinematograficos, encara que garra d'éls no fa parte d'os prmios mas conoixius u destacaus d'o mundo cinematografico.
Elenco Los Japón en Internet Movie Database. Actor Papel Notas ''''
Se veiga tamién Cine en 2019. Cintas de 2019.
Referencias
Vinclos externos Los Japón en Internet Movie Database. Los Japón en FilmAffinity.
Categoría:Cintas ambientadas en Coria del Río Categoría:Cintas ambientadas en Tokio Categoría:Cintas ambientadas en 2019 Categoría:Cintas con banda sonora orichinal de Julio de la Rosa Categoría:Cintas con dirección de fotografía de Valentín Álvarez Categoría:Cintas con guión d'Álvaro Díaz Lorenzo Categoría:Cintas con montache de Verónica Callón Categoría:Cintas de cine de comedia Categoría:Cintas de Chapón Categoría:Cintas d'Espanya Categoría:Cintas dirichidas por Álvaro Díaz Lorenzo Categoría:Cintas en castellano Categoría:Cintas en chaponés Categoría:Cintas interpretadas por Álvaro Carrero Categoría:Cintas interpretadas por Antonio Dechent Categoría:Cintas interpretadas por Boré Buika Categoría:Cintas interpretadas por Cinta Ramírez Categoría:Cintas interpretadas por Dani Rovira Categoría:Cintas interpretadas por Erika Suzuki Categoría:Cintas interpretadas por Hiko Achiwa Categoría:Cintas interpretadas por Iker Castiñeira Categoría:Cintas interpretadas por José Ramón Bocanegra Categoría:Cintas interpretadas por Koshu Hirano Categoría:Cintas interpretadas por María León Categoría:Cintas interpretadas por Maya Murofushi Categoría:Cintas interpretadas por Ryo Matsumoto Categoría:Cintas interpretadas por Wen Jun Categoría:Cintas producidas por José Manuel Lorenzo Categoría:Cintas producidas por Mercedes Gamero Categoría:Cintas producidas por Mikel Lejarza Categoría:Cintas rodadas en Coria del Río Categoría:Cintas rodadas en Santa Cruz de Tenerife Categoría:Cintas rodadas en Tokio