Iste articlo ye sobre una cinta angloestausunidense de cine d'untriga d'acción de l'anyo 2013; ta atros usos, se veiga Hummingbird.
Hummingbird (títol orichinal en anglés, en aragonés Colibrín, estrenada en Aragón con o títol en castellano de Redención, en aragonés Redempción) ye una cinta de cine d'intriga d'acción copoducida por o cine britanico y lo cine estausunidense estrenada l'anyo 2013, dirichida por Steven Knight seguntes un guión orichinal d'él mesmo, con una banda sonora orichinal de Dario Marianelli, una producción cinematografica de Guy Heeley y Paul Webster ta las productoras IM Global, Shoebox Films y Shine Pictures y un elenco formau por Jason Statham, Agata Buzek, Christian Brassington, Vicky McClure, Benedict Wong, Ger Ryan, Victoria Bewick, Sang Lui, Lillie Buttery, Youssef Kerkour, Danny Webb, Dai Bradley, Bruce Wang, Siobhan Hewlett y Steven Beard, entre d'atros actors.
Joseph Smith ye un fuchitivo d'as fuerzas especials de l'exercito britanico, y ye tamién un galtarán en as carreras de Londres, adedicau a l'alcolismo. Una nueit l'ataca un grupo de farutes y ta fuyir-ne dentra en luxoso apartamento ta cubillar-se. Cuan descubre que Damon, o propietario, ye un fotografo que no tornará que dica dentro de 8 meses, decide remanir en l'apartamento a la vegada que creya una nueva identidat, fendo-se clamar Joey Jones y fendo uso d'os recursos d'o propietario de l'apartamento. En primeras, preba de trobar a una amiga suya, Isabel, que ha estau obligada a prostituyir-se por a mesma banda que l'heba atacau a él. Demana informacions a Cristina, una monja polaca que cudia d'un minchador social. A los vecins de Damon lis diz que ye lo suyo amigo, y prencipia a treballar en un restaurant chinés. Cuan o cherent d'o restaurant, Choy, descubre as suyas habilidaz como luitador, lo contracta como lo suyo conductor y sicario. Joseph fa servir os diners que gana ta subministrar virolla de calidat a lo suyo antigo minchador social, a la vegada que enampla la suya relación con sor Cristina. Cuan Cristina li diz que ha trobau a Isabel y que ha estau obchecto d'un asasinato, Joseph prencipia la suya investigación interrogando violentament a los miembros d'a banda que heba secuestrau a Isabel, puyando lentament enta lo responsable prencipal. A la vegada, Cristina prencipia a pensar que se ye implicando sentimentalment con Joseph y decide demanar d'estar tresladada enta Africa. A la fin, la suya chefa chinesa superior de Choy (que tamién se clama Choy) li da la identidat d'o culpable de l'asasinato d'Isabel, Max Forrester, un personache de buena posición social que se regala maltractando mullers y a qui todas as prostitutas que el conoixen refusan como client.
A cinta s'ambienta en a suya epoca actual (2013) en Londres (Reino Uniu); y las suyas escenas se filmoron en Londres (Gran Londres) y Dartford (Kent) en o Reino Uniu y en Seattle (Washington) en Estaus Unius, amás d'en os Three Mills Studios tamién situaus en Londres. Localizacions de Hummingbird en INternet_Movie_Database.
Elenco Hummingbird en Internet Movie Database. Actor Papel Notas ''''
Se veiga tamién Cine en 2013. Cintas de 2013.
Referencias
Vinclos externos Hummingbird en Internet Movie Database. Hummingbird en Box Office Mojo. Hummingbird en Metacritic. Hummingbird en Rotten Tomatoes.
Categoría:Cintas ambientadas en Londres Categoría:Cintas ambientadas en 2013 Categoría:Cintas con banda sonora orichinal de Dario Marianelli Categoría:Cintas con dirección de fotografía de Chris Menges Categoría:Cintas con guión de Steven Knight Categoría:Cintas con montache de Valerio Bonelli Categoría:Cintas de cine d'acción Categoría:Cintas de cine d'intriga Categoría:Cintas d'Estaus Unius Categoría:Cintas d'o Reino Uniu Categoría:Cintas dirichidas por Steven Knight Categoría:Cintas en anglés Categoría:Cintas en cantonés Categoría:Cintas en italiano Categoría:Cintas en polaco Categoría:Cintas en Technicolor Categoría:Cintas interpretadas por Agata Buzek Categoría:Cintas interpretadas por Benedict Wong Categoría:Cintas interpretadas por Bruce Wang Categoría:Cintas interpretadas por Christian Brassington Categoría:Cintas interpretadas por Dai Bradley Categoría:Cintas interpretadas por Danny Webb Categoría:Cintas interpretadas por Ger Ryan Categoría:Cintas interpretadas por Jason Statham Categoría:Cintas interpretadas por Lillie Buttery Categoría:Cintas interpretadas por Sang Lui Categoría:Cintas interpretadas por Siobhan Hewlett Categoría:Cintas interpretadas por Steven Beard Categoría:Cintas interpretadas por Vicky McClure Categoría:Cintas interpretadas por Victoria Bewick Categoría:Cintas interpretadas por Youssef Kerkour Categoría:Cintas producidas por Guy Heeley Categoría:Cintas producidas por Paul Webster Categoría:Cintas rodadas en Dartford Categoría:Cintas rodadas en Londres Categoría:Cintas rodadas en Seattle