El favor (títol orichinal en castellano, en aragonés O favor, estrenada en Aragón con o suyo títol orichinal) ye una cinta de cine espanyol de cine de comedia dramatica estrenada l'anyo 2023, dirichida por Juana Macías seguntes un guión orichinal de Cristóbal Garrido y Adolfo Valor, con una dirección de fotografía d'Andreu Rebés, una banda sonora orichinal de Vanessa Garde, una producción cinematografica d'Antonio Asensio, Paloma Molina y Mercedes Gamero ta las productoras Grupo Zeta y Atresmedia Cine, y un elenco d'o cuan fan parte, entre d'atros actors, Inma Cuesta, Diego Martín, Sara Sálamo, Alfonso Bassave, Pere Ponce, Betsy Túrnez, Iván Renedo, Gonzalo de Castro, Isabel Ordaz, Luisa Gavasa y Pep Sais.
A familia Gallardo ye propietaria d'una masía en bel puesto de Catalunya, masía que ye a lo cudiau de siempre d'Amparito, confident d'a familia y qui mantién a vivienda en perfecto estau, encara que fa tiempos que los Gallardo no i pasan as suyas vacacions. Amparito ha falleixiu y Carlos, lo pai, un important avogau esvurciau, ninvía a los suyos tres fillos a lo funeral. O solo fillo varón, Benja, ye casau y vien tamién con su muller y su fillo; Aura ye una muller snob y superficial que pareixe buscar l'aprebación ta las suyas accions y ha veniu con o suyo actual novio, un machistrau casau d'o Tribunal Constitucional, y Teresa ye soltera y sin novio y vive nomás que ta lo suyo treballo como avogada en o bufet familiar a on i treballan toz os chirmans. Tamién ha veniu Tomás, o solo fillo d'Amparito, que toz creyen que ye fillo borde de Carlos Gallardo y que heba teniu un verano relacions con Teresa. Cuan o notario leye lo testamento d'Amparito, deixa toz os suyos biens a su fillo, a la vegada que demana un favor a los tres fillos de Carlos: estar apedacada en o panteyón familiar. Cuan istos charran entre éls, deciden no acceptar y lo notario lis diz que ixo yera previsto y que Amparito ha deixau una carta ta cadaguno d'éls. Ixas cartas ubren camín a un conchunto de barallas a on estarán implicaus is tres fillos y Tomás y a on poquet a poquet apareixen feitos d'o pasau que lis han marcau en o suyo present, pero amás a muller de Benja, que creye que un telefono marcau con "M." ye de l'amant d'o suyo mariu, la fa venir ta preparar un escandalo sin saber que no ye l'amant so que la mauide Benja, y ixo fa sinar muitas cosas que dica l'inte yeran amagadas. Atamas d'ixo, nomás que Aura, aparentment la menos intelichent de toz, ye qui prencipia a descubrir a verdat.
A cinta s'ambienta en a suya epoca actual (2023) en bel puesto indeterminau de Catalunya y las suyas escenas se filmoron en Alella, Arenys de Munt, Argentona y Sant Vicenç de Montalt (Maresme). Localizacions d'El Favor en Internet Movie Database.
El favor ha recibiu bella nominación a bel premio, encara que sin que iste perteneica a los premios mas conoixius u destacaus d'o panoraa cinematografico internacional.
Elenco El favor en Internet Movie Database. Actor Papel Notas ''''
Se veiga tamién Cine en 2023. Cintas de 2023.
Referencias
Vinclos externos El favor en Internet Movie Database. El favor en FilmAffinity.
Categoría:Cintas ambientadas en Catalunya Categoría:Cintas ambientadas en 2023 Categoría:Cintas con banda sonora orichinal de Vanessa Garde Categoría:Cintas con dirección de fotografía d'Andreu Rebés Categoría:Cintas con guión d'Adolfo Valor Categoría:Cintas con guión de Cristóbal Garrido Categoría:Cintas con montache de Victoria Lammers Categoría:Cintas de cine de comedia Categoría:Cintas de cine de drama Categoría:Cintas d'Espanya Categoría:Cintas dirichidas por Juana Macías Categoría:Cintas en castellano Categoría:Cintas interpretadas por Alfonso Bassave Categoría:Cintas interpretadas por Betsy Túrnez Categoría:Cintas interpretadas por Diego Martín Categoría:Cintas interpretadas por Gonzalo de Castro Categoría:Cintas interpretadas por Inma Cuesta Categoría:Cintas interpretadas por Isabel Ordaz Categoría:Cintas interpretadas por Iván Renedo Categoría:Cintas interpretadas por Luisa Gavasa Categoría:Cintas interpretadas por Pep Sais Categoría:Cintas interpretadas por Pere Ponce Categoría:Cintas interpretadas por Sara Sálamo Categoría:Cintas producidas por Antonio Asensio Categoría:Cintas producidas por Mercedes Gamero Categoría:Cintas producidas por Paloma Molina Categoría:Cintas rodadas en Alella Categoría:Cintas rodadas en Arenys de Munt Categoría:Cintas rodadas en Argentona Categoría:Cintas rodadas en Sant Vicenç de Montalt