O chauCon as variants chebo, yebo y yabo. u chefloCon as variants chefle y cheulo. (), tamién dito pudimánCon a variant pudimal., ye una especie vechetal d'o chenero Sambucus y d'a familia Adoxaceae.
Características Creixe dica 1-2,5 m d'altaria, con tallos erectos, usualment sin brancas, en grans grupos por un espardiu y perenne sistema de rizomas soterranyos. As fuellas son opuestas y imparipinnadas de 15-30 cm de largaria, con 5-13 foliolos de borde atrallau con aroma fedient. Os tallos rematan en un corimbo de 10-15 cm de diametro con a saber-las flors blancas que fan buena oloreta (ocasionalment rosas). O fruito ye una baya, de color negra, chicota y globosa de 5-6 mm de diametro. Os fruitos verdes se caracterizan por estar muit toxicos.
Usos Posee propiedades sudorificas, diureticas y laxants. En Infojardín
Nombres Se conoixe como chau en as comarcas de Sobrepuerto y Sarrablo y chebo en Fuents d'Ebro y Luesia, rechistrando-se as variants yebo en Abai y Barós y yabo en Fago y Puyarruego. Ye documentada tamién a forma chebera. En a val de Chistau se diz chefloCon a variant chefle. y en zona de Turbón y en localidaz como Benás y Espés ye cheulo.
En aragonés ribagorzano se troban formas como pudimán documentada en La Puebla de Castro, Santalecina, pudimal en Estadilla, Estada y Olbena y pudremans en Capella y Torres. En Ribagorza tamién se rechistran putiera y follanastroCon a variant fallanastro..
S'han puesto documentar atras denominacions como sabuco borde en Nogueruelas, sabuqueret en Sarrablo, sabuquillo en Echo y sabuquero baixo.
Notas
Referencias
Ebulus Categoría:Flora d'os Pireneus