Iste articlo ye sobre una cinta d'intriga dramatica de ciencia-ficción anglo-chermano-estausunidense de 2005; ta atros usos, se veiga V for Vendetta.

V for Vendetta (títol orichinal en anglés, en aragonés V de Vendetta, estrenada en Aragón con iste zaguer títol) ye una cinta de cine d'intriga de drama d'acción de ciencia-ficción coproducida por o cine estausunidense, lo cine britanico y lo cine alemán estrenada l'anyo 2005, dirichida por James McTeigue seguntes un guión adaptau por Lana Wachowski y Lilly Wachowski (basau en V for Vendetta, un conchunto de cómics de David Lloyd publicaus mientres os anyos 1980), con una banda sonora orichinal de Dario Marianelli, una dirección de fotografía d'Adrian Biddle, y una producción cinematografica de Lana Wachowski, Lilly Wachowski, Joel Silver y Grant Hill ta las productoras Silver Pictures, Virtual Studios, Studio Babelsberg, Vertigo DC Comics, y Anarchos Productions, Inc.. De l'elenco d'actors d'a cinta en fan parte, en os suyos papels prencipals, Hugo Weaving, Natalie Portman, Stephen Rea, Stephen Fry, John Hurt, Tim Pigott-Smith, Rupert Graves, Roger Allam, Ben Miles, Sinéad Cusack, Natasha Wightman, Imogen Poots, John Standing, Eddie Marsan, Clive Ashborn y Guy Henry.

En un futuro situau en os anyos 1990, lo Reino Uniu se troba gubernau por un partiu clamau Norsefire, con un alto canceller clamau Adam Sutler, qui ha establiu una dictadura faixista que funciona con un sistema de propaganda obsesiva y con una ampla represión politica y social que zarra en a garchola u asasina a cualsiquier disident, opositor u personas a qui ixe rechimen considera indeseyable, como homosexuals, immigrants o practicants de relichions no oficials. Evey Hammond treballa en a BTN, la cadena de televisión estatal y lo suyo chirmano morió fa 14 anyos en una pandemia por un ataque terrorista biolochico, desapareixendo poco dimpués sus país, opositors a lo partiu oficial, a mans d'o Gubierno. En a nueit d'o 4 de noviembre, un grupo d'achents quieren violar a Evey, salvando-la un emmascarau con una mascara de Guy Hawkes, que dimpués la leva a presenciar o suyo atentau contra l'Old Bailey. A lo día siguient, ixe emmascarau asalta la BTN y fa emitir un comunicau reivindicando l'atentau y citando a la población a reunir-se con él o 5 de noviembre de l'anyo siguient debant d'o Parlamento d'o Reino Uniu ta, chuntos, derrocar a lo Gubierno. Cuan fuye d'o lugar se troba acorralau por a Policía pero Evey lo salva, quedando la mesacha incosncient. Ta salvar-la, l'emmascarau la leva con él enta la suya casa. Prencipia una busca por a Policía de l'emmascarau y d'Evey, a la vegada que l'emmascarau mata poquet a poquet a feguras clau d'o partiu gubernamental. Eric Finch, l'inspector chefe a lo cudiau d'a investigación, descubre que tos os asasinaus heban estau implicaus en una garchola concreta a on se i facioron investigacions biolochicas, morindo-ie toz os presos menos un, clamau V, qui pareixeba haber desenrollau bel mecanismo contra lo virus. L'inspector deduz que l'emmascarau ye ixe V, pero lo dictador Sutler el presiona de contino, a él y a toz, ta que localicen y eliminen a l'emmascarau. D'atra man, Evey fuye de casa de l'emmascarau, nomás que ta presenciar cómo la Policía fa desapareixer a un d'os suyos amigos y finalment ella mesma ye arrestada. L'emmascarau la torna a salvar y li explica cómo ha preparau la destrucción d'o Parlamento, con un metro a on ha preparau una gran cantidat d'explosivos y que esclatará baixo l'edificio.

A cinta s'ambienta en un futuro en os anyos 1990 en a ciudat de Londres (Reino Uniu), y las suyas escenas se filmoron en cuantas localizacions en Hatfield (Hertfordshire) y Londres (Gran Londres) en o Reino Uniu y Potsdam y Stahnsdorf (Brandemburgo) y Berlín en Alemanya. Localizacions de V for Vendetta, en Internet Movie Database.

Se tracta d'una cinta que ha recibiu cuantismos premios y nominacions, encara que garra d'éls no perteneixe a lo conchunto d'os premios mas conoixius u destacaus d'o panorama cinematografico internacional.

Elenco V for Vendetta en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 2005. Cintas de 2005.

Referencias

Vinclos externos

V for Vendetta en Internet Movie Database. V for Vendetta en l'American Film Institute Catalog de l'American Film Institute''. V for Vendetta en Box Office Mojo. V for Vendetta en Rotten Tomatoes. V for Vendetta en Metacritic.

Categoría:Cintas ambientadas en Londres Categoría:Cintas ambientadas en os anyos 1990 Categoría:Cintas con banda sonora orichinal de Dario Marianelli Categoría:Cintas con dirección de fotografía d'Adrian Biddle Categoría:Cintas con guión de Lana Wachowski Categoría:Cintas con guión de Lilly Wachowski Categoría:Cintas con montache de Martin Walsh Categoría:Cintas de cine d'acción Categoría:Cintas de cine de ciencia-ficción Categoría:Cintas de cine de drama Categoría:Cintas de cine d'intriga Categoría:Cintas d'Alemanya Categoría:Cintas d'Estaus Unius Categoría:Cintas d'o Reino Uniu Categoría:Cintas dirichidas por James McTeigue Categoría:Cintas en anglés Categoría:Cintas en castellano Categoría:Cintas en francés Categoría:Cintas en latín Categoría:Cintas interpretadas por Ben Miles Categoría:Cintas interpretadas por Clive Ashborn Categoría:Cintas interpretadas por Eddie Marsan Categoría:Cintas interpretadas por Guy Henry Categoría:Cintas interpretadas por Hugo Weaving Categoría:Cintas interpretadas por Imogen Poots Categoría:Cintas interpretadas por John Hurt Categoría:Cintas interpretadas por John Standing Categoría:Cintas interpretadas por Natalie Portman Categoría:Cintas interpretadas por Natasha Wightman Categoría:Cintas interpretadas por Roger Allam Categoría:Cintas interpretadas por Rupert Graves Categoría:Cintas interpretadas por Sinéad Cusack Categoría:Cintas interpretadas por Stephen Fry Categoría:Cintas interpretadas por Stephen Rea Categoría:Cintas interpretadas por Tim Pigott-Smith Categoría:Cintas producidas por Grant Hill Categoría:Cintas producidas por Joel Silver Categoría:Cintas producidas por Lana Wachowski Categoría:Cintas producidas por Lilly Wachowski Categoría:Cintas rodadas en Berlín Categoría:Cintas rodadas en Hatfield (Hertfordshire) Categoría:Cintas rodadas en Londres Categoría:Cintas rodadas en Potsdam Categoría:Cintas rodadas en Stahnsdorf