Iste articlo ye sobre una cinta estausunidense de comedia fantastica romantica de l'anyo 2011; ta atros usos, se veiga Zookeeper.
Zookeeper (títol orichinal en anglés, en aragonés Cudiador d'o zoolochico, estrenada en Aragón con o títol en castellano de Zooloco, en aragonés Zoobarrenau) ye una cinta de cine estausunidense de cine de comedia fantastica romantica estrenada l'anyo 2011, dirichida por Frank Coraci seguntes un guión adaptau por Nick Bakay, Rock Reuben, Kevin James, Jay Scherick y David Ronn (basau en una historia de Jay Scherick y David Ronn), con una banda sonora orichinal de Rupert Gregson-Williams, una dirección de fotografía de Michael Barrett y una producción cinematografica de Todd Garner, Kevin James, Adam Sandler, Jack Giarraputo y Walt Becker ta las productoras Columbia Pictures, Metro-Goldwyn-Mayer, Broken Road Productions, Hey Eddie y Happy Madison Productions. Conta con un elenco d'actors d'o cual en fan parte, entre d'atros, Kevin James, Rosario Dawson, Leslie Bibb, Ken Jeong, Donnie Wahlberg, Joe Rogan, Nat Faxon, Steffiana de la Cruz, Thomas Gottschalk y Brandon Keener.
Griffin Keyes ye a lo cudiau d'os animals en o zoolochico de Boston (Massachusetts). Li proposa matrimonio a su novia Stephanie, pero ista refusa, decindo-le que lo fa por motivo d'o suyo treballo. Cinco anyadas dimpués, Griffin ye lo cudiador prencipal d'o zoolochico Franklin Park de Boston y ha de preparar una fiesta a on su chirmano Dave li demane matrimonio a su novia, pero descubre que Stephanie ye tamién convidada a la fiesta. Dave li proposa a su chirmano que cambie de treballo, treballando ta él en o suyo concesionario d'autos, y Griffin lo ye pensando. Atamas d'ixo, ixa nueit os animals d'o zoo fan una reunión, preocupaus porque Griffin ye lo millor cudiador que mai no han teniu, y deciden aduyar-lo a recuperar a Stephanie sin que tienga que albandonar o zoolochico. Donald, o mono, proposa fer apareixer a Griffin como un heroi ta Stephanie, y a lo día siguient libera a Joe, lo lión, ta que apareixca debant de Dave, d'a suya novia Robin y de Stephanie y Griffin los salve. Pero Griffin no colabora y qui captura a lo lión ye Kate, l'albéitar d'o zoolochico. Frustrau, o lión Joe li chila a Griffin y iste piensa que ha aloquiau en sentir que un animal fabla. A lo día siguient, Griffin vichila a Joe ta veyer si torna a charrar pero a la fin Joe li diz que han de charrar y Grifin se da una desgana. Cuan disperta se troba arrodiau d'os animals, que han decidiu albandonar o suyo codigo de no charrar en presencia d'humans, y li dan consellos de cómo recuperar a Stephanie. Griffin, ta fer tener celosías a Stephanie, demana aduya a l'albéitar Kate, dica que lo consigue. Pero cuan ha conseguiu tornar a estar novio de Stephanie y treballa ta su chirmano en o concesionario d'autos para cuenta de que puet estar que ixo no ye lo que realment deseya.
A cinta s'ambienta en a suya epoca actual (2011) en Boston (Massachusetts); y las suyas escenas se filmoron en ixa mesma ciudat, incluyendo-ie lo zoolochico Franklin Park a on s'escayece la historia. Localizacions de Zookeeper, en Internet Movie Database.
Zookeeper ye una cinta que ha recibiu bels premios y nominacions, encara que garra d'éls no ye ncluyiu en o conchunto d'os premios mas conoixius u destacaus d'o panorama cinematografico y, amás, una d'as mencionadas nominacions lo ye a un d'os Premios Golden Raspberry.
Elenco Zookeeper en Internet Movie Database. Actor Papel Notas ''''
Se veiga tamién Cine en 2011. Cintas de 2011.
Referencias
Vinclos externos Zookeeper en Internet Movie Database. Zookeeper en Box Office Mojo.
Categoría:Cintas ambientadas en Boston Categoría:Cintas ambientadas en 2011 Categoría:Cintas con banda sonora orichinal de Rupert Gregson-Williams Categoría:Cintas con dirección de fotografía de Michael Barrett Categoría:Cintas con guión de David Ronn Categoría:Cintas con guión de Jay Scherick Categoría:Cintas con guión de Kevin James Categoría:Cintas con guión de Nick Bakay Categoría:Cintas con guión de Rock Reuben Categoría:Cintas con montache de Scott Hill Categoría:Cintas de cine de comedia Categoría:Cintas de cine de fantasía Categoría:Cintas de cine de romance Categoría:Cintas d'Estaus Unius Categoría:Cintas dirichidas por Frank Coraci Categoría:Cintas en anglés Categoría:Cintas en Color by DeLuxe Categoría:Cintas en Kodakvision Categoría:Cintas en Panavision Categoría:Cintas interpretadas por Brandon Keener Categoría:Cintas interpretadas por Donnie Wahlberg Categoría:Cintas interpretadas por Joe Rogan Categoría:Cintas interpretadas por Ken Jeong Categoría:Cintas interpretadas por Kevin James Categoría:Cintas interpretadas por Leslie Bibb Categoría:Cintas interpretadas por Nat Faxon Categoría:Cintas interpretadas por Rosario Dawson Categoría:Cintas interpretadas por Steffiana de la Cruz Categoría:Cintas interpretadas por Thomas Gottschalk Categoría:Cintas producidas por Adam Sandler Categoría:Cintas producidas por Jack Giarraputo Categoría:Cintas producidas por Kevin James Categoría:Cintas producidas por Todd Garner Categoría:Cintas producidas por Walt Becker Categoría:Cintas rodadas en Boston