The Nativity Story (títol orichinal en anglés, en aragonés Historia d'a Natividat, estrenada en Aragón con o títol en castellano de Natividad: la historia, en aragonés Natividat: la historia) ye una cinta de cine de drama relichioso biblica estrenada en 2006, coproducida por o cine estausunidense, lo cine britanico y lo cine alemán estrenada l'anyo 2006, dirichida por Catherine Hardwicke seguntes un guión orichinal de Mike Rich (que narra la Natividat de Chesús), con una banda sonora orichinal de Mychael Danna, una dirección de fotografía d'Elliot Davis, una producción cinematografica de Wyck Godfrey y Marty Bowen ta las productoras Temple Hill Entertainment, New Line Cinema y Sound for Film. Conta con un elenco d'actors formau por Oscar Isaac, Keisha Castle-Hughes, Hiam Abbass, Shaun Toub, Ciarán Hinds, Shohreh Aghdashloo, Stanley Townsend, Alexander Siddig, Eriq Ebouaney, Alessandro Giuggioli, Nadim Sawalha, Stefan Kalipha y Shelby Young.
En a provincia romana de Chudea Herodes o Gran ordena la degolliza d'os inocents, y la cinta amuestra l'Anunciación y la Natividat ta explicar-ne la causa. L'anyo anterior, Zacarías heba teniu una visión a on l'arcánchel Gabriel li profetizaba que su muller Isabel tendría un fillo, sin creyer-lo en estar su muller d'edat abanzada y estando por ixo castigau a no poder charrar dica que su fillo no naixese. A l'anyo siguient, María, de 14 anyos d'edat, contraye compromiso matromonial con Chusé, de 32 anyos, y bien luego recibe la visita de l'arcánchel Gabriel, qui li comunica que quedará embarazada d'o fillo de Dios y que lo clamará Chesús. Y efectivament, malas que María torna de visitar a Zacarías y Isabel y de presenciar a naixencia de su fillo Chuan, torna embarazada. Sus pais creyen que Chusé la repudiará y demanará la suya lapidación seguntes a lei chudieva, pero iste no lo fa, encara que no creye la explicación relichiosa de María dica que él tamién recibe la visita de l'arcánchel Gabriel, qui li comunica los plans divinos sobre Chesús. Como l'emperador César Augusto ha ordenau a realización d'un censo d'os habitants de l'Imperio Romano, y toz han de tornar enta lo suyo lugar d'orichen, Chusé y María han de viachar dende Nazaret enta Betlem, pero cuan i plegan dimpués de viachar 4 semanas, no troban garra puesto a on ahuespar-se, dica que lis deixan puesto en una borda. Simultaniament, os tres Reis Magos (rei Gaspar, rei Baltasar y rei Melchior) son seguindo una estrela, clamada estrela de Betlem, y cuan troban a Herodes li explican que han veniu ta adorar a lo Mesías que ha de naixer a on indica ixa estrela. Herodes demana que li digan a on ye ixe nino quan el troben ta adorar-lo él, pero en realidat ye ta ordenar a suya muerte. Cuan os tres reis troban o puesto a on s'ha produciu a Natividat de Chesús, qui ya ha recibiu l'adoración d'os pastors, li fan l'adoración d'os Reis Magos, ufrindo-li oro, incenso y mirra. Ta evitar dar informacions a Herodes, tornan por un camín diferent, y Herodes ordena asasinar a toz os ninos recient naixius en a clamada "degolliza d'os inocents". Ta evitar ixo, Chusé y María optan por fuyir enta Echipto con Chesús, en a clamada "fuyida enta Echipto".
A cinta s'ambienta en os anyos 30 en Betlem y Nazaret, y las suyas escenas se filmoron en Ouarzazate (rechión de Drâa-Tafilalet) en Marruecos y Matera (provincia de Matera) en Italia, amás d'en os Cinecittà Studios en Roma, tamién en Italia. Localizacions de The Nativity Story en Internet Movie Database.
The Nativity Story ha recibiu bels premios y nominacions, encara que garra d'éls no perteneixe a los premios mas conoixius u destacaus d'o panorama cinematografico internacional.
Elenco The Nativity Story en Internet Movie Database. Actor Papel Notas ''''
Se veiga tamién Cine en 2006. Cintas de 2006.
Referencias
Vinclos externos The Nativity Story en Internet Movie Database. The Nativity Story en TCM Movie Database.
Categoría:Cintas ambientadas en Betlem Categoría:Cintas ambientadas en Nazaret Categoría:Cintas ambientadas en os anyos 30 Categoría:Cintas con banda sonora orichinal de Mychael Danna Categoría:Cintas con dirección de fotografía d'Elliot Davis Categoría:Cintas con guión de Mike Rich Categoría:Cintas con montache de Robert K. Lambert Categoría:Cintas con montache de Stuart Levy Categoría:Cintas de cine de drama Categoría:Cintas de cine relichioso Categoría:Cintas d'Alemanya Categoría:Cintas d'Estaus Unius Categoría:Cintas d'o Reino Uniu Categoría:Cintas dirichidas por Catherine Hardwicke Categoría:Cintas en anglés Categoría:Cintas en hebreu Categoría:Cintas en Technicolor Categoría:Cintas interpretadas por Alessandro Giuggioli Categoría:Cintas interpretadas por Alexander Siddig Categoría:Cintas interpretadas por Ciarán Hinds Categoría:Cintas interpretadas por Eriq Ebouaney Categoría:Cintas interpretadas por Hiam Abbass Categoría:Cintas interpretadas por Keisha Castle-Hughes Categoría:Cintas interpretadas por Nadim Sawalha Categoría:Cintas interpretadas por Oscar Isaac Categoría:Cintas interpretadas por Shaun Toub Categoría:Cintas interpretadas por Shelby Young Categoría:Cintas interpretadas por Shohreh Aghdashloo Categoría:Cintas interpretadas por Stanley Townsend Categoría:Cintas interpretadas por Stefan Kalipha Categoría:Cintas producidas por Wyck Godfrey Categoría:Cintas producidas por Marty Bowen Categoría:Cintas rodadas en Matera Categoría:Cintas rodadas en Ouarzazate Categoría:Cintas rodadas en Roma