A potina u sarrampuz () ye una especie de planta d'o chenero Pistacia y d'a familia Anacardiaceae.
Descripción Ye un árbol dioico, ye decir que i hai eixemplars masclos y fembras. As suyas fuellas, de bels 10 cm u mas de largaria, son alternadas, compuestas de 5 a 11 foliolos, imparipinnadas, y brilants por a parti de l'anvés. As flors van d'a color porpra a o verde. O fruito ye d'a mida d'un bisalto. Toda a planta tien una aroma intensa. Desarrollan galas en forma de cuerno de craba por a picadura de bels insectos. Se puet hibridar de manera natural con o lentisco (Pistacia lentiscus). En a cuenca d'a Mediterrania oriental se troba una especie parellana, Pistacia palaestina.
S'emplega como fuent de termentina, posiblement a mas antiga conoixida. Os suyos fruitos se fan servir en Chipre pa fer un pan especial. A planta ye rica en tanins y atras substancias resinosas y fue emplegada por as suyas propiedaz aromaticas y medicinals en l'Antiga Grecia. Kypros.org - Terebinth
Distribución y habitat Ye un arbusto de fuella caduca nativo de l'aria d'a Mediterrania. Se puet trobar dende Marruecos y Portugal dica Turquía y Siria, y tamién en as Islas Canarias. Por un regular ye present en carrascals poco densos y chaparrals. FloraCatalana.net - Pistacia terebinthus L.
Nombres Os nombres mas emplegaus pa ista planta son potina rechistrau en Calasanz, Escaniella, Fonz, La Puebla de Castro y Zanui y sarrampuz rechistrau en Alquezra, Radiquero, Lecina y Salas Altas.
Amás se diz cornicabraCon a variant cornicraba. en a redolada de Turbón, púdol en Calasanz y torcebuch en Almunia d'o Romeral. Existe tamién a forma terebinto.
Notas
Referencias
Terebinthus Categoría:Plantas medicinals Categoría:Flora d'Africa Categoría:Flora d'Aragón Categoría:Flora d'Asia Categoría:Flora d'Europa Categoría:Flora d'os Pireneus