For Queen and Country (títol orichinal en anglés, en aragonés Por a reina y lo pais, estrenada en Aragón con o títol en castellano de Por la reina y la patria, en aragonés Por a reina y la patria) ye una cinta de cine de drama policiaco coproducida por o cine britanico y lo cine estausunidense estrenada l'anyo 1988, dirichida por Charmian Adams seguntes un guión orichinal de Martin Stellman y Trix Worrell, con una banda sonora orichinal de Michael Kamen, una dirección de fotografía de Richard Greatrex y una producción cinematografica de Tim Bevan ta las productoras Zenith Productions Limited y Working Title- Fan parte de l'elenco d'actors d'a cinta, entre d'atros, Denzel Washington, Dorian Healy, Bruce Payne, Amanda Redman, Sean Chapman, Graham McTavish, Geff Francis, Frank Harper, Craig Fairbrass, Michael Bray, George Baker, Stella Gonet, Colin Thomas, Ken Stott, Brian McDermott y Jimmi Harkishin.

Reuben James ye un hombre negro naixiu de Santa Lucia y emigrau enta lo Reino Uniu de nino, a on i ha viviu toda la suya vida. Alistau en os paracayidistas de l'exercito britanico, ye victima d'un atentau de l'Exercito Republicano Irlandés en 1979 en Irlanda d'o Norte (estando salvau por o suyo amigo londinense Fish) y partecipa en a Guerra d'as Malvinas en 1982, a on Fish i pierde una garra. Finalment, en 1988 deixa l'exercito y torna enta lo suyo barrio baixo de Londres. Colin, o suyo amigo de siempre, ye agora un capo d'o negocio d'a droga y li ufre de treballar con él, pero Reuben refusa. Fish ye casau con Debbie, una irlandesa embarazada a qui enganya, y marcha con Reuben de celebración pero no els deixan dentrar en a discoteca en estar Reuben negro. En tornar enta casa suya, Reuben descubre que dos ninos i han dentrau y han robau bellas cosetas, y seguindo-los conoix a Stacey, la mai d'un d'éls, Hayley. Encara que niega que su fillo haiga teniu partecipación finalment apareixe por casa de Reuben ta tornar-li la suya boina de paracayidista. Reuben pensaba que la suya labor como militar li faría trobar fácilment treballo, pero no ye asinas. A a vegada, Fish gana prous diners en una apuesta. Cuan lo son celebrando en una fiesta, Reuben i troba a Stacey y baila con ella, ta dimpués acompanyar-la enta casa suya, y en o camín reciben faltadas d'uns racistas. Como lo fillo de Debbie y Fish ha naixiu antis d'o previsto, iste regala a Reuben uns billez que teneba ta viachar a París, y Reuben envita a Stacey, pero cuan Reuben demana un pasaporte en estar lo suyo caducau, li deniegan porque agora Santa Lucia ye un estau independient y él no ye ciudadano britanico. Reuben, encurrumiu, finalment accepta treballar como farute ta Colin, pero refusa cuan descubre que iste ye un confident d'a Policía. A la vegada, recibe presions policials con menaza de deportación si no confiesa que Lynford, un d'os suyos amigos, ye qui mató accidentalment a un policía, y a la fin lo reconoix. Tanimientres, cansau de tot, y habendo-lo deixau tamién Stacey, decide mercar un billet d'avión ta tornar enta Santa Lucia y un pasaporte d'ixe país. Pero antes de marchar, troba a lo suyo amigo Lynford, qui ha reuniu armas y un grupo con o que conta de luitar contra la policía, chenerando-se un tumulto en o cual un policía racista mata a Fish, provocando la respuesta de Reuben, tirador experto.

A cinta s'ambienta en 1979, 1982 y 1988 en Irlanda d'o Norte, as islas Malvinas y Londres, y las suyas escenas se filmoron en Londres, amás d'en os Bray Studios en Oakley Green (Bray, Berkshire). Localizacions de For Queen and Country en Internet Movie Database.

Se tracta d'una cinta que ha recibiu bels premios cinematograficos, anque garra d'éls no perteeixe a los premios cinematograficos mas conoixius u destacaus.

Elenco For Queen and Country en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1988. Cintas de 1988.

Referencias

Vinclos externos For Queen and Country en Internet Movie Database. For Queen and Country en TCM Movie Database. For Queen and Country en l'American Film Institute Catalog de l'American Film Institute''.

Categoría:Cintas ambientadas en Irlanda d'o Norte Categoría:Cintas ambientadas en as islas Malvinas Categoría:Cintas ambientadas en Londres Categoría:Cintas ambientadas en 1979 Categoría:Cintas ambientadas en 1982 Categoría:Cintas ambientadas en 1988 Categoría:Cintas con banda sonora orichinal de Michael Kamen Categoría:Cintas con dirección de fotografía de Richard Greatrex Categoría:Cintas con guión de Martin Stellman Categoría:Cintas con guión de Trix Worrell Categoría:Cintas con montache de Steve Singleton Categoría:Cintas de cine de drama Categoría:Cintas de cine policiaco Categoría:Cintas d'Estaus Unius Categoría:Cintas d'o Reino Uniu Categoría:Cintas dirichidas por Martin Stellman Categoría:Cintas en anglés Categoría:Cintas interpretadas por Amanda Redman Categoría:Cintas interpretadas por Brian McDermott Categoría:Cintas interpretadas por Bruce Payne Categoría:Cintas interpretadas por Colin Thomas Categoría:Cintas interpretadas por Craig Fairbrass Categoría:Cintas interpretadas por Denzel Washington Categoría:Cintas interpretadas por Dorian Healy Categoría:Cintas interpretadas por Frank Harper Categoría:Cintas interpretadas por Geff Francis Categoría:Cintas interpretadas por George Baker Categoría:Cintas interpretadas por Graham McTavish Categoría:Cintas interpretadas por Jimmi Harkishin Categoría:Cintas interpretadas por Ken Stott Categoría:Cintas interpretadas por Michael Bray Categoría:Cintas interpretadas por Sean Chapman Categoría:Cintas interpretadas por Stella Gonet Categoría:Cintas producidas por Tim Bevan Categoría:Cintas rodadas en Londres Categoría:Cintas rodadas en Oakley Green