Carlos Pérez Anadón (Fuents d'Ebro, 17 d'octubre de 1957) ye un politico aragonés. Dica o 12 d'agosto de 2023, estió consellero d'Hicienda y Administración Publica d'o Gubierno d'Aragón.
Biografía En a suya actividat institucional ha estau primer tenient d'alcalde d'o Concello de Fuents d'Ebro (Zaragoza) de 1983 a 1988; vicepresident d'a Deputación Provincial de Zaragoza y portavoz d'o Grupo Socialista en a mesma, dica 1988; y presidente d'a Institución Fernando el Católico.
En 1988 fue nombrau delegau d'a comunidat autonoma d'Aragón y gubernador civil de Zaragoza, cargos que ocupó dica 1993, cuan pasó a estar director cheneral de Politica Interior. En 1994 ye nombrau president d'a Confederación Hidrografica de l'Ebro, cargo que ocupó dica chunio de 1996.
Mientres vente anyos, dende 1999 dica l'anyo 2019 ha estau concellero d'o Concello de Zaragoza por el PSOE, habendo teniu cuantos cargos en o mesmo y en atras institucions:
1999 a 2003: vicepresident d'a Chunta de Gubierno d'a Canal Imperial d'Aragón, deputau provincial y portavoz d'o Grupo Socialista.
2003 a 2007: tenient d'alcalde, portavoz d'o Grupo Municipal Socialista, delegau de l'Aria de Presidencia, concellero secretario d'a Chunta de Gubierno Local, delegau d'a Policía Local, president d'a Terminal Maritima de Zaragoza (TMZ) y vicepresident de Mercazaragoza.
2007 a 2011: concellero d'Urbanismo, Infraestructuras, Equipamientos y Vivienda.
2011 a 2015: concellero d'Urbanismo, Infraestructuras, Equipamientos y Vivienda y segundo tenient d'alcalde y concellero delegau d'a Policía Local.
O 6 d'octubre de 2014 fue nombrau candidato d'o PSOE a l'alcaldía de Zaragoza dimpués d'un proceso de primarias en as que estió l'unico candidato que consiguió recullir os avals que caleba pa concorrer a o proceso. Pérez Anadón, único candidato del PSOE para la Alcaldía de Zaragoza
En as eleccions municipals d'o 24 de mayo de 2015 celebradas en a capital aragonesa, o PSOE estió a tercera fuerza mas votada con 60.746 votos (18,65%) y seis concellers, perdendo-ne cuatre respecto a l'anterior cita electoral de 2011 y conseguindo o suyo segundo pior resultau en Zaragoza dimpués de 1995 con Emilio Comín como candidato a l'alcaldía. Anadón piensa "en global" los pactos en Cortes y Ayuntamiento Como ocurrió feba cuatre anyos, o PSOE nomás estió o partiu mas votau en o barrio de Las Fuents, pero cuasi perdió tamién ixa condición ya que nomas ganó por un marguin de 350 votos respecto a Zaragoza en Común. ZeC le arrebata cuatro distritos al PP y el PSOE sólo mantiene a Las Fuentes. Aragón Digital.com. 25 de mayo de 2015
L'11 de chunio, o candidato d'o Partido Popular a l'alcaldía de Zaragoza y ganador d'as eleccions, Eloy Suárez l'ufrió un alcuerdo «sin de mugas» y l'alcaldía d'a ciudad a cambio d'un gubierno de coalición entre o PP y o PSOE, os cuals sumarían a mayoría absoluta en o concello d'a capital. Eloy Suárez ofrece a Pérez Anadón la alcaldía de Zaragoza y un acuerdo "sin límites" Pero ista propuesta fue refusada por Pérez Anadón Eloy Suárez ofrece a Pérez Anadón la alcaldía de Zaragoza pero este la rechaza y dos días dimpués o suyo partiu, CHA y Zaragoza en Común votaban a favor d'a investidura de Pedro Santisteve (ZeC) como nuevo alcalde d'a ciudat de Zaragoza. Pedro Santisteve, alcalde de Zaragoza. Aragón Digital.com. 13 de chunio de 2015.
O 7 d'agosto de 2019 preneba posesión d'o cargo de consellero d'Hicienda y Administración Publica d'o Gubierno d'Aragón presidiu por o socialista Javier Lambán en o suyo segundo mandato. Lambán apela a la ejemplaridad de un gobierno diverso y comprometido con Aragón. Heraldo de Aragón, 7 d'agosto de 2019
Miembro d'a executiva d'o PSOE Fue miembro d'a Comisión Executiva Federal d'o PSOE. O 28 de setiembre de 2016, dimitió chunto a atros deciséis miembros d'a mesma, con obchecto de prevocar a cayida de Pedro Sánchez como secretario cheneral d'o PSOE. Pérez Anadón, entre los miembros de la Ejecutiva del PSOE que han presentado su renuncia
Referencias
Vinclos externos
Categoría:Deputaus en as Corz d'Aragón por a circumscripción electoral de Zaragoza Categoría:Deputaus d'a X Lechislatura d'as Corz d'Aragón Categoría:Deputaus d'a XI Lechislatura d'as Corz d'Aragón Categoría:Deputaus d'a XII Lechislatura d'as Corz d'Aragón Categoría:Concellers d'o Concello de Fuents d'Ebro Categoría:Concellers d'o Concello de Zaragoza Categoría:Consellers d'Hicienda d'a Deputación Cheneral d'Aragón Categoría:Naixius de Fuents d'Ebro Categoría:Politicos d'Aragón Categoría:Politicos d'o Partido de los Socialistas de Aragón Categoría:Segundo Gubierno Lambán Categoría:1957 (naixencias)