Iste articlo ye sobre una cinta estausunidense d'intriga d'acción estrenada en 1999; ta atros usos, se veiga Payback.
Payback (títol orichinal en anglés, en aragonés Venganza, estrenada en Aragón con o suyo títol orichinal) ye una cinta de cine estausunidense de cine d'intriga d'acción estrenada en 1999 dirichida por Brian Helgeland seguntes un guión adaptau por Brian Helgeland y Terry Hayes (basau en The Hunter, una novela publicada por Donald E. Westlake en 1962 con o pseudonimo de Richard Stark), con una banda sonora orichinal de Chris Boardman, una dirección de fotografía d'Ericson Core y una producción cinematografica de Bruce Davey ta la productora cinematografica Icon Productions. Fan parte de l'elenco d'actors d'a cinta, entre d'atros, Mel Gibson, Gregg Henry, Maria Bello, Lucy Liu, Deborah Kara Unger, David Paymer, Bill Duke, Jack Conley, John Glover, William Devane, James Coburn, Kris Kristofferson, Trevor St. John, Katrina Phillips, Freddy Rodríguez y Manu Tupou.
Porter ye un experto ladrón que ha planificau y feito un important robo por o cual li corresponden 70.000 dólars, pero su socio Val Resnick el traiciona y el deixa por muerto, encara que contina vivo. Dimpués de meses de recuperación y d'estar operau por un medico clandestinament, ye sin diners, asinas que en primeras ha de fer chicoz robos y estafas ta poder disposar d'un minimo. Descubre que Val Resnick ha emplegau os diners totals d'o robo ta pagar una deuda que teneba con un grupo mafioso que controla la ciudat y que por culpa d'a situación su muller Lynn s'ha tornau adicta a l'heroína. Cuan la troba, a lo día siguient Lynn muere por consumir droga en muit mal estau. Porter interroga a lo subministrador de drogas de su muller, qui lo diriche enta Stegman, l'intermediario de Val. Stegman informa a Val de que Porter encara vive, pero iste ha contactau con Rosie, una antiga amiga adedicada a la prostitución de luxo que l'aduya a preparar una trampa ta Val, y exiche a iste que li pague los suyos 70.000 dólars, dando-le un plazo breu. Sindembargo, Val visita a Carter, un chefe local d'a organización mafiosa, y iste li diz que elimine a Porter él. Ta evitar problemas futuros, Val comunica a las triadas chinesas que Porter estió l'autor d'o robo que heban padeixiu, sin decir que él yera tamién implicau. A la vegada, Hicks y Leary, dos policias corruptos amigos de Stegman, preban d'extorsionar a Porter, que se veye asinas perseguiu por toz. Atamas d'ixo, abanza en a cadena d'a organización mafiosa y plega enta Carter. Claman a lo suyo superior ta que pague y, cuan iste se niega, Porter mata a Carter. Finalment plega enta Bronson, o chefe d'a organización mafiosa, a la vegada que poquet a poquet elimina un por un a toz os suyos perseguidors, siempre con l'aduya d'a fiel Rosie.
A cinta s'ambienta en os anyos 1970 en bella ciudat indeterminada d'Estaus Unius, y las suyas escenas se filmoron en Chicago (Illinois) y Los Angeles (California), amás d'en os Warner Brothers Burbank Studios en Burbank, tamién en California.<ref> [https://www.imdb.com/es-es/title/tt0120784/locations/?ref_=tt_dt_loc Localizacions de Payback] en Internet Movie Database.</ref>Payback'' ha recibiu bels premios y nominacions, encara que no perteneixen a los premios cinematograficos mas conoixius u destacaus d'o panorama cinematografico internacional.
Elenco Payback en Internet Movie Database. Actor Papel Notas ''''
Se veiga tamién Cine en 1999. Cintas de 1999.
Referencias
Vinclos externos Payback en Internet Movie Database. Payback en Box Office Mojo. Payback en Metacritic. Payback en Rotten Tomatoes.
Categoría:Cintas ambientadas en Estaus Unius Categoría:Cintas ambientadas en os anyos 1970 Categoría:Cintas con banda sonora orichinal de Chris Boardman Categoría:Cintas con dirección de fotografía d'Ericson Core Categoría:Cintas con guión de Brian Helgeland Categoría:Cintas con guión de Terry Hayes Categoría:Cintas con montache de Kevin Stitt Categoría:Cintas de cine d'acción Categoría:Cintas de cine d'intriga Categoría:Cintas d'Estaus Unius Categoría:Cintas dirichidas por Brian Helgeland Categoría:Cintas en anglés Categoría:Cintas en Color by DeLuxe Categoría:Cintas en Panavision Categoría:Cintas interpretadas por Bill Duke Categoría:Cintas interpretadas por David Paymer Categoría:Cintas interpretadas por Deborah Kara Unger Categoría:Cintas interpretadas por Freddy Rodríguez Categoría:Cintas interpretadas por Gregg Henry Categoría:Cintas interpretadas por Jack Conley Categoría:Cintas interpretadas por James Coburn Categoría:Cintas interpretadas por John Glover Categoría:Cintas interpretadas por Katrina Phillips Categoría:Cintas interpretadas por Kris Kristofferson Categoría:Cintas interpretadas por Lucy Liu Categoría:Cintas interpretadas por Manu Tupou Categoría:Cintas interpretadas por Maria Bello Categoría:Cintas interpretadas por Mel Gibson Categoría:Cintas interpretadas por Trevor St. John Categoría:Cintas interpretadas por William Devane Categoría:Cintas producidas por Bruce Davey Categoría:Cintas rodadas en Burbank Categoría:Cintas rodadas en Chicago Categoría:Cintas rodadas en Los Angeles