Ricardo Francisco Oliván Bellosta (Uesca, 4 d'aviento de 1960) ye un politico aragonés que estió consellero de Sanidat, Bienestar Social y Familia d'o Gubierno d'Aragón.
Biografía Naixió de Uesca o 4 d'aviento de 1960, licenciando-se en l'anyo 1986 en Ciencias Economicas y Empresarials por a Universidat Autonoma de Madrit. Dimpués estió profesor d'a Escuela de Turismo de Uesca entre 1986 y 2005; director d'a Escuela de Turismo de Uesca de 1996 a 2005 y profesor d'o Postgrau de Turismo d'a Universidat de Zaragoza entre 2003 y 2005. Tamién exerció como tecnico d'a Cambra de Comercio de Uesca entre 1989 y 2009 y dende chunio de 2019 dica l'actualidad, estando amás director d'ixa institución entre 2009 y 2011.
Como politico prencipió a suya trachectoria como concellero d'o Concello de Uesca entre 2007 y 2009, cargo que ocupa en l'atualidat dende 2023, estando amás primer tenient d'alcalde. Entre os anyos 2011 y 2019 estió deputau en as Corz d'Aragón y consellero de Sanidat, Bienestar Social y Familia de 2011 a 2015.
En o Partido Popular ha estau miembro d'a suya Chunta Directiva y d'o suyo Comité Executivo provincial, vicesecretario de Desarrollo Economico d'o Partido Popular de Aragón y miembro d'o Comité de Dirección d'o Partido Popular de Aragón.
Vinclos externos Ficha en a Deputación de Uesca Ficha en o Concello de Uesca En Linkedin
Categoría:Alumnos d'a Universidat Autonoma de Madrit Categoría:Naixius de Uesca Categoría:Concellers d'o Concello de Uesca Categoría:Consellers d'Afers Socials d'a Deputación Cheneral d'Aragón Categoría:Consellers de Sanidat d'a Deputación Cheneral d'Aragón Categoría:Deputaus d'a VIII Lechislatura d'as Corz d'Aragón Categoría:Deputaus d'a IX Lechislatura d'as Corz d'Aragón Categoría:Politicos d'Aragón Categoría:Politicos d'o Partido Popular de Aragón Categoría:Gubierno Rudi Categoría:1960 (naixencias)