Iste articlo ye sobre una cinta franco-estausunidense-canadiense de cine de drama d'intriga; ta atros usos, se veiga The Weight of Water.
The Weight of Water (títol orichinal en anglés, en aragonés O peso de l'augua, estrenada en Aragón con o suyo títol traduciu enta lo castellano como El peso del agua) ya una cinta de cine de drama d'intriga coproducida por o cine francés, o cine estausunidense y lo cine canadiense estrenada l'anyo 2000, dirichida por Kathryn Bigelow seguntes un guión adaptau por Alice Arlen y Christopher Kyle (basau en The Weight of Water, una novela publicada por Anita Shreve l'anyo 1997), con una banda sonora orichinal de David Hirschfelder, una dirección de fotografía d'Adrian Biddle y una producción cinematografica d'A. Kitman Ho, Sigurjón Sighvatsson y Janet Yang ta las productoras Four Water Productions y StudioCanal. De l'elenco d'actors d'a cinta en fan parte Ciarán Hinds, Richard Donat, Sarah Polley, Ulrich Thomsen, Anders W. Berthelsen, Katrin Cartlidge, Vinessa Shaw, Adam Curry, Catherine McCormack, Sean Penn, Josh Lucas, Elizabeth Hurley y Karl Juliusson, entre d'atros.
En 1873 Karen Christenson y Anethe Christenson, dos immigrants noruegas, son brutalment asasinadas en a isla Smuttynose, una chicota isla d'as islas Shoals, en a costa de Nueva Hampshire pero perteneixents a Maine. Maren Hontvedt, chirmana chicota de Karen, ye la sola supervivient y acusa a Louis Wagner, un marino alemán que heba viviu breument en a casa y que heba intentau dar-li cantarias. Dimpués d'un chudicio, condenan a Louis por l'asasinato y l'executan. En l'anyo 2000, Jean Janes ye una fotografa que ye investigando l'asasinato y viacha en a isla d'os feitos con su mariu, Thomas, un conoixiu poeta, Rich, lo chirmano de Thomas, que poseye un yate, y la novia de Rich, Adaline. Casualment, Jean descubre documentos escritos por Maren que contan os feitos anteriors a los asasinatos y la suya propia vida en a isla, a on viviba con su mariu John, de qui no yera enamorada. Cuan plegó enta la isla lo chirmano de Karen y Maren, Evan, con a suya muller Anethe, Maren prencipió a sentir atracción por Anethe. Bel día que las mullers quedoron solas, Anethe diz que ye embarazada y demana a Maren dormir con ella en tremolar-li la escolaneta. Cuan las troba Karen, creye que ixo confirma las suyas sospeitas d'a homosexualidat de Maren y la acusa amás de tener relacions incestuosas con Evan. Maren golpia a Karen con una cadiera y cuan Aethe preba de fuyir, la mata con una estral. Dimpués estrangula a Karen y s'amaga en una espluga dica lo día siguient, cuan acusa a Louis de l'asasinato. A la vegada, en a epoca actual Rich coquetia ubiertament con Jean y Thomas en para cuenta. Bel día esclata una tronada mientres son en o yate. Os dos chirmanos se troban en baixo d'o yate y las dos mullers en a cubierta d'o yate, y Jean, encelada, empenta a Adeline, que caye en a mar. Aparentment ta salvar-la, saltan a l'augua Jean y Thomas, que consiguen salvar-la, pero qui muere afogau ye Thomas.
A cinta s'ambienta en dos momentos historicos diferents (1873 y la epoca actual d'a cinta, l'anyo 2000) en a isla Smuttynose, perteneixent a lo termin municipal de Kittery, en Maine, y las suyas escenas se filmoron en Halifax (Nueva Escocia) en Canadá y en os Fox Baja Studios en Rosarito (Baixa California) en Mexico. Localizacions de The Weight of Water en Internet Movie Database.
Ye una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus.
Elenco The Weight of Water en Internet Movie Database. Actor Papel Notas ''''
Se veiga tamién Cine en 2000. Cintas de 2000.
Referencias
Vinclos externos The Weight of Water en Internet Movie Database. The Weight of Water en Box Office Mojo.
Categoría:Cintas ambientadas en Kittery Categoría:Cintas ambientadas en 1873 Categoría:Cintas ambientadas en 2000 Categoría:Cintas con banda sonora orichinal de David Hirschfelder Categoría:Cintas con dirección de fotografía d'Adrian Biddle Categoría:Cintas con guión d'Alice Arlen Categoría:Cintas con guión de Christopher Kyle Categoría:Cintas con montache de Howard E. Smith Categoría:Cintas de cine de drama Categoría:Cintas de cine d'intriga Categoría:Cintas de Canadá Categoría:Cintas d'Estaus Unius Categoría:Cintas de Francia Categoría:Cintas dirichidas por Kathryn Bigelow Categoría:Cintas en anglés Categoría:Cintas en blanco y negro Categoría:Cintas en Color by DeLuxe Categoría:Cintas en Panavision Categoría:Cintas interpretadas por Adam Curry Categoría:Cintas interpretadas por Anders W. Berthelsen Categoría:Cintas interpretadas por Catherine McCormack Categoría:Cintas interpretadas por Ciarán Hinds Categoría:Cintas interpretadas por Elizabeth Hurley Categoría:Cintas interpretadas por Josh Lucas Categoría:Cintas interpretadas por Karl Juliusson Categoría:Cintas interpretadas por Katrin Cartlidge Categoría:Cintas interpretadas por Richard Donat Categoría:Cintas interpretadas por Sarah Polley Categoría:Cintas interpretadas por Sean Penn Categoría:Cintas interpretadas por Ulrich Thomsen Categoría:Cintas interpretadas por Vinessa Shaw Categoría:Cintas producidas por A. Kitman Ho Categoría:Cintas producidas por Janet Yang Categoría:Cintas producidas por Sigurjón Sighvatsson Categoría:Cintas rodadas en Halifax (Nueva Escocia) Categoría:Cintas rodadas en Rosarito