A Rota Mariana (en castellano y catalán Ruta Mariana, en francés Rute Mariale) ye un itinerario d'intrés cultural y relichioso que une os santuarios marianos d'o Pilar, Torrociudat, Lorda, Meritxell y Montserrat, un itinerario de fe guidau por a espiritualidat y devoción mariana, poseyedor d'una gran riqueza turistica, patrimonial, rural, gastronamica y natural.
Se desarrolla por as comunidaz autonomas d'Aragón y Catalunya en Espanya, por a rechión d'Occitania en Francia y por o Prencipau d'Andorra. Se tracta pues d'un itinerario plural y multicultural con importantes atractivos y una variada ufierta complementaria, a on cada santuario poseye unas cualidaz y caracteristicas propias. Ruta Mariana: cinco santuarios europeos para reunirse con María. Pachina de l'Opus Dei.
Actualment ye un d'os destins de pelegrinación mariana mas vesitaus y reconoixius en Espanya y Francia, asinas como en atros países d'Europa (Italia, Portugal, Alemanya, Polonia, etc.) y en o centro y sud d'America, recibindo bels 12 millons de pelegrinos por anyo.
Os debantditos santuarios (O Pilar, Torrociudat, Lorda, Meritxell y Montserrat) s'han uniu pa fundar l'Asociación pa a Promoción d'a Rota Mariana que tien como obchectivo a promoción tanto d'os propios santuarios como d'a devoción mariana y d'as bondaz y riquezas d'o territorio en o que se troban. L'asociación ha creyau una pachina web destinada a posibles pelegrinos y vesitants en a que se puet trobar tanto información relichiosa como un amplo conteniu turistico de cadaguna d'as zonas por as que transcorre a rota.
Etapas Etapa 1: O Pilar - Torrociudat (150 km): Zaragoza - Uesca - Balbastro - Torrociudat. Etapa 2: Torrociudat - Lorda (200 km): Torrociudat - L'Aínsa - Bielsa/Aranyonet - Tarba - Lorda. Etapa 3: Lorda - Meritxell (270 km): Lorda - Tarba - Capvèrn - Foix - Acs - El Pas de la Casa - Meritxell. Etapa 4: Meritxell - Montserrat (170 km): Andorra la Viella - Seu d'Urchel - Bellver de Cerdanya - Berga - Montserrat. Etapa 5: Montserrat - O Pilar (265 km): Montserrat - Tàrrega - Leida - Zaragoza.
Galeria d'imáchens
Referencias
Enlaces externos Pachina oficial d'a Rota Mariana Vidio promocional d'a Rota Mariana A Rota Mariana en Facebook
*