Adam Henryk Małysz (naixito de Wisła o 3 d'aviento de 1977) ye un brincador polaco, ganador de dos medallas olimpicas y cuatro medallas d'oro en os Campionatos Mundials de brincos d'esquí. Cuatro vegatas ha ganato a Copa d'o Mundo (2001/2002, 2002/2003, 2003/2004 y 2006/2007), como o primer brincador que lo fació tres vegatas a l'arreu. Ha ganato lo títol d'os Campionatos de Polonia en os brincos d'esquí 17 vegatas y tres vegatas ha obtenito lo títol d'o Millor Esportista de Polonia.
Małysz prencipió a suya carrera cuan teneba seis anyos. En 1994 por primer vegata en a suya vida saltó en a competición d'a Copa d'o Mundo. Tamién en ixa anyada, en Innsbruck ganó os primers puntos en a clasificación cheneral d'ixe torneyo.
En 1996 en a capital de Noruega, Oslo, Adam Małysz ganó lo primer concurso d'a Copa d'o Mundo d'a suya carrera. En 2001 ganó lo Torneyo d'os 4 Trampolins. En a temporada 2001/2002 ganó a Copa d'o Mundo estando lo primer representant de Polonia en a historia d'os brincos en fer-lo. En os Chuegos Olimpicos 2002 en Salt Lake City ganó dos medallas: o bronce en o trampolín K-90 y a plata en el K-120.
En 2001, dos vegatas en 2003 y en 2007 ganó lo títol de Campión Mundial.
Vinclos externos
Categoría:Esquiadors de Polonia en os Chuegos Olimpicos de 2002 Categoría:Medalla d'archent en os Chuegos Olimpicos d'hibierno Categoría:Medalla de bronce en os Chuegos Olimpicos d'hibierno Categoría:Esquiadors de Polonia Categoría:1977 (naixencias)