O tritón palmiau () ye una especie d'anfibio caudau d'o chenero Lissotriton y d'a familia Salamandridae.
Descripción Comparaus con atros tritons son relativament chicoz; as fembras adultas pueden plegar dica os 95 mm de largaria y os masclos nomás dica os 85 mm.
Os masclos por un regular son mas delgaus que as fembras y amuestran diferencias mas acusadas mientres a epoca de celo, pero o dimorfismo sexual puet atenuar-se u desapareixer mientres a fase terrestre d'os adultos d'agüerro y d'hibierno. Amphibiaweb - Lissotriton helveticus
Presenta tres sulcos lonchitudinals en a parti superior d'o tozuelo. A coda ye prou aplanada lateralment y tien una largaria parellana a la resta d'o cuerpo u lucherament mayor. O suyo dorso ye de color marrón sorenca, oliva u marrón mas u menos fosco. Lateralment os tonos foscos se difuminan enta a zona ventral u presentan un reticulau de tacas foscas alargadas sobre un fundo claro. A cada costau d'o tozuelo presentan una linia u banda fosca caracteristica, que adura dende l'orificio nasal dica a parti posterior d'o uello y que en muitos exemplars plega ta o cuello (A francha fosca lateral que entravesa os uello de canto a canto d'o tozuelo, como si estasen mascaraus). O vientre ye de color amarillenca clara y no gosa presentar tacas, encara que belún puet presentar chicoz puntos u tacas marrons foscas u negres en os laterals, u mesmo distribuyidas de forma irregular por o vientre.
Referencias
Helveticus Categoría:Anfibios d'Aragón Categoría:Fauna d'os Pireneus Categoría:Fauna d'Alemanya Categoría:Fauna de Belchica Categoría:Fauna d'Espanya Categoría:Fauna de Francia Categoría:Fauna d'os Países Baixos Categoría:Fauna de Portugal Categoría:Fauna d'o Reino Uniu Categoría:Fauna de Suiza