Iste articlo ye sobre una cinta dramatica estausunidense de l'anyo 2022; ta atros usos, se veiga She Said.
She Said (títol orichinal en anglés, en aragonés Ella dició, estrenada en Aragón con o títol en castellano d'Al descubierto, en aragonés Esclafinau) ye una cinta de cine de drama coproducida por o cine estausunidense y lo cine chaponés estrenada l'anyo 2022, con una banda sonora orichinal de Nicholas Britell, una dirección de fotografía de Natasha Braier, una producción cinematografica de Dede Gardner y Jeremy Kleiner ta las productoras Annapurna Pictures y Plan B Entertainment y un elenco d'o cual en fan parte, entre d'atros actors, Carey Mulligan, Zoe Kazan, Dalya Knapp, Emery Ellis Harper, Patricia Clarkson, Andre Braugher, Frank Wood, Tom Pelphrey, Adam Shapiro, Jennifer Ehle, Samantha Morton y Angela Yeoh.
Jodi Kantor ye una periodista d'o New York Times en 2017, a qui dicen que l'actriz Rose McGowan ha estau agredida sexualment por o productor Harvey Weinstein. Cuan preba de charrar con l'actriz, ista en primeras no accepta pero finalment li explica que Weinstein la heba violau cuan teneba 23 anyos. A periodista charra tamién con as actrices Ashley Judd y Gwyneth Paltrow, que tamién li explican as suyas situacions con o productor pero no quieren que lo suyo nombre amaneixca publicau en relación con ixe tema, en temer consecuencias enta la suya carrera cinematografica. Kantor recluta a la periodiata Megan Twohey ta que l'aduye con a investigación y prencipian a contactar con mullers que heban treballau con Weinstein, y bell una lis diz que no en puet charrar en haber sinyau un alcuerdo de cnfidencialidat. Cuan charran con Linda Fairstein, miembro d'a Fiscalía cuan s'heban sinyau ixos alcuerdos, troban poca cooperación, descubrindo que Weinstein teneba vinclos socials con ella. Tamién contactan con antigas asistents de Weistein, Rowena Chiu, Zelda Perkins y Laura Madden, qui lis confirman comportamientos poco apropiaus y dica una atra violación. Cuan Weinstein conoix a existencia d'a investigación, niega cualsiquier acusación, pero a la fin, presionau por a immediata publicación d'un articlo explicando-lo tot, reconoix bella implicación, se desincusa por cualsiquier danyo produciu y anuncia una renuncia a lo suyo puesto en a suya productora, The Weinstein Company, pero finalment o New York Times publica l'anuncio lo 5 d'octubre de 2017.
A cinta s'ambienta en Nueva York (Nueva York) en 2017, y las suyas escenas se filmoron en ixa mesma ciudat. Localizacions de She Said en Internet Movie Database.
Ye una cinta que ha recibiu cuantos premios y nominacions, en destacando una nominación a los Premios Globos d'Oro en 2023 mientres a 80ena edición d'os premios (Millor Actriz Segundaria); y dos nominacions a los Premios BAFTA ixe mesmo anyo en a suya 78ena edición (Millor Actriz Segundaria y Millor Guión Adaptau).
Elenco She Said en Internet Movie Database. Actor Papel Notas ''''
Se veiga tamién Cine en 2022. Cintas de 2022.
Referencias
Vinclos externos She Said en Internet Movie Database. She Said en Rotten Tomatoes. She Said en Metacritic.
Categoría:Cintas ambientadas en Nueva York (ciudat) Categoría:Cintas ambientadas en 2017 Categoría:Cintas con banda sonora orichinal de Nicholas Britell Categoría:Cintas con dirección de fotografía de Natasha Braier Categoría:Cintas con guión de Rebecca Lenkiewicz Categoría:Cintas con montache de Hansjörg Weißbrich Categoría:Cintas de cine de drama Categoría:Cintas de Chapón Categoría:Cintas d'Estaus Unius Categoría:Cintas dirichidas por Maria Schrader Categoría:Cintas en anglés Categoría:Cintas en cantonés Categoría:Cintas en hebreu Categoría:Cintas interpretadas por Adam Shapiro Categoría:Cintas interpretadas por Andre Braugher Categoría:Cintas interpretadas por Angela Yeoh Categoría:Cintas interpretadas por Carey Mulligan Categoría:Cintas interpretadas por Dalya Knapp Categoría:Cintas interpretadas por Emery Ellis Harper Categoría:Cintas interpretadas por Frank Wood Categoría:Cintas interpretadas por Jennifer Ehle Categoría:Cintas interpretadas por Patricia Clarkson Categoría:Cintas interpretadas por Samantha Morton Categoría:Cintas interpretadas por Tom Pelphrey Categoría:Cintas interpretadas por Zoe Kazan Categoría:Cintas producidas por Dede Gardner Categoría:Cintas producidas por Jeremy Kleiner Categoría:Cintas rodadas en Nueva York (ciudat)