As Casas del Puent (en aragonés moderno Casas d'o Puent) estioron a seu d'o Concello municipal de Zaragoza dende a Edat Meya dica primers d'o sieglo XX, situada entre a Loncha y o Puent de Piedra, d'o cual prenió o suyo nombre.
Historia O nombre "Casa del puent" ye cuaternato dende 1293, y la Puerta de l'Ánchel se clamaba "Puerta del Puent" dica 1493, cuan posoron a imachen de l'ánchel custodio. A ilesia que i heba se clamaba Sant Chuan d'o Puent. A metat d'o sieglo XVI se decidió de fer en un costau a loncha d'a ciudat, conservada dica hue. Se cremó en os bombardeyos de 1809 mientres os Seches de Zaragoza. En 1850 se fació una profunda renovación. A primers d'o sieglo XX o concello municipal marchó enta un edificio d'a plaza de Santo Domingo, y se mandó d'espaldar istas Casas del Puent.
Descripción As Casas del Puent yera un edificio que teneba una superficie per planta de 150 piez de longaria per 100 piez d'amplaria. I heba tres plantas y teneba dos accesos: un per a Plaza d'a Seu y unatro per a Loncha.
A frontera prencipal a la Plaza d'a Seu teneba cuatro puertas. A puerta prencipal teneba 15 piez d'altaria y 9 piez d'amplaria y yera decorada per dos columnas doricas de marbre negro. Las atras tres puertas daban acceso a las usinas de "aferición", de "replega" y de "imposaus"."Guía de Zaragoza", Vicente Andrés, 1860, p.137-139
A frontera d'a Plaza d'a Seu teneba cuatro balcons per cada planta mientres que la frontera que miraba a lo río Ebro teneba nueu per planta.
O piso prencipal teneba dos salas: una de 48 piez per 24 piez pa sesions particulars y unatra de 60 piez per 27 piez pa sesions publicas an se feban as reunions d'o Capitol y Concello, asambleas que gubernoron a ciudat dica os Decretos de Nueva Planta de 1707.
Referencias
Categoría:Casas d'a villa d'Aragón Categoría:Concello de Zaragoza Categoría:Historia de Zaragoza Categoría:Edificios desapareixius de Zaragoza