Iste ye un articlo sobre una cinta de cine negro d'intriga policiaca estausunidense de l'anyo 1990; ta atros usos, se veiga The Grifters.
The Grifters (títol orichinal en anglés, en aragonés Os esculabolsas, estrenada en Aragón con o suyo títol traduciu enta lo castellano como Los timadores) ye una cinta de cine negro d'intriga policiaca estrenada en 1990 y coproducida por o cine estausunidense y lo cine canadiense, dirichida por Stephen Frears seguntes un guión adaptau por Donald E. Westlake (basau en a novela The Grifters, que heba publicau Jim Thompson en l'anyo 1963), con una banda sonora orichinal d'Elmer Bernstein, una dirección de fotografía d'Oliver Stapleton, una producción cinematografica de Martin Scorsese, Robert A. Harris y Jim Painten ta la productora cinematografica Cineplex Odeon Films y un elenco d'o cual en fan parte, entre d'atros actors, John Cusack, Anjelica Huston, Annette Bening, Pat Hingle, J. T. Walsh, Charles Napier, Henry Jones, Gailard Sartain, Noelle Harling, Paul Adelstein, Jeremy Piven, Stephen Tobolowsky, Xander Berkeley, Frances Bay, Sandy Baron y Eddie Jones.
Lilly Dillon ye una estafadora con prou experiencia. Treballa ta Bobo Justus, un corredor d'apuestas d'a Mafia, fendo grans apuestas en os hipodromos ta reducir probabilidaz d'atros apostadors. Cuan marcha de camín enta La Jolla ta un treballo, s'atura en Los Angeles ta visitar a su fillo Roy, un estafador carguillón, a qui fa 8 anyos que no veye. Lo troba feriu en haber estau bataniau en descubrir-lo en una trapalanda, y lo leva enta l'hespital en menazando s los medicos con os suyos vinclos con a Mafia. En l'hespital conoix a Myra Langtry, la novia de Roy, qui immediatament li caye mal. Lilly insta a su fillo a albandonar ixe mundo . O problema ye que con tot ixo plega tarde enta La Jolla y astí un chugador gana una apuesta de 70 a 1, i ixo enfuria a Bobo, que la escarapelia y li crema la man con un cigarro. Myra, la novia de Roy, tamiñen ye timadora, fendo servir de vegadas mesmo lo sexo ta los suyos fins. Myra quiere treballar con Roy, pero iste se resiste, aconsellau amás por su mai, y Myra preba de que se distancie de su mai acusando-lo de tener un intrés incestuoso en su mai, pero Rpy reacciona en deixando a Myra. Ista descubre que Lilly ha estau robando a Bobo y ta vengar-se lo li diz, y Lilly ha de fuyir, seguida por Myra, qui quiere matar-la y robar-le los diners. Pero Lilly consigue estar ella qui mate a Myra, provocando un incendio ta simular a suya propia muerte en aproveitando lo calavre de Myra. Cuan li amuestran o calavre a Roy, iste identifica a su mai, encara que para cuenta de que no tiene en a man a marca d'a cremada d'o cigarro.
A cinta s'ambienta en a suya epoca actual (1990) en Los Angeles) y las suyas escenas se filmoron en Los Angeles, San Diego, Santa Clarita y atros puestos de California y en Phoenix (Arizona). Localizacions de The Grifters, en Internet Movie Database.
Se tracta d'una cinta que ha recibiu cuantos premios y nominacions, en destacando cuatre nominacions a los Premios Oscar en 1991 mientres a 63ena edición (Millor Director, Millor Actriz, Millor Actriz Segundaria y Millor Guión Adaptau); y una nominación a lo Premio Globo d'Oro a la Millor Actriz Dramatica ixe mesmo anyo en a 48ena edición d'os Premios Globos d'Oro.
Elenco The Grifters en Internet Movie Database. Actor Papel Notas ''''
Se veiga tamién Cine en 1991. Cintas de 1991.
Referencias
Vinclos externos The Grifters en Internet Movie Database. The Grifters en Rotten Tomatoes. The Grifters en Box Office Mojo.
Categoría:Cintas ambientadas en Los Angeles Categoría:Cintas ambientadas en 1990 Categoría:Cintas con banda sonora orichinal d'Elmer Bernstein Categoría:Cintas con dirección de fotografía d'Oliver Stapleton Categoría:Cintas con guión de Donald E. Westlake Categoría:Cintas con montache de Mick Audsley Categoría:Cintas de cine d'intriga Categoría:Cintas de cine negro Categoría:Cintas de cine policiaco Categoría:Cintas de Canadá Categoría:Cintas d'Estaus Unius Categoría:Cintas dirichidas por Stephen Frears Categoría:Cintas en anglés Categoría:Cintas en Panavision Categoría:Cintas interpretadas por Anjelica Huston Categoría:Cintas interpretadas por Annette Bening Categoría:Cintas interpretadas por Charles Napier Categoría:Cintas interpretadas por Eddie Jones Categoría:Cintas interpretadas por Frances Bay Categoría:Cintas interpretadas por Gailard Sartain Categoría:Cintas interpretadas por Henry Jones Categoría:Cintas interpretadas por J. T. Walsh Categoría:Cintas interpretadas por Jeremy Piven Categoría:Cintas interpretadas por John Cusack Categoría:Cintas interpretadas por Noelle Harling Categoría:Cintas interpretadas por Pat Hingle Categoría:Cintas interpretadas por Paul Adelstein Categoría:Cintas interpretadas por Sandy Baron Categoría:Cintas interpretadas por Stephen Tobolowsky Categoría:Cintas interpretadas por Xander Berkeley Categoría:Cintas producidas por Jim Painten Categoría:Cintas producidas por Martin Scorsese Categoría:Cintas producidas por Robert A. Harris Categoría:Cintas rodadas en California Categoría:Cintas rodadas en Los Angeles Categoría:Cintas rodadas en Phoenix Categoría:Cintas rodadas en San Diego Categoría:Cintas rodadas en Santa Clarita