Casablanca Express (títol orichinal en anglés, en aragonés L'expreso de Casablanca) ye una cinta de cine italiano de cine d'intriga d'espionache d'acción belica estrenada l'anyo 1989, dirichida por Sergio Martino seguntes un guión orichinal de Roberto Leoni y Ernesto Gastaldi, con una banda sonora orichinal de Luigi Ceccarelli, una dirección de fotografía de Giancarlo Ferrando, una producción cinematografica de Pietro Innocenzi y Umberto Innocenzi ta las productoras Dania Film, Globe Films, National Cinematografica y Surf Film y que conta con un elenco d'actors d'o cual en fan parte, entre d'atros, Jason Connery, Francesco Quinn, Jinny Steffan, Manfred Lehmann, Jean Sorel, Donald Pleasence, Glenn Ford, Luisa Maneri, Horst Schön, David Brandon, John Evans, Marina Viro, Giulia Urso, Giovanni Tamberi y Augusto Poderosi.
En 1942, mientres a Segunda Guerra Mundial, o primer ministro d'o Reino Uniu Winston Churchill viacha en avión enta Casablanca en o Marruecos francés ta asistir-ie a la conferencia de Casablanca y reunir-se con Josef Stalin y Franklin Delano Roosevelt, dirichents respectivament d'a Unión Sovietica y d'os Estaus Unius. Tanimientres, avions de caza d'o Tercer Reich atacan a la suya escolta y lo suyo avión se veye obligau a aterrizar en Archel, a on i plega chusto dimpués de l'asasinato de l'almirant François Darlan, man dreita de Philippe Pétain y dica la plegada d'os Aliaus en Alcheria destacau partidario d'a colaboración d'a Francia de Vichèi con o Tercer Reich. En ixe clima a on os Aliaus desconfían d'os franceses, que fa cuatre días que heban combatiu contra éls, Churchill ha de continar viache, pero se sospeita que los alemans conoixen a suya presencia en Alcheria y son preparando bel plan ta matar-lo. Finalment, deciden que Churchill viache enta Casablanca en ferrocarril, asignando-li una escolta de soldaus de l'exercito estausunidense, y con tres oficials d'os servicios d'intelichencia como guardaspaldas: Alan Cooper, o capitán Franchetti y la tenient Lorna Fisher. Tanimientres, Cooper sospeita que los alemans conoixen que Churchill viachará en o ferrocarril a traviés de bel espía francés, y de feito se veye atacau por un achent francés y, encara que consigue matar-lo, se veye obchecto de sospeitas d'estar él o traidor y reteniu, encara que consigue fer tamién sospeitoso de traición a un oficial francés. En o tren viacha amagau un achent alemán, Otto von Tiblis, que viacha disvrazau, y fa aturar o tren cuan plegan enta lo puesto a on un grupo de paracayidistas alemans son asperando-lo. Istos matan a la mayor parte d'os soldaus estausunidenses y a cuantos civils y capturan a Churchill, exichindo paso libre ta que un avión lo leve enta lo Tercer Reich u lo matarán a él y a toz os civils. Copper, a qui han liberau en constatar que deciba la verdat cuan acusaba a un francés, prepara un plan ta liberar a Churchill y a los viacheros d'o tren.
Casablanca Express s'ambienta en 1942 en Alcher y atros puestos d'Alcheria, y las suyas escenas se filmoron en Casablanca y atros puestos de Marruecos. Localizacions de Casablanca Express en Internet Movie Database.
Elenco Casablanca Express en Internet Movie Database. Actor Papel Notas ''''
Se veiga tamién Cine en 1989. Cintas de 1989.
Referencias
Vinclos externos Casablanca Express en Internet Movie Database.
Categoría:Cintas ambientadas en Alcher Categoría:Cintas ambientadas en Alcheria Categoría:Cintas ambientadas en 1942 Categoría:Cintas con banda sonora orichinal de Luigi Ceccarelli Categoría:Cintas con dirección de fotografía de Giancarlo Ferrando Categoría:Cintas con guión d'Ernesto Gastaldi Categoría:Cintas con guión de Roberto Leoni Categoría:Cintas con montache d'Eugenio Alabiso Categoría:Cintas de cine d'acción Categoría:Cintas de cine belico Categoría:Cintas de cine d'espionache Categoría:Cintas de cine d'intriga Categoría:Cintas d'Italia Categoría:Cintas dirichidas por Sergio Martino Categoría:Cintas en alemán Categoría:Cintas en anglés Categoría:Cintas en italiano Categoría:Cintas interpretadas por Augusto Poderosi Categoría:Cintas interpretadas por David Brandon Categoría:Cintas interpretadas por Donald Pleasence Categoría:Cintas interpretadas por Francesco Quinn Categoría:Cintas interpretadas por Giovanni Tamberi Categoría:Cintas interpretadas por Giulia Urso Categoría:Cintas interpretadas por Glenn Ford Categoría:Cintas interpretadas por Horst Schön Categoría:Cintas interpretadas por Jason Connery Categoría:Cintas interpretadas por Jean Sorel Categoría:Cintas interpretadas por Jinny Steffan Categoría:Cintas interpretadas por John Evans Categoría:Cintas interpretadas por Luisa Maneri Categoría:Cintas interpretadas por Manfred Lehmann Categoría:Cintas interpretadas por Marina Viro Categoría:Cintas producidas por Pietro Innocenzi Categoría:Cintas producidas por Umberto Innocenzi Categoría:Cintas rodadas en Casablanca Categoría:Cintas rodadas en Marruecos Categoría:Cintas de cine sobre a Segunda Guerra Mundial