The Sheepman (títol orichinal en anglés, en aragonés O pastor, estrenada en Aragón con o títol en castellano de Furia en el valle, en aragonés Furia en a val) ye una cinta de cine estausunidense de cine de western comico estrenada l'anyo 1958, dirichida por George Marshall seguntes un guión adaptau por William Bowers y James Edward Grant (basau en una historia d'iste zaguero), con una banda sonora orichinal de Jeff Alexander, una dirección de fotografía de Robert J. Bronner y una producción cinematografica d'Edmund Grainger ta la productora cinematografica Metro-Goldwyn-Mayer. Conta con un elenco d'actors d'o cual en fan parte, entre d'atros, Glenn Ford, Shirley MacLaine, Leslie Nielsen, Mickey Shaughnessy, Edgar Buchanan, Willis Bouchey, Pernell Roberts, Slim Pickens, Robert "Buzz" Henry, Pedro Gonzalez Gonzalez, Percy Helton, Richard Alexander y Tom London.

Jason Sweet ha ganau un rabanyo de uellas en una partida de poquer. Poco dimpués baixa d'o tren en una localidat ganadera de vacumen y nomás plegar-ie s'adedica a provocar un dezaga d'atro a los suyos habitants, ta dimpués provocar una baralla con o mas salvache habitant d'o lugar, a qui vence. Tamién amuestra manullar con muita habilidat as armas, y anuncia a los habitants d'o lugar que bien luego plegarán as suyas uellas y que aproveitará a pastura comunal ta las suyas uellas. Ixo no cuaca a los propietarios de ganau d'o lugar, pero ya han visto que con os punyos u con as armas no el pueden redotar. Ha conoixiu a Dell Payton, qui pareixe tener una mica d'intrés en él, encara que ye ganadera y novia d'o coronel Steven Bedford, un cabalero ganadero local. Iste fa venir a Swett enta la suya presencia y iste descubre que en realidat o falso coronel ye Johnny Bledsoe, un antigo pistolero y chugador de cartas. Preparan una trampa ta puyar en o tren a Swett y a lo suyo uellamen, pero iste consigue tornar y, amás, descubre debant de toz os habitants d'o lugar que lo falso coronel ha puesto a lo suyo nombre una gran cantidat de terrenos en a redolada, convertendo-se de facto en l'amo d'o lugar. Cuan Bedford veye que pierde posicions, clama a un pistolero, Chocktaw Neal, ta que mate a Sweet.

The Sheepman s'ambienta en bel momento indeterminau d'a segunda metat d'o sieglo XIX en bel puesto igualment indeterminau de l'ueste d'Estaus Unius, y las suyas escenas se filmoron en Montrose (Colorado), amás d'en os Metro-Goldwyn-Mayer Studios en Culver City (California). Localizacions de The Sheepman en Internet Movie Database.

The Sheepman ye una cinta que ha recibiu bellas nominacions a bels premios cinematograficos, en destacando una nominación a lo Premio Oscar a lo Millor Guión Orichinal en 1959 mientres a 31ena edición d'os Premios Oscar y dos nominacions a los Premios BAFTA (Millor Cinta y Millor Actor Forano) en 1960 mientres a 12ena edición d'os Premios BAFTA.

Elenco The Sheepman en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1958. Cintas de 1958.

Referencias

Vinclos externos The Sheepman en Internet Movie Database. The Sheepman en l'American Film Institute Catalog de l'American Film Institute''. The Sheepman en Rotten Tomatoes.

Categoría:Cintas ambientadas en Estaus Unius Categoría:Cintas ambientadas en o sieglo XIX Categoría:Cintas con banda sonora orichinal de Jeff Alexander Categoría:Cintas con dirección de fotografía de Robert J. Bronner Categoría:Cintas con guión de James Edward Grant Categoría:Cintas con guión de William Bowers Categoría:Cintas con montache de Ralph E. Winters Categoría:Cintas de cine de comedia Categoría:Cintas de western Categoría:Cintas d'Estaus Unius Categoría:Cintas dirichidas por George Marshall Categoría:Cintas en anglés Categoría:Cintas en Cinemascope Categoría:Cintas en Metrocolor Categoría:Cintas interpretadas por Edgar Buchanan Categoría:Cintas interpretadas por Glenn Ford Categoría:Cintas interpretadas por Leslie Nielsen Categoría:Cintas interpretadas por Mickey Shaughnessy Categoría:Cintas interpretadas por Pedro Gonzalez Gonzalez Categoría:Cintas interpretadas por Percy Helton Categoría:Cintas interpretadas por Pernell Roberts Categoría:Cintas interpretadas por Richard Alexander Categoría:Cintas interpretadas por Robert "Buzz" Henry Categoría:Cintas interpretadas por Shirley MacLaine Categoría:Cintas interpretadas por Slim Pickens Categoría:Cintas interpretadas por Tom London Categoría:Cintas interpretadas por Willis Bouchey Categoría:Cintas producidas por Edmund Grainger Categoría:Cintas rodadas en Culver City Categoría:Cintas rodadas en Montrose (Colorado) Categoría:Nominadas a lo Premio BAFTA a la Millor Cinta