Iste articlo ye sobre una cinta estausunidense de comedia dramatica y romantica de 2018; ta atros usos, se veiga Second Act.
Second Act (títol orichinal en anglés, en aragonés Segundo acto, estrenada en Aragón con o títol en castellano de Jefa por accidente, en aragonés Chefa por accident) ye una cinta de cine estausunidense de cine de comedia dramatica y romantica estrenada l'anyo 2018, dirichida por Peter Segal seguntes un guión orichinal de Justin Zackham y Elaine Goldsmith-Thomas, con una banda sonora orichinal de Michael Andrews, una dirección de fotografía de Ueli Steiger y una producción cinematografica de Jennifer Lopez, Elaine Goldsmith-Thomas, Justin Zackham y Benny Medina ta las productoras STXfilms, H. Brothers, TMP y Nuyorican Productions. De l'elenco d'a cinta en fan parte, entre d'atros actors, Jennifer Lopez, Vanessa Hudgens, Leah Remini, Treat Williams, Milo Ventimiglia, Annaleigh Ashford, Charlyne Yi, Alan Aisenberg, Freddie Stroma, Dave Foley, Larry Miller, Dierdre Friel, Lacretta, Dan Bucatinsky, Dalton Harrod, John James Cronin, Elizabeth Masucci, Michael Boatman, Anna Suzuki y Ellen Cleghorne.
Maya Vargas fa 15 anyos que treballa en a mesma botiga de Nueva York, en a que ye actualment subcherent. S'ha implicau amplament iste tiempo en o treballo, millorando substancialment cuantos aspectos y labors d'o mesmo, y ye asperando con intrés la visita a la botiga de Weiskopf, un executivo, creyendo que en ixa visita la puyarán enta cherent. So novio Trey, os suyos amigos, os treballadors d'a botiga y mesmo muitos clients son convencius de que li darán ixe cargo. Pero cual i plega Weiskopf, lis anuncia que ha nombrau cherent a Arthur, un emplegau que no conoix ni la botiga ni la redolada a on se i troba pero que poseye un Master of Business Administration por a Universidat Duke. Comunican a Maya que, encara que conoixen d'a suya dedicación a l'empresa, no puet estar cherent por politica d'empresa en no tener garra títol universitario. Alavez Dill, l'afillau de Maya, que ye un buen informatico, modifica lo suyo historial en linia (sin que ella lo sepa) ta que amuestre que poseye un titol d'a Universidat Harvard y que ha feito muitos viaches de negocios fuera d'Estaus Unius. Maya decide albandonar o suyo treballo y buscar un atro, y preba en una empresa de cosmeticos, F&C, una gran empresa que subministra a la cadena a on ella heba treballau. Ta la suya sorpresa, la contractan como consultora. Cuan sabe que ye porque li han manipulau o suyo expedient y li diz a Trey, su novio li diz que millor que conte la verdat, a la vegada que li proposa que se case con él. Maya prefiere asperar ta las dos cosas y la primera consecuencia es que Trey la deixa. A la vegada en a nueva empresa se troba dirichindo un equipo que ha de disenyar un cosmetico natural 100% a millor pre que l'actual d'a empresa, competindo contra un atro equipo que dirichirá Zoe, la filla d'o duenyo, que lo fará nomás que reducindo components no naturals d'o producto actual, y que en tres meses se comprobará qui ha ganau d'os d's equipos. Maya prencipia por reclutar a treballadors d'a empresa que dica l'inte se trobaban desaproveitaus u marchinaus, y lo suyo prochecto no acaba de marchar bien, a la vegada que en chicoz detalles se veye que los suyos actos no son consistents con o suyo currículum. Tanimientres, mesmo a lo propietario d'a empresa que a la suya filla ixo pareixe que no lis preocupa, puet estar que porque no en son conscients. De rapiconte, Maya descubre que Zoe ye a nina que ella tenió estando adolescent y que se veyó obligada a albandonar, pero de momento prefiere no explicar-lo y continar afirmando los suyos vinclos con Zoe qui, simultaniament, cada vegada se fa mas amiga d'ella.
A cinta s'ambienta en a suya epoca actual (2018) en a ciudat de Nueva York (Nueva York) y las suyas escenas se filmoron en ixa mesma ciudat. Localizacions de Second Act en Internet Movie Database.
Second Act ye una cinta que ha recibiu bels premios y noinacions. Tanimientres, garra d'éls no perteneixe a lo conchunto d'os premios cinematograficos mas conoixius u destacaus.
Elenco Second Act en Internet Movie Database. Actor Papel Notas ''''
Se veiga tamién Cine en 2018. Cintas de 2018.
Referencias
Vinclos externos Second Act en Internet Movie Database.
Categoría:Cintas ambientadas en Nueva York (ciudat) Categoría:Cintas ambientadas en 2018 Categoría:Cintas con banda sonora orichinal de Michael Andrews Categoría:Cintas con dirección de fotografía de Ueli Steiger Categoría:Cintas con guión de Elaine Goldsmith-Thomas Categoría:Cintas con guión de Justin Zackham Categoría:Cintas con montache de Jason Gourson Categoría:Cintas de cine de comedia Categoría:Cintas de cine de drama Categoría:Cintas de cine de romance Categoría:Cintas d'Estaus Unius Categoría:Cintas dirichidas por Peter Segal Categoría:Cintas en anglés Categoría:Cintas interpretadas por Alan Aisenberg Categoría:Cintas interpretadas por Anna Suzuki Categoría:Cintas interpretadas por Annaleigh Ashford Categoría:Cintas interpretadas por Charlyne Yi Categoría:Cintas interpretadas por Dalton Harrod Categoría:Cintas interpretadas por Dan Bucatinsky Categoría:Cintas interpretadas por Dave Foley Categoría:Cintas interpretadas por Dierdre Friel Categoría:Cintas interpretadas por Elizabeth Masucci Categoría:Cintas interpretadas por Ellen Cleghorne Categoría:Cintas interpretadas por Freddie Stroma Categoría:Cintas interpretadas por Jennifer Lopez Categoría:Cintas interpretadas por John James Cronin Categoría:Cintas interpretadas por Lacretta Categoría:Cintas interpretadas por Larry Miller Categoría:Cintas interpretadas por Leah Remini Categoría:Cintas interpretadas por Michael Boatman Categoría:Cintas interpretadas por Milo Ventimiglia Categoría:Cintas interpretadas por Treat Williams Categoría:Cintas interpretadas por Vanessa Hudgens Categoría:Cintas producidas por Elaine Goldsmith-Thomas Categoría:Cintas producidas por Jennifer Lopez Categoría:Cintas producidas por Justin Zackham Categoría:Cintas producidas por Benny Medina Categoría:Cintas rodadas en Nueva York (ciudat)