Land and Freedom (títol orichinal en anglés, en aragonés Tierra y libertat, estrenada en Aragón con o suyo títol traduciu enta lo castellano como Tierra y libertad) ye una cinta de cine de drama politico belico coproducida por o cine britanico, lo cine espanyol, o cine italiano, lo cine alemán y lo cine francés estrenada l'anyo 1995 dirichida por Ken Loach seguntes un guión orichinal de Jim Allen, con una banda sonora orichinal de George Fenton, una dirección de fotografía de Barry Ackroyd, una producción cinematografica de Rebecca O'Brien ta las productoras Parallax Pictures, Messidor Films, Road Movies Dritte Produktionen, Working Title Films, British Screen Productions, European Co-production Fund, Televisión Española, Canal+ España, BBC Film, ARD Degeto Film, Filmstiftung Nordrhein-Westfalen, BIM Distribuzione, Diaphana Distribution, Eurimages y British Broadcasting Corporation, y un elenco d'actors d'o cual en fan parte Ian Hart, Rosana Pastor, Frédéric Pierrot, Tom Gilroy, Icíar Bollaín, Marc Martínez, Andrés Aladren, Sergi Calleja, Raffaele Cantatore, Pascal Demolon, Paul Laverty y Suzanne Maddock, entre d'atro actors.
En 1995, David Carr muere en a suya casa por un infarto de miocardio. Cuan a suya nieta revisa las suyas pertenencias, i troba viellos periodicos, cartas y atros obchectos, en destacando un panyuelo de cabeza de color roya con un punyau de tierra. En flashback, a cinta torna enta chulio de 1936, cuan Carr ye un militant d'o Communist Party of Great Britain que se troba sin treballo en a ciudat britanica de Liverpool cuan i plegan as noticias d'haber esclatau una guerra en Espanya, a Guerra Civil Espanyola. En sentir que en ixas condicions puede fer muito mas que partecipar en reunions, manifestacions y similars, decide marchar enta la peninsula ta luitar con as armas en a man. Malas que plega enta Barcelona, recibe una primera instrucción militar basica y dimpués marcha enta lo frent d'Aragón ta chunir-se a una columna de milicianos d'o Partido Obrero de Unificación Marxista. Con éls luita contra los militars sublevaus y prene parte en os primers pasos d'a colectivización agricola en a part d'a provincia de Uesca que encara ue baixo lo control gubernamental. Cuan plegan as órdens de disolución d's milicias y d'a suya inclusión en l'Exercito Popular Republicano, Carr ye un d'os que creyen que no s'ha de cumplir ixa orden, pero en estar feriu en Barceloa dentra en contacto de nuevo con militants d'os partius comunistas oficials y decide alistar-se en as Brigadas Internacionals. Tanimientres, en ixe momento esclatan en Barcelona os clamaus Feitos de Mayo de 1937 en os cuals luitan d'una man a Confederación Nacional del Trabajo y lo Partido Obrero de Unificación Marxista y d'atra man o Partit Socialista Unificat de Catalunya y Esquerra Republicana de Catalunya. Carr albandona la suya partecipación en as Brigadas y torna enta la unidat de milicianos d'a cual heba formau parte. Pero poco dimpués i plegan tropas de l'Exercito Popular Republicano ta desarmar a los milicianos, acusando-los d'estar partidarios d'o faixismo.
A cinta s'ambienta en dos momentos historicos diferenciaus, en 1995 y en 1936 y 1937, en Liverpool en o Reino Uniu, en Barcelona en Catalunya y en a provincia de Uesca en Aragón. As suyas escenas se filmoron en Liverpool (Merseyside) en o Reino Uniu y en Mirambel (Mayestrato) en Aragón. Localizacions de Land and Freedom en Internet Movie Database.
S tracta d'una cinta que ha recibiu cuantos premios y nominacions, en destacando un Premio d'o Cine Europeu a la Millor Cinta en 1995 mientres a 8ena edición d'os Premios d'o Cine Europeu; un Premio César a la Millor Cinta Forana en 1996 mientres a 21ena edición d'os Premios César; y una nominación a lo Premio BAFTA a la Millor Cinta Britanica en 1996 mientres a 49ena edición d'os Premios BAFTA.
Elenco Land and Freedom en Internet Movie Database. {|class="wikitable sortable" style="font-size: 90%;"
! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas
| ''
Se veiga tamién Cine en 1995. Cintas de 1995.
Referencias
Vinclos externos Land and Freedom en Internet Movie Database. Land and Freedom en Screenonline d'o British Film Institute''.
Categoría:Cintas ambientadas en Barcelona Categoría:Cintas ambientadas en a provincia de Uesca Categoría:Cintas ambientadas en Liverpool Categoría:Cintas ambientadas en 1936 Categoría:Cintas ambientadas en 1937 Categoría:Cintas ambientadas en 1995 Categoría:Cintas con banda sonora orichinal de George Fenton Categoría:Cintas con dirección de fotografía de Barry Ackroyd Categoría:Cintas con guión de Jim Allen Categoría:Cintas con montache de Jonathan Morris Categoría:Cintas de cine belico Categoría:Cintas de cine de drama Categoría:Cintas de cine politico Categoría:Cintas d'Estaus Unius Categoría:Cintas dirichidas por Ken Loach Categoría:Cintas en anglés Categoría:Cintas en castellano Categoría:Cintas en catalán Categoría:Cintas en Metrocolor Categoría:Cintas interpretadas por Andrés Aladren Categoría:Cintas interpretadas por Frédéric Pierrot Categoría:Cintas interpretadas por Ian Hart Categoría:Cintas interpretadas por Icíar Bollaín Categoría:Cintas interpretadas por Marc Martínez Categoría:Cintas interpretadas por Pascal Demolon Categoría:Cintas interpretadas por Paul Laverty Categoría:Cintas interpretadas por Raffaele Cantatore Categoría:Cintas interpretadas por Rosana Pastor Categoría:Cintas interpretadas por Sergi Calleja Categoría:Cintas interpretadas por Suzanne Maddock Categoría:Cintas interpretadas por Tom Gilroy Categoría:Cintas producidas por Rebecca O'Brien Categoría:Cintas rodadas en Liverpool Categoría:Cintas rodadas en Mirambel Categoría:Cintas sobre a Guerra Civil Espanyola Categoría:Nominadas a lo Premio BAFTA a la Millor Cinta Britanica Categoría:Premio César a la Millor Cinta Forana Categoría:Premio d'o Cine Europeu a la Millor Cinta