Wrath of Man (títol orichinal en anglés, en aragonés La ira de l'hombre, estrenada en Aragón con o títol de Despierta la furia, en aragonés Disperta la furia) ye una cinta de cine d'intriga d'acción de cine estausunidense estrenada l'anyo 2021, dirichida por Guy Ritchie seguntes un guión adaptau por Guy Ritchie, Ivan Atkinson y Marn Davies (basau en Le convoyeur, una cinta de Nicolas Boukhrief y Éric Besnard de 2004), con una banda sonora orichinal de Christopher Benstead, una dirección de fotografía d'Alan Stewart y una producción cinematografica de Guy Ritchie, Ivan Atkinson y Bill Block ta las productoras Miramax y Toff Guy Films. Fan parte de l'elenco d'a cinta, entre d'atros actors, Jason Statham, Holt McCallany, Scott Eastwood, Jeffrey Donovan, Josh Hartnett, Dave Hancock, Eddie Marsan, Darrell D'Silva, Babs Olusanmokun, Laz Alonso, Raúl Castillo, DeObia Oparei y Chris Reilly.
En un asalto en Los Angeles (California) a un cambión blindau de transporte de diners matan a los dos guardias d'o cambión y a un nino que se trobaba en un auto, amás de deixar greument feriu a su pai. Cinco meses dimpués, Patrick Hill (qui resulta estar o pai d'o nino asasinau) dentra a treballar en Fortico Security, que ye la empresa d'o cambión asaltau, con magnificas referencias como guardia de seguredat. Bien luego demuestra estar un achent bien capable en actuar con total serenidat en un asalto a lo suyo cambión, en o cual mata a los asaltants con gran habilidat, cosa que fa sospeitar a los achents d'o Federal Bureau of Investigation que investigan o robo. Istos comunican as suyas sospeitas a lo suyo superior, l'achent King, qui lis diz que no fagan cosa, a la vegada que se troba con Hill y li entrega uns archivos con documentación sobre los suyos companyeros de treballo. D'atra man, istos sospeitan cada vegada mas de Hill, en veyer bels comportamientos poco habituals. En un nuevo atraco, los ladrons fuyen nomás que veyen a Hill, y ixo fa augmentar as sospeitas de toz. Hill, en un flashback, remera cómo él mesmo yera un colaborador en l'atraco en o que morió su fillo, que resulta estar Mason Hargreaves, un capo d'o crimen organizau y que ha feito un tracto con l'achent King ta actuar librement contra la banda que asasinó a su fillo, que la suya banda ha capturau, interrogau y si ye lo caso matau a cualsiquier miembro conoixiu de bandas relacionadas con asaltos a cambions blindaus y que no ha conseguiu saber qui yeza dezaga de l'atraco a on morió su fillo; tamién remera que la banda que asaltó lo suyo cambión y fuyó yera en realidat a suya propia banda, y que los suyos hombre fuyoron en reconoixer-lo, porque Hill lis heba dito que marchaba enta Londres. Tamién conoixemos en flashback os oríchens d'a banda culpable d'a muerte d'o fillo de Hill: son un grupo de soldaus veterans d'as guerras en Afganistán y que contan con bel informant adintro d'a empresa. O final plega cuan ixe grupo organiza un gran asalto a la mesma central de Fortico en un día en que calculan que en as suyas oficinas bi habrá alto u baixo 150 millons de dólars y resulta estar un d'os companyeros de cambión de Hill qui ye l'informant d'os asaltants. Iste proposa a Hill que no intervienga, y Hill accepta, encara que ye decidiu de raso a no cumplir a suya palabra.
A cinta s'ambienta en Los Angeles (California) en a suya epoca actual (2021) y las suyas escenas se filmoron en Los Angeles (California) en Estaus Unius y Londres en o Reino Uniu, amás d'en os Los Angeles Center Studios tamién en Los Angeles. Localizacions de Wrath of Man en Internet Movie Database.
Se tracta d'una cinta que ha recibiu bella nominación a bel premio, anque no a garra premio d'os mas conoixius u destacaus premios cinematograficos.
Elenco Wrath of Man en Internet Movie Database. Actor Papel Notas ''''
Se veiga tamién Cine en 2021. Cintas de 2021.
Referencias
Vinclos externos Wrath of Man en Internet Movie Database.
Categoría:Cintas ambientadas en Los Angeles Categoría:Cintas ambientadas en 2021 Categoría:Cintas con banda sonora orichinal de Christopher Benstead Categoría:Cintas con dirección de fotografía d'Alan Stewart Categoría:Cintas con guión de Guy Ritchie Categoría:Cintas con guión d'Ivan Atkinson Categoría:Cintas con guión de Marn Davies Categoría:Cintas con montache de James Herbert Categoría:Cintas de cine d'acción Categoría:Cintas de cine d'intriga Categoría:Cintas d'Estaus Unius Categoría:Cintas dirichidas por Guy Ritchie Categoría:Cintas en anglés Categoría:Cintas en arabe Categoría:Cintas en castellano Categoría:Cintas en Panavision Categoría:Cintas interpretadas por Babs Olusanmokun Categoría:Cintas interpretadas por Chris Reilly Categoría:Cintas interpretadas por Darrell D'Silva Categoría:Cintas interpretadas por Dave Hancock Categoría:Cintas interpretadas por DeObia Oparei Categoría:Cintas interpretadas por Eddie Marsan Categoría:Cintas interpretadas por Holt McCallany Categoría:Cintas interpretadas por Jason Statham Categoría:Cintas interpretadas por Jeffrey Donovan Categoría:Cintas interpretadas por Josh Hartnett Categoría:Cintas interpretadas por Laz Alonso Categoría:Cintas interpretadas por Raúl Castillo Categoría:Cintas interpretadas por Scott Eastwood Categoría:Cintas producidas por Bill Block Categoría:Cintas producidas por Guy Ritchie Categoría:Cintas producidas por Ivan Atkinson Categoría:Cintas rodadas en Londres Categoría:Cintas rodadas en Los Angeles