Adolfo Ballano Bueno (Morata de Xiloca, 1905 - Mexico, 21 de chunio de 1985 Adolfo Ballano Bueno. Nord-est llibertari.) estió un politico, periodista, escritor, actor y anarcosindicalista aragonés, consellero d'Orden Publico d'o Consello Rechional de Defensa d'Aragón.
Biografía En o verano de 1936 simpués d'o golpe d'estau que levó a o esclatiu d'a Guerra Civil Espanyola, Ballano s'incorporó a la Columna Durruti, estando encargau d'organizar una sección d'a CNT en a localidat de Pina d'Ebro. En constituyir-se o Consello d'Aragón bels meses dimpués, dentra a fer parti d'o gubierno o 16 d'octubre de 1936 como consellero de Chusticia y Orden Publico, estando nomás engargau d'a cartera d'Orden Publico dende aviento de 1936 dica o 10 d'agosto de 1937 cuan desapareixe a institución. Fue alavez engarcholau en Casp y tresladau dimpués ta Barcelona, a on será finalment liberau en chinero de 1939.
En rematar a guerra se veye obligau a marchar exiliau en febrero de 1939, pasando a muga por o Pireneu Oriental y plegando ta Mexico en l'anyo 1942, a on fixará a suya residencia en a capital. Astí continó a suya carrera en o mundo d'as letras y o cine, colaborando como periodista en as revistas libertarias Inquietudes y Tierra y Libertad, y fendo d'actor y d'asistent de producción en cuantas cintas como La diosa arrodillada (1947). Tamién creyó una escuela d'interpretación en a Casa d'Espanya en Mexico DF y dirichió un grupo de teatro. Morió exiliau en Ciudat de Mexico en 1985.
Filmografía Actor Cristóbal Colón, 1943 Asesinato en los estudios, 1946 La diosa arrodillada, 1947
Referencias
Vinclos externos Adolfo Ballano Bueno en Con Nombre & Apellidos Adolfo Ballano Bueno en o Catálogo Colectivo de la Red de Bibliotecas de los Archivos Estatales Ficha en IMDB Mediateca INAH
Categoría:Actors d'Aragón Categoría:Anarquistas d'Aragón Categoría:Exiliaus aragoneses en Mexico Categoría:Exiliaus d'o franquismo Categoría:Gubierno Ascaso Categoría:Muertos en Ciudat de Mexico Categoría:Naixius de Morata de Xiloca Categoría:Politicos d'Aragón Categoría:Periodistas d'Aragón Categoría:Sindicalistas d'Aragón Categoría:Sindicalistas d'a Confederación Nacional del Trabajo Categoría:1905 (naixencias)