Iste articlo ye sobre una cinta estausunidense d'intriga d'acción estrenada l'anyo 2013; ta atros usos, se veiga Snitch.

Snitch (títol orichinal en anglés, en aragonés Soflón, estrenada en Aragón con o títol en castellano d'El mensajero, en aragonés O recadero) ye una cinta de cine d'intriga d'acción coproducida por o cine estausunidense, o cine emiratí y lo cine britanico y estrenada l'anyo 2013, dirichida por Ric Roman Waugh seguntes un guión orichinal d'él mesmo y de Justin Haythe, con una banda sonora orichinal d'Antonio Pinto, una dirección de fotografía de Dana Gonzales, una producción cinematografica de Dwayne Johnson, Nigel Sinclair, Matt Jackson, Jonathan King, Dany Garcia, Alex Brunner y Tobin Armbrust ta las productoras Exclusive Media, Participant Media y Image Nation y un elenco d'o cual en fan parte Dwayne Johnson, Barry Pepper, Benjamin Bratt, Harold Perrineau, Susan Sarandon, Jon Bernthal, Michael Kenneth Williams, Melina Kanakaredes, Nadine Velazquez, Rafi Gavron, David Harbour, Kyara Campos, Jason Douglas, Richard Cabral, James Allen McCune, J. D. Pardo, Kym Jackson y Lela Loren, entre d'atros actors.

Jason Collins ye un estudiant de Missouri a qui un amigo demana un favor: que reciba por él un paquet o conteniu d'o cual son drogas y, encara que él ni se droga ni en vende, accepta fer o favor a lo suyo amigo, pero malas que recibe lo paquet queda arrestau por achents d'a Drug Enforcement Administration. John Matthews recibe la noticia de l'arresto de su fillo por a suya ex muller Sylvie, de qui ye esvurciau, y cuan toz dos charran con un avogau iste lis explica la trampa que o suyo "amigo" li ha feito a Jason, a qui ha entregau como narcotraficant ta asinas reducir a suya propia condena y lis diz tamién que la condena minima ta Jason estará de 10 anyos de garchola, amás d'aconsellar-lis que Jason entregue a bel contacto que pueda tener en o mundo d'a droga ta fer igual. Como lo choven no puet entregar a garra persona vinculada a lo mundo d'a droga, John fa una reunión con Joanne Keeghan, una fiscal que ye a lo cudiau d'una ampla campanya contra la droga y a la fin John accepta buscar bel contacto ta entregar a cambio de reducir a condena a su fillo. Un d'os treballadors d'a suya empresa, Daniel, teneba condenas por venda de drogas y agora se mantien luent d'o trafico, pero John li ufre 20.000 dólars si li consigue contactos con ixe mundo y Daniel, que amenista los diners, a la fin accepta y li presenta a Malik, un perigloso narcotraficant a qui John explica que la suya empresa tien problemas economicos y que ye disposau a transportar drogas en emplegando los suyos propios cambions. De toz istos contactos ye informau de contino un achent d'a DEA, que descubre que a traviés de Malik puet arrestar a importants narcotraficants y presiona de contino a John ta que s'implique mas, a la vegada que Daniel descubre que l'ha enganyau y con ixo la suya familia ye tamién en risgo de perder a vida. John prepara un plan ta conseguir que ni él ni Daniel tiengan problemas con a Policía ni con o cártel de drogas, pero lo problema ye que amás os narcotraficants han descubierto lo suyo vinclo con Jason y sospeitan que ye actuando como infiltrau contra éls.

A cinta s'ambienta en a suya epoca actual (2013) en Missouri y las suyas escenas se filmoron en Austin y El Paso (Texas) y Shreveport (Loisiana). Localizacions de Snitch, en Internet Movie Database.

A cinta ha recibiu bella nominación a bel premio, encara que no se tracta de garra premio d'os mas conoixius u destacaus d'o panorama cinematografico internacional.

Elenco Snitch en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 2013. Cintas de 2013.

Referencias

Vinclos externos Snitch en Internet Movie Database. Snitch en l'American Film Institute Catalog de l'American Film Institute''.

Categoría:Cintas ambientadas en Missouri Categoría:Cintas ambientadas en 2013 Categoría:Cintas con banda sonora orichinal d'Antonio Pinto Categoría:Cintas con dirección de fotografía de Dana Gonzales Categoría:Cintas con guión de Justin Haythe Categoría:Cintas con guión de Ric Roman Waugh Categoría:Cintas con montache de Jonathan Chibnall Categoría:Cintas de cine d'acción Categoría:Cintas de cine d'intriga Categoría:Cintas d'Estaus Unius Categoría:Cintas dirichidas por Ric Roman Waugh Categoría:Cintas en anglés Categoría:Cintas en castellano Categoría:Cintas en Color by DeLuxe Categoría:Cintas interpretadas por Barry Pepper Categoría:Cintas interpretadas por Benjamin Bratt Categoría:Cintas interpretadas por David Harbour Categoría:Cintas interpretadas por Dwayne Johnson Categoría:Cintas interpretadas por Harold Perrineau Categoría:Cintas interpretadas por J. D. Pardo Categoría:Cintas interpretadas por James Allen McCune Categoría:Cintas interpretadas por Jason Douglas Categoría:Cintas interpretadas por Jon Bernthal Categoría:Cintas interpretadas por Kyara Campos Categoría:Cintas interpretadas por Kym Jackson Categoría:Cintas interpretadas por Lela Loren Categoría:Cintas interpretadas por Melina Kanakaredes Categoría:Cintas interpretadas por Michael Kenneth Williams Categoría:Cintas interpretadas por Nadine Velazquez Categoría:Cintas interpretadas por Rafi Gavron Categoría:Cintas interpretadas por Richard Cabral Categoría:Cintas interpretadas por Susan Sarandon Categoría:Cintas producidas por Alex Brunner Categoría:Cintas producidas por Dany Garcia Categoría:Cintas producidas por Dwayne Johnson Categoría:Cintas producidas por Nigel Sinclair Categoría:Cintas producidas por Jonathan King Categoría:Cintas producidas por Matt Jackson Categoría:Cintas producidas por Tobin Armbrust Categoría:Cintas rodadas en Austin Categoría:Cintas rodadas en El Paso (Texas) Categoría:Cintas rodadas en Shreveport