L'idioma adai (tamién dito adaizan, adaizi, adaise, adahi, adaes, adees, atayos) ye o nombre d'una etnia y d'a suya luenga que estió charrata en o nord-ueste de l'actual Loisiana, Estaus Unius. O nombre adai deriva d'a palabra Caddo hadai, que significa "broza".
Os adai estioron uns d'os primers pueblos de Nortamerica en contactar con os europeus y isto lis afectó muito. En 1530 Álvar Núñez Cabeza de Vaca fabla d'éls emplegando lo termin Atayos. Os adai se tresladaron difuera d'a suya tierra d'orichen. En 1820 nomás en quedaban trenta.
Luenga A luenga adai ye una luenga aislata. L'adai no ye guaire documentato (nomás se conoixe una lista de 275 palabras). A suya clasificación ye probablement imposible. Se proposó que bi heba una connexión entre l'adai y as luengas caddoanas, por a suya proximidat, pero ista teoría parixe poco probable.
L'adai se considera una luenga amortata.
Bibliografía Campbell, Lyle. (1997). American Indian languages: The historical linguistics of Native America. New York: Oxford University Press. . Mithun, Marianne. (1999). The languages of Native North America. Cambridge: Cambridge University Press. (hbk); .
Categoría:Luengas aisladas Categoría:Luengas muertas d'Estaus Unius Categoría:Luengas amerindias