Failure to Launch (títol orichinal en anglés, en aragonés Fallo en iniciar, estrenada en Aragón con o títol en castellano de Novia por contrato, en aragonés Novia por contracto) ye una cinta de cine estausunidense de cine de comedia romantica estrenada l'anyo 2006, dirichida por Tom Dey seguntes un guión orichinal de Tom J. Astle y Matt Ember, con una banda sonora orichinal de Rolfe Kent, una dirección de fotografía de Claudio Miranda y una producción cinematografica de Scott Rudin y Scott Aversano ta la productora cinematografica Scott Rudin Productions. Conta con un elenco d'o cual en fan parte, entre d'atros actors, Matthew McConaughey, Sarah Jessica Parker, Zooey Deschanel, Justin Bartha, Bradley Cooper, Terry Bradshaw, Kathy Bates, Adam Alexi-Malle, Tyrel Jackson Williams, Katheryn Winnick, Rob Corddry, Patton Oswalt, Mageina Tovah y Stephen Tobolowsky.
Tripp tien 35 anyos d'edat y encara vive en casa de sus pais, Al y Sue, en Baltimore (Maryland), mesmo que los suyos millors amigos, Demo y Ace. O sistema de Tripp ye que cuan una d'as suyas muitas novias pareixe intresada en levar a relación enta un livel superior, lis diz de visitar a suya casa ta que, en veyer que encara vive con sus pais, el deixen. Bel dia, os pais de Tripp troban a uns amigos en una fiesta, y istos lis dicen que han conseguiu que su fillo, que actuaba mesmo que Tripp, marche de casa. O secreto ye que han contractau a una experta, Paula, qui creye que los hombres que se troban en ixa situación realment padeixen de baixa autoestima y lo que fa ye actuar como la suya novia ta que transfieran a suya dependencia de sus pais a ella ta que, una vegada conseguiu ixe obchectivo, deixar-los y que marchen a vivir por a suya cuenta. Al y Sue deciden contractar a Paula ta que consiga que su fillo marche de casa y ista accepta. En primeras, constata que lo perfil de Tripp no pareixe estar o mesmo que lo de toz os suyos anterior clients, en manullar-se perfectament en as suyas habilidaz socials, pero cuan creye que ya ye logrando lo suyo obchectivo y Tripp ya ha madurau dica lo punto d'a ruptura, iste la convida a casa de sus pais, amostrando que en realidat ha fracasau en o suyo obchectivo y que Tripp repite lo comportamiento que ha teniu con todas as suyas novias anteriors. Tamién conoix Paula lo motivo de que Tripp encara viva con sus pais: cuan yera amán de casar-se con su novia, ista morió y Tripp se refuchió una mica en a suya familia. Ixo lo sabe porque ha trobau a un d'os amigos de Tripp, Ace, qui ha descubierto lo suyo treballo como "novia de loguer" y li explica tot ixo, a la vegada que li fa un chantache: él no dirá cosa si a cambio li consigue una cita con Kit, la companyera de piso de Paula. Tanimientres, Ace finalment li conta la verdat sobre Paula a Demo, qui decide que ye millor explicar-li a Tripp. Iste convoca a Paula y a sus pais a una cena, a on piensa exposar tot.
Failure to Launch s'ambienta en a suya epoca actual (2006) en Baltimore (Maryland), y las suyas escenas se filmoron en Gadsden y Leesburg (Alabama), Baton Rouge y Nueva Orleans (Loisiana), Lewes, New Castle y Oxford (Delaware) y Annapolis, Baltimore y St. Michaels (Maryland). Localizacions de Failure to Launch en Internet Movie Database.
Ye una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus.
Elenco Failure to Launch en Internet Movie Database. Actor Papel Notas ''''
Se veiga tamién Cine en 2006. Cintas de 2006.
Referencias
Vinclos externos Failure to Launch en Internet Movie Database. Failure to Launch en Rotten Tomatoes. Failure to Launch en Box Office Mojo.
Categoría:Cintas ambientadas en Baltimore Categoría:Cintas ambientadas en 2006 Categoría:Cintas con banda sonora orichinal de Rolfe Kent Categoría:Cintas con dirección de fotografía de Claudio Miranda Categoría:Cintas con guión de Matt Ember Categoría:Cintas con guión de Tom J. Astle Categoría:Cintas con montache de Steven Rosenblum Categoría:Cintas de cine de comedia Categoría:Cintas de cine de romance Categoría:Cintas d'Estaus Unius Categoría:Cintas dirichidas por Tom Dey Categoría:Cintas en anglés Categoría:Cintas en Color by DeLuxe Categoría:Cintas en Panavision Categoría:Cintas en Technicolor Categoría:Cintas interpretadas por Adam Alexi-Malle Categoría:Cintas interpretadas por Bradley Cooper Categoría:Cintas interpretadas por Justin Bartha Categoría:Cintas interpretadas por Katheryn Winnick Categoría:Cintas interpretadas por Kathy Bates Categoría:Cintas interpretadas por Mageina Tovah Categoría:Cintas interpretadas por Matthew McConaughey Categoría:Cintas interpretadas por Patton Oswalt Categoría:Cintas interpretadas por Rob Corddry Categoría:Cintas interpretadas por Sarah Jessica Parker Categoría:Cintas interpretadas por Stephen Tobolowsky Categoría:Cintas interpretadas por Terry Bradshaw Categoría:Cintas interpretadas por Tyrel Jackson Williams Categoría:Cintas interpretadas por Zooey Deschanel Categoría:Cintas producidas por Scott Aversano Categoría:Cintas producidas por Scott Rudin Categoría:Cintas rodadas en Annapolis Categoría:Cintas rodadas en Baltimore Categoría:Cintas rodadas en Baton Rouge Categoría:Cintas rodadas en Gadsden (Alabama) Categoría:Cintas rodadas en Leesburg (Alabama) Categoría:Cintas rodadas en Lewes (Delaware) Categoría:Cintas rodadas en New Castle (Delaware) Categoría:Cintas rodadas en Nueva Orleans Categoría:Cintas rodadas en Oxford (Delaware) Categoría:Cintas rodadas en St. Michaels (Maryland)