Iste articlo ye sobre una cinta d'intriga estausunidense de 2007; ta atros usos, se veiga The Flock.
The Flock (títol orichinal en anglés, en aragonés O rabanyo, estrenada en Aragón con o títol en castellano d'El caso Wells, en aragonés O caso Wells) ye una cinta de cine d'intriga de cine estausunidense estrenada l'anyo 2005, dirichida por Andrew Lau seguntes un guión orichinal de Hans Bauer y Craig Mitchell, con una banda sonora orichinal de Guy Farley, una dirección de fotografía d'Enrique Chediak y una producción cinematografica de Philippe Martinez, Elie Samaha, Jenette Kahn, Adam Richman y Andrew Lau ta las productoras Bauer Martinez Studios, Double Nickel Entertainment, Gibraltar Films, Lucky 50 Productions y Templar Films. De l'elenco d'a cinta en fan parte, entre d'atros actors, Richard Gere, Claire Danes, Avril Lavigne, KaDee Strickland, Paul McGowen, Matt Schulze, Carmen Serano, Kristina Sisco, Ray Wise, French Stewart y Russell Sams.
Erroll Babbage ye un achent d'una achencia gubernamental adedicada a lo control y supervisión de delincuents sexuals fichaus por a Policía. Fa muitos anyos que i treballa, pero se siente frustrau por as deficiencias d'o sistema. Antis de pasar a la retreta accepta un zaguer caso que implica localizar a una nina despareixida, y mientres ixa labor contará con l'aduya d'Allison Lowry, una achent novata a qui ha entrenar. Cuan li deixan en cafetería en a suya mesa un diario doblau exactament en a forma caracteristica que nomás que él fa servir creye que ixo significa que lo secuestro d'a nina ye relacionau con bel un d'os delincuents sexuals en libertat provisional que él ye supervisando, y decide implicar-se plenament en o caso y fer tot o posible y mas ta localizar a la nina. Sindembargo, os suyos constants interrogatorios a delincuents sexuals y mesmo bel caso de violencia contra bel un d'éls fa que finalment decidan dar-li palleta anticipadament a la calendata que li correspondeba. Atamas d'ixo contina extraoficialment con o caso, pasando a centrar-se en Viola, una victima d'agresions sexuals que pareixe tener bella relación con un delincuent sexual que Errol creye que puet estar o culpable d'o secuestro. Finalment Errol convence a Allison ta que contine colaborando con él en o caso, encara que inicialment ista yera reticent a que Errol i partecipase.
A cinta s'ambienta en a suya epoca actual (2005) en Nuevo Mexico; y las suyas escenas se filmoron en Albuquerque y Bernalillo (Nuevo Mexico). Estreno de The Flock en Internet Movie Database.
Elenco The Flock en Internet Movie Database. Actor Papel Notas ''''
Se veiga tamién Cine en 2005. Cintas de 2005.
Referencias
Vinclos externos The Flock en Internet Movie Database. The Flock en Box Office Mojo. The Flock en Rotten Tomatoes.
Categoría:Cintas ambientadas en Nuevo Mexico Categoría:Cintas ambientadas en 2005 Categoría:Cintas con banda sonora orichinal de Guy Farley Categoría:Cintas con dirección de fotografía d'Enrique Chediak Categoría:Cintas con guión de Craig Mitchell Categoría:Cintas con guión de Hans Bauer Categoría:Cintas con montache de Martin Hunter Categoría:Cintas de cine d'intriga Categoría:Cintas d'Estaus Unius Categoría:Cintas dirichidas por Andrew Lau Categoría:Cintas en anglés Categoría:Cintas en Panavision Categoría:Cintas interpretadas por Avril Lavigne Categoría:Cintas interpretadas por Carmen Serano Categoría:Cintas interpretadas por Claire Danes Categoría:Cintas interpretadas por French Stewart Categoría:Cintas interpretadas por KaDee Strickland Categoría:Cintas interpretadas por Kristina Sisco Categoría:Cintas interpretadas por Matt Schulze Categoría:Cintas interpretadas por Paul McGowen Categoría:Cintas interpretadas por Ray Wise Categoría:Cintas interpretadas por Richard Gere Categoría:Cintas interpretadas por Russell Sams Categoría:Cintas producidas por Adam Richman Categoría:Cintas producidas por Andrew Lau Categoría:Cintas producidas por Elie Samaha Categoría:Cintas producidas por Jenette Kahn Categoría:Cintas producidas por Philippe Martinez Categoría:Cintas rodadas en Albuquerque (Nuevo Mexico) Categoría:Cintas rodadas en Bernalillo